對不起，請各位大大息怒。模型是一種喜好，是從心出發的樂趣，難得大家都喜歡模型，相信在模型店碰頭都會開懷暢談。
因為我的言論令大家不快，非常抱歉！
非常同意以上ArLip兄的見解。製作的多寡不重要，只要真的喜歡模型，大家就是知心友。
不要介意自己作品的多寡，也不要介意完成度的高低，只要能製作出能自己喜愛的作品，我覺得就可以拿出來和大家分享。
我讀書時經常流連模型店，和老闆/其他顧客聊天可以消磨一個下午，弄得父母經常提醒我不要玩物喪志 。可惜現今的模型店越開越少，而自己可以用來休息的時間也越來越短。有幸在朋友的介紹下發現香港有如此熱鬧的模型網站供大家分享喜好。
希望各位繼續努力，但願在我退休（或被迫長休）之時，能和大家分享小人的劣作。

好, 我認真同版主你討論下

1. 事實唔係 "認為", 係 "的確存在" 「聯群結黨攻擊人」既現象, 近期例子如下:
    http://www.hkml.net/Discuz/viewt ... p;extra=&page=1
   呢個討論區, 我一個人都唔識, 以第3者角度去睇上面個post, 點睇都只不過係一個好普通o既討論價格post,
   結果你班"黨友"出動圍插人, 明明係你班 "黨友" 進行人身攻擊, 仲要調轉頭話對方進行人身攻擊, 強！
2. 紅字我只係想作出 "諷刺", 如有誤會請見諒.
3. 想請問講事實都唔應該? 敢問你班 "黨友" 有無用 "恰當的態度,合適的言詞" ? 你選擇性失明? 只係警告我一個真係非常公平,
    不過其實我預咗會受到 "公平" 對待, 睇咗幾年都好明白呢度d潛規則.
4. 你呢個回應其實更加應該畀你班 "黨友" 深思.


無錯, 所以我對所有人都會有基本o既尊重, 除咗d無品o既人, d成品幾咁有水準都無用.

我們都是模型愛好者! 讓我們享受對方的心血ba

公開論壇耐左係難免有呢d事...除非論壇keep唔住人無人氣

我吾明「你班黨友」,果個「你」係指本人?抱歉,你誤會了,我沒有「黨」,更加不存在「黨友」, 如果你想求証,你可以翻查一下我的留言,甚至給予過人甚麼警告,或許你會有新發現.當然,你也可以不翻查,繼續有這樣的想法.

1. 或者你無睇清楚我寫:「或者"Ran"你會認為,hkml 呢度都有「聯群結黨攻擊人」既現象,誠如我之前之前所言,有人聚集既地方,問題難免出現.」,我跟大家說的,都是現實.不過請你了解一點,「人生攻擊」的意思是甚麼....

2. 大意之前已有說過,不再詳述.

3. 我警告/警告過的豈止你一人?不過,警告並不一定在帖子上,我們還會用pm作出警告,我相信收過的都會明白.
「只係警告我一個真係非常公平,不過其實我預咗會受到 "公平" 對待, 睇咗幾年都好明白呢度d潛規則.」呢句話,如果你無打漏字,相信都係一句「調刺」的說話.如果你第2點既態度係認真,我實在吾明白你要再「調刺」一次,意欲何為.而關於你認為的「選擇性失明」這個指控,請看下面藍字的序述.

4. 對上的回應係俾所有會員看,並非單單是你.我寫上「在這裡借一步跟大家也說說」便是這個意思.

以下,是跟「大家」說的:
有一點: 或者大家加入討論區時只看版規,往往忽略了討論區的「重要聲明」,其實在大家看每一個版頁時,不妨都留意一下頁底的聲明.
或者我在這裡引用一次:
「重要聲明：本討論區是以即時上載留言的方式運作，香港模型聯盟對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，用戶不應完全信賴內容，並應自行判斷內容之真實性。於有關情形下，用戶應尋求專業意見。 由於本討論區受到「即時上載留言」運作方式所規限，故不能完全監察所有留言，若讀者發現有留言出現問題，請聯絡我們。香港模型聯盟有權刪除任何留言及拒絕任何人士上載留言，同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。 」

我只係個會員，路過但真係忍唔住要出句聲，請問你憑咩去標籤 “黨友” 呢樣野 ? ~

你意思好似講到係版管聯同你所謂既 "黨友" 一黨人去圍插人，呢樣本人覺得太過是非不分及搬弄是非了吧，

自己入左論壇多年，比我感覺雖未至於完美 但已經義務提供左一個好好既平台比大家分享同交流，

至於係咪你講到咁多潛規則又盛，我相信係到玩得耐既會員自會識得分辯，如果係亦唔會有咁多模友樂意留係到交流，

冇咩時間續點對辯，只係有感而發不吐不快，有錯多多包涵。

你唔認當然無人迫到你, 不過响呢度一段日子都可以睇到邊班人同管理員friend啦, 另外「人身攻擊」我係講之前個討論價格舊post,

我第2點當然都係好認真, 事實上呢單野本身我事不關己, 我係睇唔過眼 "又" 有人被圍至出聲, 你話警告唔止我一個,

不過其他人係pm, 我就出post, 已經係引証我之前所講, 係親疏有別啦, 我唔出聲都唔會 "澄清" 你o既聲明原來係畀所謂o既大家睇.


我唔係話版主一齊圍插人, 但事實係版主一直都畀人見到佢對呢班 "高手" 態度特別寬鬆,

世上係有"人情", 人性如此好正常, 不過唔好唔認, 又扮晒持平咁,

你話相信係到玩得耐既會員自會識得分辯, 我都信, 所以淨係呢個post都令我多咗好多分.

不如你試下舉例講下版主們同邊班人特別 fd，同時又要對果班人寬鬆丫，我都想了解下，反思下。
無可否認的一點是，好多版主做版主前都是我的朋友，因為我開hkml時除了想建立一個平台比同好外，就是想識朋友，正如其它網友一樣，如果你話做版友的可以識朋友，而壇主/版管就唔可以，我覺得這點說不通。
至於你話處事不公的層面上，我真的好有興趣了解一下，對你來說，我們版管好像高一等，可以出警告/ban人。但你又有否考慮過當朋友做了過界的事時，我們所面對的兩難？你又知不知我地開 hkml 至今9 年，有幾多朋友因為版規上的問題意見分歧而變成了陌路人呢？我也不想去數了..........

總之而家我只有一個信念，就係盡力提供一個和諧的平台比各同好，吸引番一班年輕的模友加入模型圈，其它的人事關系，紛爭可大事化小，講真，砌模型只是興趣，HKML 是交友平台，點解要因為一些 value 的不同而爭執，甚至對立呢？因興趣而反目我覺得好可惜，反之因興趣而相識，不是更好嗎？有時面對對立面，各執一詞，你爭我辨，不是很浪費時間嗎？與其係咁，不如在情緒到時，砌下模型，出街 relax 下，轉個頭消了道氣，一切如常吹吹水，交流模型心得，不是更好嗎？

老土講句，贏了場交，輸了個 friend 值得嗎？

果然你係無去求証過...當然你有你既諗法,亦無人「逼」到你.

至於「其他人係pm, 我就出post」呢個亦係你無求証過所得出黎既數據...,「出post禁言」不止你一個,應該話係絕大部份時間都係「出post禁言」添...但你就睇吾到,剩係睇到自己,又吾打算去求証,咁我都無你符...不過,若果咁樣就等於「親疏有別」...我可以好明白咁話你聽,我通常用「pm警告」係因為要實施「禁言」,或者處理買賣區警告,避免推post...我實在諗吾明點解你想我咁樣對待你先叫做公平喎...

澄清 d 乜野聲明?文字上我都寫得好明白:「在這裡借一步跟大家也說說」,你不明白這句說話裡,「大家」的意思嗎? 除非咁岩你個名叫做「大家也」,咁我就似係澄清緊...定係其實你個名真係叫做「大家也」!??

多口講句

與其花時間鑽牛角尖諗別人點"歧視"自己同點去反擊,
不如花時間諗下下一件模型點搞

有時模型呢家野唔一定要砌, 睇下 / 幻想下都好過癮
有時間 / 精神何必硬要搞到自己唔開心, 人地唔好過呢

"你班黨友"的說法, 其实同之前另一位"蛀書蟲"的言論. 的確有好強的標籤效應 .

如果不是惡意中傷, 這類字眼還是少用好 .

大家都忙緊版聚的事宜 (我忙緊砌姐); 版管們忙緊場地安排...

希望你多一点体諒, 用多d 心機去砌嘢, 真心去揾你的同好, 一定揾到嘅

本人正在製作XXXXXXXXXXXXXXXXX
XXXXXXXXXXX
XXXXXXXXXX
師兄有多餘存貨割愛出讓, 大恩大德沒齒難忘
[attach]403150[/attach]

[ 本帖最後由 matleung 於 2012-10-15 03:49 PM 編輯 ]

無論幾急，總不能在聊天室徵物品，更可況是貼紙類？
在這裡給你一個警告，請別再犯。

管理員 上

To ArLip, matleung, shevkiko, simmonelai:

我都唔喜歡爭執, 始終各人價值觀唔同, 你認為我錯時我都認為你錯, 最後只想講,

反唔反擊係一件事, 你可以話我反擊已經係錯, 唔熟悉管理員o既人應該任人魚肉,

但事實係的確有人作出歧視性言論(唔係因為對方品格問題, 而只係技術方面),

另外係版主對於呢個事件o既警告方式, 唔係講以前點樣公平公正,

所以今次做法唔同都無問題, 你回顧返過去就ok啦, 今次係個別事件啫, 到下次又係個別事實啫,

之後次次都係個別事件啫, 你回顧返10年前啦, 10年前好公正o架.

要講o既講完, 我都唔想再作回應, 其他人可以陸逐出o黎抽水啦, 再見.