話説尋日老闆帶我去尖沙咀金馬倫道二十幾號有間叫"ULTIMXXX" 的蘋果產品專門店看IPAD，我無咩認識所以只係睇下，老板雖然有兩部 IPAD，但用就麻麻地，當時有兩個店員，一個金毛後生仔，一個女仔，老闆問他們一些問題，他們好不願意答，問了幾個問題態度一樣，我無講野，只係聼都覺得服務態度好差，所以同老細講算啦，走吧，我走先兩步，老闆臨出門就話佢地問咩都唔答，太差。

跟住我回頭唔見人，原來老闆仲係入面，大罵個金毛仔，原來條友係老闆臨出門時話：痴“能”綫！
我老闆扯火啦！條金毛唔認自己有講，我老闆就話聼得好清楚你有，
條金毛話就算有講都唔係同你，老闆話唔係話我話空氣呀？
我覺得條友唔認太狗，就加入話：你講得出無膽認就正契弟，你係咪契弟呀？
條友至認，同老細話：我有講，但唔係話你，如果你覺得我係話你我就唔好意思。
老闆話要報警，跟住兩個PC黎左，拉我地出門口錄口供，老闆又Call左律師。
錄完口供跟住我地走左，見兩個差人入左去同條金毛講野。
我地攞左呢間 ULTI乜電腦公司的總部電話，打去投訴他們員工態度惡劣，點知接電話的Reception成日話負責人出去了，費時彩我地！原來間公司上下都係差不多！

後來我有個Friend話好多呢D影音電腦公司都係黑社會開的，係洗黑錢同屈錢的，他也試過比左錢至話個Model 無貨，落閘唔還錢，逼佢要個差D既型號。
所以大家小心！！

尖沙咀電器鋪
入都唔會入
除左連鎖店,其他都9成9黑店

你唔係遊客,冇得"湯"
態度都咁咁上下差

我有個中學同學都有做過尖咀的影音店，
佢同我講千期咪入去，真係劏客打人的。

呢 d 舖頭聽執 !!! ~

比著廿年前既我，開拖都似 ~

尖東啲影音店都敢入去睇？...

齋睇企門口位大哥就已經唔好入啦...

小櫻上

尖咀D舖租咁Q貴，班契弟都生存得到，真係難為真係老實經營果D商戶，捱生捱死都係同業主打工

依間公司都幾多分行架喎
可能尖咀分店跟本唔諗住做港人意啦

入去老尖果d影音舖咁高危動作c hing都敢做, 服咗!

啊, 收到, 好以有一間叫 XXXXXATE 丫嗎??

我有個馬來西亞華僑同事, 一早叫佢唔好去尖咀D影音店, 點知佢放左工ON 居居去左果間好多閃閃招牌舖頭, 又係比人屈左成皮野買個傻瓜機, 唉....

係呀！我上網查過，全港都有幾間“嘔D乜”分店，寫明Apple Authorised Dealer，
不過蘋果授權的分銷公司其實好多，唔止佢，百老匯、豊澤都係。

尖咀的影音店開名劏人就開嗮名，我從來唔會入，不過呢間“嘔D乜”蘋果授權店，外表好正路，唔似有咩蠱惑，
我老闆仲話之前係果度買過野，點知而加D態度甘惡劣，臭寸不特止，仲爆粗，我老闆斯文人都抵唔住要佢道歉！
呢條金毛好淡定，所以我覺得同佢公司投訴都未必有用，可能根本成間公司都係金毛黑社會，佢算係最斯文果個。

答對！醒目！
不過幫襯鋪頭就要帶眼識人，呢亭黑店真係要認住！就算無損失金錢，啦啦比人問候都唔開心啦！

HK人買電腦影音野都係唔好去尖沙咀啦~~~

其實我都係尖沙咀買唔少野，絕大部分都係去百老x，因爲出旺角同尖咀價錢一樣，自己又係尖咀返工，方便嘛！
不過這次係老闆帶我去，睇落蘋果D野好似係公價，間間都一樣價，而且間野看落好正路，點知D人一開口講野就出事！

師兄你BOSS用咩原因報警?

哦,咁百記呢d大舖就冇問題既

基本上"老香港"都知尖咀果d 紅紅綠綠招牌既電器舖都唔係做香港人生意同搵人笨架啦. 問題只係明知佢地有問題都冇辦法去取締佢地姐.

果d舖頭睇真d，根本係冇舖頭名，淨得影音牌子ge光管架咋

師兄，呢個係個好問題，我老闆係好慶，想教訓個爛口金毛唔係佢想講粗口就可以隨便講，
他說的士司機講粗口被告上法庭都判輸，所以覺得可以告佢，

警察來到，阿Sir錄完口供後，解釋的士司機有條“運輸條例”寫明唔可以講粗口，講左就犯法
但店鋪職員無一條法例列明禁止他們無禮或者講粗口，除非佢有出言恐嚇，或者表示係黑社會，那樣就即刻變左刑事了！
消費者可以做的只有兩個：
1）打電話去他老闆處投訴這個員工無禮（如果佢就係老闆呢？甘仲投乜鬼呀！？最多唱衰佢姐！）
2）打電話去消委會投訴（呢個仲無用，呢個機構我以前都打過比佢，最後佢自己都講：其實我地法律上沒有權力，都係做個調解角色.......,,,,,, = 咩都唔洗做）

跟住老板打比律師，講既野同上面講的一樣。

所以結論係 香港法例只係保障的士乘客不會受到司機無禮對待，但就 無保障顧客不會受到服務業人員無禮對待 ，
所以香港人係鋪頭同職員有爭執，都係互相問候老味就算.......... 我地算斯文啦！

其實可以用一招
問佢:(最好暗地裹錄音)你系咪黑社會吖?吾系我洗乜驚你?(重点系要激慶佢)..佢話佢吾系黑社會我就勁講d野潤佢(重点系我冇犯法例如干犯恐嚇罪);如果佢話自己系黑社會我即刻報警話有人自稱三合會成員