終於o黎到戲玉，用自由樹脂件去複背包燃料筒兩側o既圓餅出o黎．

雖然話係單面複件，但係吸收上次失敗經驗，今次要set死原件高度o向個模裡面，所以用雙面膠紙痴塊1.5mm膠板o向原件背面，然後先用；自田樹脂套個型出o黎．

以為用下圖O個隻工業用混合筆地會硬o的，點知好難控制兩者粉量對等，主體物質又好粉，似白英泥咁，複件出o黎亦唔夠硬，紋理模糊，失敗．

[ 本帖最後由 alex_d_liu 於 2012-6-10 10:38 PM 編輯 ]

再o黎返去覆下臂外側part屎，今次哩件唔係圓型，一take過搞掂，模邊夠利，唔記得提返，我用o左個透明牙籤筒蓋壓個原件入自由樹脂度，一O黎透明可以睇到情況，二o黎可以平均力度，壓個平面出o黎，令到第二時複件時高度平均，哩個步驟唔少得

本來諗著用simonnlei用開o既ALTECO混合筆地，打開PACKING之後發現好油O下，今次唔試著，用返雙星綠盒混合筆地做返件，先用vaseline茶o向模裡面，然後填入筆地後再用膠板壓上去，要大力o的壓到多餘筆地必出o黎，咁複件o既高度先唔會比原件多．

３粒鐘後，複件成功！
　

[ 本帖最後由 alex_d_liu 於 2012-6-10 10:50 PM 編輯 ]

ALTECO混合筆地有油出, 我衹見過一次(係黃色個條出啡油), 仲係会硬唔透.

係過了期 / 變了. 真係丟得, 個次係係鴨記啲排擋買$28 .

會唔會試埋用原子灰覆, 幼細d , 但臭

原來咁即係過期？　等我諗著今次唔搏，留返下次做內部填充用添，咁又白費o左囉 ，都係雙星綠盒混地靠得著。

原子灰，我唔會用lu，聽聞控制硬度唔易，而且我估我同以前雙星枝裝polyester putty或Mori Mori枝裝polyester putty一樣，開封後唔用一排會硬化，成枝丟得，咪搞我囉。

講開原子灰過期, 真係冇乜譜, 試過放兩、三個月就硬晒, 岩岩果罐差不多一年仲好好狀態...

你不如搓 d 出嚟試多次先丟, 隻 AB putty 係無註明 Expiry Date.

其實雙星 混合畢地我都試過買返嚟巳經乾亁地, 之后果然係唔硬.

你買o個隻雙星 混合畢地係咪盒裝o既先？　如係，無理由會咁，我買返o黎時，如係綠盒o個隻，裡面係分開兩條一樣份量o的白色同黃色筆地，冇油出，但係痴手o既，咁為止正常，要兩者同等份量挫埋一舊之後先會慢慢變硬。


對，所以自從用過Mori Mori o個類之後，都對原子灰望而卻步了。

[ 本帖最後由 alex_d_liu 於 2012-6-11 12:10 PM 編輯 ]

好想試下用Mori Mori, 家陣幾銀呢?

冇買都有成十年囉，我估而家要最少$7x呱，不過我奉勸你唔好試lu，用法同原子灰一樣o架咋，又係唔用一排主濟硬晒，可以丟得。

(對，所以自從用過Mori Mori o個類之後，都對原子灰望而卻步了。)
oh 我會錯意了, 我以為你話 mori mori 好用, 吾再用原子灰...

我無事wow

[attach]393627[/attach]

我都有支Mori, 開咗半年都仲 OK.

但我睇嫌去有体臭.好少用,around $100一支.


我pack 孖星係盒裝, 一條 green, 一條 white. green 個條乾亁地. 唔work.

不過都係試過一次 je.

[ 本帖最後由 simmonelai 於 2012-6-11 03:47 PM 編輯 ]