最初星輝只係一間地下舖仔，超細間，賣遊戲機同帶為主，模型唔平，款式唔多。

反而二樓有間模型舖賣模型賣到好平，十幾年前好多細路仔都同佢買四驅車，BB戰士同高達模型，甚至有年輕人專登走去同佢買LEGO城市系列同海盜船。

有時店主遲o左開舖，出面條樓梯就企滿晒家長同細路，大家都等住買心頭好。

印象中店主相當好人，好好傾同好友善，印象中仲可以打開個盒慢慢睇，但聽佢講間中都有後生仔專登走去佢間舖偷野，仲有童黨搶細路仔模型再沿著條樓梯逃走，叫班客仔提防樓梯班小朋友。

後來到左1996年，因為商場二樓租o左某大超級市場，好多店仔都焗住要搬或者執笠，好不幸呢間模型舖正正係其中之一。

我到依家都唔知道佢係搬o左定執o左。




至於星輝，自從搬上頂樓，就越做越大，咩都賣，唔計櫥窗o既數碼暴龍機同閃卡，最當眼位置都係放晒BB戰士，EVA同MG高達模型。

以前每一次入到星輝，都覺得場面好壯觀，而我覺得呢一段時期星輝o既模型真係幾平。

反而依家o既星輝，已經感受唔到o個種「場面徫大」o既氣勢，只係一間好闊落o既玩具店。




1996年左右，九龍灣德褔廣場二期頂層開o左間專門店，佢o既MG高達模型比星輝仲平少少，不過呢間專門店傾向賣首辦同模型完成品，高達模型反而唔多。

呢間o野好多年前搬走o左，依家唔知仲撈唔撈得掂? 定係已經關門大吉?

以前九龍灣真係幾多模型店，就連屈臣氏都可以搵到最早一批HG 1/144模型(RX-78-2同ZZ高達)。





講返淘大，有一間模型店真係無咩大改變，就係勵高廊。咁多年，間商場已經改到面目全非(?)，但偏偏勵高廊又無搬過同裝修過，十幾年如一日，生命力認真強頑。櫥窗依然擺滿晒好多模型同「勇者系列」玩具，而且越來越多。印象中我無咩點買過o野，但近來我見到好多小朋友鐘意去勵高廊買高達模型，反而會入星輝o既似乎都係青少年為主。

當全間商場裝修過幾次，勵高廊似乎係全商場唯一一間無咩點變o既商店。

聽講以前二樓間模型舖就係依家既愛民, 真正係唔係就唔知啦

德褔頂層果間係鴻發, 依家係灣仔

至於勵高廊以前唔係呢個位架, 係依家實惠門口果個位

如果講九龍, 一定唔可以少得99
可惜隨住牛下, 亦都無左lu...

[ 本帖最後由 dreaming 於 2010-9-26 11:10 PM 編輯 ]

嘩~唔講真係唔知wo~我剩係記得細個老豆帶我地去淘大,到停車場落一層入商場一定係轉左先,因為就係星輝啦 ,一眼望入去第一時間一定係俾放MG果個位吸引住,
細個買親模型都起果度買,第一部GameBoyColor都係果度買

大家記唔記得以前西九龍中心都有模型舖…宜家都汁哂…

模型舖點頂得著西九龍中心禁貴租呀!

鑽石山間老環賣到禁貴, 應該仲生存度呱?

兩三年前已經消失o左啦。

依家咁貴租，旺舖真係得大集團先租得起。

[ 本帖最後由 dobs 於 2010-9-27 11:24 AM 編輯 ]

我細個去開淘大都會去德福戲院隔離個間模型舖睇野架, 不過都係齋睇多, 因為淘大真係平d, 仲記得有一晚去開個頭買左隻1:35沼澤狗~正~

同埋已前係觀塘街市裡便有間要"爬"樓梯既我都會特登去架,d 1:24車真係好平~

家下冇lu~

多謝師兄報料，我都唔知原來仲有一間叫「愛民」o既模型舖。得閒去睇下先。

鴻發我通常只看不買，當年無錢，根本玩唔起首辦，有一盒MG模型已經好心足。

或者因為勵高廊o既櫥窗無咩點變，所以我對勵高廊搬舖無咩印象。應該係1996年o既事?

十幾年前「勵高廊」附近好似仲有一間素菜館? 我最記得每次去行淘大都一定要去買盒酸齋。


無計啦，依家咁租金咁貴，得大集團先玩得起，小商戶根本無得玩。

其實好多商場都係咁，以前淘大好多小商戶同特色商店，地下有好多食肆，有間生果店專買生果班戟，我以前行過一定會同佢買一盒芒果班戟，樓上仲有素菜館。

地下有間大班餐廳，仲有另一間西餐廳，雖然無咩點「幫趁」佢地，但總覺得佢地係「可愛的存在」，當然仲有超旺o既「啃他雞」。依家得返間「啃他雞」，其餘都係連鎖店賣衫。

反而商場出面近馬路o既涼茶舖，粉麵舖依然屹立不倒。

以前淘大雖然殘，但好多o野睇好多o野買，部分店住仲幾有人情味。依家? Oh no......




講開又講，以前九龍城廣場頂樓都有一間模型舖，勁多舊高達模型，個盒超殘舊，F-90同F-91系列，戰艦，渣古坦克，MSV，一盒盒咁疊到上個天花板，真係好正。

呢間模型舖怕且都執o左好多年啦。

[ 本帖最後由 dobs 於 2010-9-27 09:49 PM 編輯 ]

愛民, 其實係指愛民𦅜...

其實我對淘大以前既印象都唔係太深...因為果陣太細個啦...
只不過我住係附近, 所以先略知一二...

只記得以前勵高廊個鋪位重細過依家

以前都係去牛下買模型既多, 勝在夠平
睇新貨既, 通常就去星輝留意下

但依家已經無哂呢d感覺lu...

以前大部份MG都係99度買, 宜家多數上網BID........

想問一問間野仲係唔係到?

見原文:

後來到左1996年，因為商場二樓租o左某大超級市場，好多店仔都焗住要搬或者執笠，好不幸呢間模型舖正正係其中之一。

答到你未?

當年淘大有玩具店, 德福呢 ? 只記得舊德福書局和戲院旁的小模型舖
另外牛頭角下邨也有書局賣模型玩具

[ 本帖最後由 someup 於 2010-9-29 08:12 PM 編輯 ]

德福(第二期)有鴻發，原文稍有提及。

其實德福廣場(第一期)都有一間店舖有賣模型，不過由於佢主要係賣文具同精品，所以我並沒有提起。

這間店舖歷史相當久，幾近萬年不倒，鄰近McDonald's，相信各位讀者都估到我係講邊一間。

以前我成日走去睇0083同沙漠騎兵模型，至今依然記得個BOXART。




至於牛下...... 我以前都唔知道牛下有模型店，走寶了。

對了，淘大本來仲有另一間玩具精品店，就係「人氣町」。

人氣町大約在98年出現，對面正正就係「星輝」，十足打對台。

當年正值四驅車熱潮，仲有數碼暴龍熱潮，仲有W Gundam熱潮，所以兩店之間的通道經常有一大班小朋友聚集。

人氣町主打係正文社o既漫畫，特別係高達漫畫同四驅車漫畫，模型並唔係主打，而且印象中人氣町o既模型貴過「星輝」好多，好多人都係只看不買。

人氣町除o左有漫畫同日本「至hit玩具」，仲擺o左唔少高達模型完成成品。

當年Co-Co有專欄教人砌模型，而且教得幾詳盡，例如點樣處理電鍍件水口，點樣令夾口消失，點樣上色...... 全部教晒，仲有示範作例。

最記得佢隻1/100 ZZ高達，分幾期做示範，睇到我「嘩嘩聲」，覺得o個位哥哥(?)真係好勁，竟然可以將盒十幾年前o既模型砌得咁正。

後來呢隻1/100 ZZ高達，同其他示範作例一起在人氣町展示。

用現時眼光，o個隻ZZ高達只係算中規中距，但當年我真係勁鐘意隻ZZ高達。