之前是裝作素組,宜家想幫高達上色,希望各位可以幫幫忙解答一些問題
上色前是否要上一層灰,再上一層底油,最後才上主色??
那層灰是手漆還是用噴罐??是那牌子(可否提供相片)?
夾口要變作無縫,是用aa膠+爽身粉??
各位是完成整部高達, 還是逐part上色??

步驟大致上正確
灰就要噴,可用mr surfacer

傳統方法用畢地補夾口,但時間關係,可以用aa膠+爽身粉,(直接用aa膠都得)

唔該晒~~~
是否這款噴罐---噴 漆 補 土 MR SURFACER SPRAY

yes...........

係咪完成無縫,砂紙,再上灰
還是無縫,上灰,上底色,主色, 最後才用砂紙

無縫,打磨,噴灰CHECK有冇瑕疵,有的再磨,再噴灰,上色

唔該你
我想問下各位係完成一部模型才做無縫,打磨,噴灰,上色這些工序,
還是逐part逐part做這些工序??

你可以假組晒成隻,玩下先,睇下有D咩位要做無縫,睇下洗唔洗分件OR製作時有咩位要特別注意同點處理.
想快的話就砌的時候做埋無縫,最緊睇清楚做左無縫之後會唔會影響其後組合.
好似好多HG  肩膀個夾口都會同隻手連接,咁就可能要做分件,或者完成左隻手上色先組裝完再做肩膀無縫同之後D工序.

希望幫到你啦

有D師兄會假組先，睇睇有冇需要改造形（如加高雙腳或加闊個胸等），不過你剛剛轉玩上色，唔好搞呢D野住！因為假組都好煩，每做荀位都要處理過，否則之後分開唔返咁就大鑊！

我就會一開始細心閱讀份說明書（其實係個腦裡面假組一次），決定邊D位要做分色、無縫等，有時可能要分件（將零件 cut 開）方便做完無縫、上色後先組合！不過呢D都要睇你經驗同夠唔夠細心！

之後所有夾口位用溢膠法黐好，過三日先打磨（試過等左一日之後先打磨，都發現有收縮現象），做好晒無縫再上色！

我自己就唔會下下上底灰，如果上色同膠件色相約，咁我會就咁上色；但如果底色深過要上o既色（如高達支炮瞄準鏡位，原膠係灰色，要上紅色等）咁就要上白色灰，再上黃，之後紅咁先夠鮮色！

之後全隻上水貼，上完可以上消光，之後先全隻組合，咁就用左你成個幾星期架喇！

[ 本帖最後由 spencerkam 於 2010-3-11 11:34 PM 編輯 ]