陶傑開咪錯引網上假新聞

陶傑開咪錯引網上假新聞


【明報專訊】網上新聞真假難分，本年2月一名感冒男童連續打機10小時不適入院，結果這篇新聞報道連月來被網民瘋狂轉貼，近日更有人把「打機」惡搞為「少年沉迷醩模寫真自瀆10小時入院」，令有才子之稱的陶傑亦中招，前晚在商台《光明頂》節目中誤用此則假新聞，以此嘲諷「醩模現象」。有互聯網業界人士表示，市民若有需要引用網上資訊，應抱懷疑態度求證。


前晚《光明頂》節目主題為討論醩模殺入書展的現象，其間陶傑說：「我睇到單新聞，有個細路仔買咗啲醩模寫真集，返到屋企連續10個鐘，關埋房門無出過嚟，就做緊一種發育期間血氣方剛的、屬於單身男子、據說中醫話好傷血氣嘅行為，終於10個鐘頭不停，阿媽喺出面拍門送飯入去又唔開，結果搞到兩眼反白，口吐白沬，要白車送入去醫院……」


另一嘉賓主持林敏驄於是問他這是否真事，陶回答﹕「真事呀，我睇網呀嘛，高登（討論區）嗰度賣咗出嚟，連續10個鐘頭車輪式，總之對住寫真10個鐘……」


陶傑：早知該新聞是假的


本報翻查該篇報道原刊於本年2月6日的《蘋果日報》，原本指一名13歲少年打機10小時後暈倒送院，更找來全民健康動力主席勞永樂給予醫學意見。網民後來把報道中的「打機」改為「自瀆」，近日報道再「進化」，在高登討論區被網民改為該少年看醩模周秀娜的寫真自瀆暈倒，原本男童送院的新聞圖片中，亦被加上一本周秀娜寫真集。


本報昨致電陶傑，他回應說自己早知該新聞是假的，因此在節目中強調消息是在網上看到，至於他為何向其他主持強調此事為「真事」，他解釋，「真事」意思是「真的在網上看到此事」。但他表示，網民發布假消息應反省，「下次如果話國金中心樓下有炸彈，就會有後果喇」。


對於報道不斷被網民刪改，勞永樂表示感到好笑，但他指出，一般男性自瀆時間約為數分鐘，之後會進入一個抗拒性的生理時間，往往要休息一小時以上才能進行下次自瀆，而即使是年輕力壯者，亦不可能連續自瀆10小時。


香港互聯網協會主席莫乃光指出，改新聞在網民間甚為流行，網上假或錯的資訊亦甚多，市民若有需要引用網上資料，要抱懷疑心態，最好是和傳統媒體互相引證，以免出錯。

http://www.youtube.com/watch?v=C1otXEeEPQg

陶傑信高登太多

逃傑一句鐘意預言 估中就會係自己節目話自己幾有"遠見"  
估錯就簡單唔再提  反正估錯唔使死

錯左唔認 今次咪自圓其說LOR 跟手又會係自己節目"解話"

謠言此於智者  佢都係返返去佢嘅小農社會啦

寫果個記者果晚有冇聽 ga~?   

果晚 "陶傑" 引果段新聞係明 "玩野", 當時佢講呢段野時語氣輕挑, 一聽就知佢係到搞緊氣氛, 加上佢話係 "高登" Quote 出黎, 就知發生乜事...

佢幾時講野唔語氣輕挑吖

佢認真講野時, 你覺得其他主持人仲可以插到咀問佢野麼...

唔係喎...我聽住佢話 " 真嫁, 高登到賣左出黎 "

讀過書都會覺得 "呢件事"係真

唔係"單野係高登到"係真

係咪死雞就明眼人都知啦

唔通你係陶19既fANS???

我睇到單新聞，有個細路仔買咗啲醩模寫真集，返到屋企連續10個鐘，關埋房門無出過嚟，就做緊一種發育期間血氣方剛的、屬於單身男子、據說中醫話好傷血氣嘅行為，終於10個鐘頭不停，阿媽喺出面拍門送飯入去又唔開，結果搞到兩眼反白，口吐白沬，要白車送入去醫院……

真事呀，我睇網呀嘛，高登（討論區）嗰度賣咗出嚟，連續10個鐘頭車輪式，總之對住寫真10個鐘
---------------------------------------------------------------------------------

如果我信以上真有其事而又有份報紙會咁 "生動" 報段新聞既話 (照陶傑講), 我就真係冇讀過書 la...

一日不抽水，一日不吃飯
抽得人水多終於比人玩

你咁講又係WOR 佢周時講野講到另外兩個主持人(即使想附和佢)都插唔到咀
要等佢講到滿意先可以加咀  始終另外兩個主持都係做細

我覺得佢講北愛問題伊司蘭歴史係幾好   比較持平

不過講中國民題就好市井 又過於武断 有時又扮女人聲
聽到心都寒埋 唔轉台唔得

又鍾意係節目度幫自己私事解話  又成日預言  言中就宣傳  估唔中就側側膊唔再提
呢d都唔係作為聽眾嘅我想知嘅