新手.....有好多野唔明 希望各位大大能夠幫幫小弟

高達既頭部應該點砌先岩呢?

係咪應該跟左佢既圖砌完之後再上色?

上左色先畫線定係畫左線先上色?

眼既部份又應該點做?

用噴罐點先可以噴到個口而又唔影響到其他地方?

多謝各位大大既解答

應該先將臉部同頭部作分件處理
把臉部上色後先插返落個頭度
個口通常都係手油上色,唔會用噴罐,因為太細,好難噴到
眼既部份都係手油,先油眼睛,之後油眼睛外圍部分

你可以買遮蓋液,
或者模型膠紙
遮住唔想噴到o既地方

高達既頭部應該點砌先岩呢? > 個人黎講散件上色係好d。

係咪應該跟左佢既圖砌完之後再上色? > 散件既意思，係批完水口噴灰，上色，最後砌埋

上左色先畫線定係畫左線先上色? >> 我諗好少人會畫左線先上色呱...咁高技巧???

眼既部份又應該點做?  先噴眼珠(黃) 再用膠紙遮住黃色部份，再上黑色既底。

用噴罐點先可以噴到個口而又唔影響到其他地方?  

噴罐最好既做法，係用模型膠紙遮住唔想噴既地方，遮完之後掃一浸遮蓋液以免有條 "喇" 住滲油落去。
不過噴個口我建議你先上其他地方，即係白色， 上紅色先既話可能會將底油既紅色現晒出黎。
因為噴罐無得就住個力。

[ 本帖最後由 tojoelee 於 2009-2-12 05:09 PM 編輯 ]

多謝樓上又多位大大既高見

想問下遮蓋液係咩樣嫁?

好似漿糊既物体，透明綠色，好杰既。
擦上你要遮既地方，
乾左之後變成粘模狀。等 30 分鐘就可以上色，

之後連膠紙連遮蓋液撕走晒就掂。

你去模型鋪話買遮蓋液 或者遮蓋液改就得。

想問下有冇包裝睇.......

唔好懶成咁，要模型砌得靚就自己做下資料搜集。
你自己去 "模型村" 睇下先啦。