原帖由
wongleo 於 2008-1-31 10:16 AM 發表
多謝louisuni兄咁詳細o既講解，真係好好人呢，我會好好試吓架喇
不過我因為完全無玩過AFV，所以有以下一堆無知o既問題
1.咩係天然土?
2.買製造掉漆用o既海綿需要考慮海綿本身o既密度 ...
leo 兄客氣了. 大家多多交流下. 小弟連噴筆都未渣得穩, 日後要多向你們車友多多請教.
1. 天然土 (pigment) 可算是粉彩 (pastel) 既另一種叫法. 大廠出品有西班牙既 MIG 系列. 選擇好多, 附著力亦都唔錯. 呢度既商鋪都 (model axxtion) 有得賣.
2. 海棉密度方面我無細心研究過, 坊間亦有不少唔同用途既海棉出售, 好難 recommend 邊隻好. 其實係做之前, 可以先印係紙張到作測試, 我覺得油漆既濃淡度, 同用力既力度已經可以控制到所出既效果.
3. 印完海棉後, 有時有 d 大面積既掉漆因為得一隻或兩隻色, 會變得好呆板. 所以, 可以再用面相筆, 再補上一點輕微既變化, 令到舊化更加自然.
4. 岑兄係 panzer fans 既 post :
http://www.network54.com/Forum/1 ... +Marder+III+%28H%29
佢 d 相應該 expire 左了, Sorry. 不過你上 *** 應該見到佢既真跡.
文中亦有佢所做既排氣管步驟.
5. 應該先說明一下. 油彩 ( 油畫顏料 )係顏料既一種, wash 係一個技術, 所以兩者係講緊唔同既範疇既野. wash (洗塗) 本身係藉著加深模型既陰暗位黎加強本身輪廓, 令模型更加立體. 以前既 wash, 有前輩會抹少一 d, 順帶做埋一 d 污漬, 雨痕等效果. 但係而家因為有好多新方法, 新工具去取代呢 d effect, 所以現今'流行'
wash 會抹得較乾淨, 只表達輪廓就夠了. 其他會一步步做落去. 至於用乜野顏料做 wash, 可以用 enamel 又得, 油彩又得, 甚至之前有網友話 水性顏料都得. 只要配合返適當 thinner , 而同底色又無衝突就可以了.
油彩係一種好慢乾, 顆粒較細緻, 又帶透明既顏料. 因為呢 d 原因, 而家好多人開始用油畫顏料做舊化, 一來唔會咁易做過火 ( 相對性粉彩覆蓋力太高, 好易 com 哂主色) , 二來帶透明既特性可以做出更多變化, 更多層次. 油彩可以用 x-20 或 火機油稀釋, 兩種 thinner 各有特性, 用邊隻好視乎用家既喜好, 同埋乜野用法.
希望呢 d 資料對 leo 兄有用. 有問題不妨再問 ( 其他網友也是一樣啊 ) , 小弟必知無不答, 希望多點同好一齊嘗試下 afv 啦.
分享
