快d post成品

咁又一晚……
再遲d砌機機都要的起心肝就慘喇.....

carpeta
識貨喎

唔係你估~~~ (睇到第8期咋……咪講後面d野住呀)
不過我覺得個故仔差少少野……點解一定要賽車呢？反正咁辛苦……砌下模型唔好咩~

卡通都好好睇好熱血下ga
不過進度太快,漫畫未畫到,結果搞到個動畫好似爛左尾咁

我老死由佢ARMARM出漫畫時已經有追開
但我個時冇睇(買機機都買到窮，重邊有錢買漫畫呢)
最近見ROADSHOW得閒播D得閒播D
攪到我心思思.......

不過我都重係唔明做乜要咁辛苦玩賽車
故事冇交代清楚點解要咁熱血……
有少少覺得為ENTEND而EXTEND.....

動畫去到少年篇就完左,ending只係話佢地去左f1
不過漫畫就extend到formual,我估至少拖到f1

老友...好銀下咁o播...

不過點解左右兩邊 d 銀位唔同��

sm06, mask, 8號仔, mask, 157....
其實我都有唸過兩邊同一格做同一個效果
但又覺得好悶....
其實係咪真係左右一樣？

嘩... 真係好銀呀~~~   其實真機係咪咁銀架.

d 唔同銀色既 pattern 我幾鐘意.

very nice..
but why black undercoat?

對唔住, 雖然係明知離題, 但係一講到賽車就忍唔住了
Capeta係一流的很真實的賽車故事漫畫, 我有齊書和 DVD, 我早前在我的 Fujimi 出 126C2 的 post 已推薦這本漫畫. 真實的賽車世界就係咁辛苦! 絕非那些虛假的英雄化來包裝, 來神化....你話冇交代?  一開始便交代了! 勝平太開場便是拿着 Lego F-1把玩, 在路邊見到Skyline GTR飛過便扮楂呔盤和扮入波.....第一次發現那未有引擎的舊 kart 仔 (勝平太1號) 那眼神!!! 還要點交代呢? 一辛苦就唔玩? 錦樣叫熱愛咩? 人地夠話見你地砌模型都幾辛苦啦, 又黐又補又磨又噴又....一不小心要重頭黎過..  打番鋪 game 冇咁煩啦, 最多game over, 一野按 start 咪可以再黎過囉! 做乜 "攞苦黎辛" jet ????

好高興你都係識貨之人

我認同catepa對賽車方面既detail，真係講得好好，當中好多細節真係睇到我「up」晒頭…

但我覺得未交代好，其實係因為我以前細細個都有自己一個係屋企砌lego賽車、都有係街見到靚車眼金金、都有11月係屋企睇macau gp，係圖書館睇有關汽車結構既書……
漫畫中好見顥睇得出作者想點樣表達故事來龍去脈，但個d來龍去脈，其實好普遍會生。
故事刻意做一個單親家庭、一個連照顧個仔既時間都冇，做野做得好辛苦既爸爸…配答一個成日俾人蝦、但又好成熟，重要乜都自己收埋唔講既小朋友…呢一個本應連童年成長都應該有問題既小朋友，事問點可能justify到玩賽車？就算三幾個朋友好細個就唸方法搵錢，又真係搵得幾多？
頭幾期我覺得好好睇，因為講得通，但突然間話十幾歲，玩左幾年都重要博晒命，中間skip左既熱血又點呢？讀書？
重要每到某時某就會有貴人出手……「又咁q？？」

一直睇落去，我只係覺得故事冇咁合理，有d野作者迫重就輕帶過左，但reasoning呢樣野，一般故事都會先強化，而唔係輕輕帶過……

我一直中意睇漫畫書，係睇故事講唔講得通，可能因為成日睇金田一有關……一切都要有根有據
catepa中主角對賽車既熱血有幾多，除左我見佢命都唔要都要過人之外，其他off the court既理性問題我都搵唔到有幾多……(我未睇晒十幾期，唔知係咪後面有講呢……)

事問點可能justify到玩賽車？
點為之justify到玩賽車呢?   Joey, 請勿誤會我現在和你"拗"  只是討論一些幾有趣的看法. 就拿砌模型為例 : 錦點樣justify到玩模型呢? 點解要justify呢? 點解有人鐘意紅色唔鐘意藍色呢, 而第二個又最憎紅色呢? ...... 其實只要你細心想想, 人類其實好多時都係非理性的! 就算一個本身性格理性的人, 每天都不自覺地做左好多非理性的事 : 以我為例, 我自問係一個理性的人, 但明知自己模型存貨多到死也一定砌唔晒, 點解神推鬼拱又買?? 以上只不過是順手便即時想到的例子而已!! 鐘意就係鐘意, 好多時真係冇解架! 再舉多一個大家即時心照的絕佳例子吧 : "點解你會鐘意喱個女仔架" 這一句說話, 唔駛我畫公仔畫出腸呀嘛
玩左幾年都重要博晒命
我夠玩左幾kart年仔, 99年尾仲炒到住左一個月醫院做左兩次手術, 跟住3個月的物理治療, 半年都仲要覆診.....點解一年後好番晒就即刻再片過? 我好記得01年第一次重新坐落架kart仔, 在第一轉試車時的頭3個圈, 在香密湖反時針方向跑大直路盡頭的地板油左灣 (緩衝區極窄, 直指包要入醫院), 我縮油過! 我即時入pit "發偶豆", 隊友仲以為我隻腳未掂即來慰問, 我那時唔知點解, 衝口而出答他 : 如果我再縮油過直路尾灣我就從此唔玩 !!!! 結果我做到了, 死都唔肯縮. 點解呢?
再講多一個好得意的故事 : 03年, 我最少每週一次去香密湖, 管理處那辦公室小姐有一次突然問我一個到而家我都覺得好好的問題 : "羅生, 我真係唔明白你地, 兜足幾年都係果個圈, 有乜咁好玩呢? 仲要咁辛苦和side錢喎!"  但又係唔知點解, 我竟然即時答到 : " 因為個個圈都唔同囉!" 她好諤然, 說: "都係唔明"   我那句是真的, 冇講大話, 真係個個圈都唔同!!!!!
我想勸你唔好相信現實上會有金田一, L 之類的人或事存在, 那才是假的呀! 再細心分析那些所謂推理小說/漫畫, 其實好堆砌, 更 '又咁q" !!

我明架~大家king下姐~~~~~
其實我同你既角度會好唔同
當然，花得起錢，間唔中賽車，當然有得好講喇
我以前個老細都間唔中上珠海玩，佢玩個d level又係另一會事……

但我就係唔明，一個連俾孩子一個理想生活環既屋企，點去justify賽車呢門高開支既事呢？
如果話係都只係中意車，我又唔明點解capeta中全完冇講過主角們其他既生活
initial d都會話拓海做part time, 屋企有門生意仔，right?

我既意思係，係理性/物質考慮下，主角有冇可能長時間(幾年)一直玩賽車？

我睇金田一，唔係因為中意佢乜都睇得通，我睇死亡筆記，唔係睇佢地點所謂鬥智鬥力(某程度上我覺得個故仔講唔通……)
金田一有根有據，講得通，呢個係一個故仔睇得人覺得make sense既原因
如果唔係，不如睇eva好過喇~~~~~

記以前細細個睇「我要衝線」，覺得capeta有少少抄佢個concept....
但中間少左既，就係令人認同主角解係都要玩賽車既理據
冇左呢份認同，主角有幾想賽車，都令唔到我同佢一齊好想跑落去……
主角個friend重攪笑……係都要迫主角贏……
重有就係一早po好路既三角關係……編排亦唔見高明……
第一期中作者都講左係第一次做漫畫，我能夠理解故事develop可能比睇開出名既大制作冇咁高明…
但skip都唔好一skip skip幾年丫……

如果講賽車漫畫，除左「字d」，我重有睇開一本「我愛波子」，大師麻宮畫既汽車漫畫，點可以唔睇呢？
佢講得寫實得多，故事亦輕鬆得多，得閒放假睇，幾過引架~~~

但我就係唔明，一個連俾孩子一個理想生活環既屋企，點去justify賽車呢門高開支既事呢？
我估就係人的不同經歷而對某事情/物的認知. 我之前的一個post講咁多野都只是想解釋何謂 熱血/熱誠/ passion. 它是絕對蓋過理性! 我亦了解大部份在圈外看是點想法, 所以點解我成日口口聲聲話 : "真實的賽車世界..."  賽車是有錢人的玩意千真萬確! 我都一早知, 你以為我有米嗎? 你錯了! 出身草桹階層, 80年代尾當我還在爭扎求存某星期日在新界搭緊巴士時, 臨近新田架巴士跟住一架貨車尾, 貨架上運載着的正是小型賽車, 那時新田有個kart仔場, 每個月的第一個星期日有賽事, 就是這一幕, 又係唔知點解著了迷, 從此就一直向著這個"不可能實現的夢想"行......一路行才發現原來都有不少"同道人" 各有各你唔justify, 你覺得絕對唔make sense的辛酸故事! 就隨便拿一個最近相識的模型友的唔make sense踏上賽車路的故事吧! 他住公共屋村, 爸爸從事汽車維修, 自細鐘意賽車, 13歲立定決心開始儲錢誓要一嘗賽車夢, 到廿幾歲時, 張他的一生積蓄用來賽了一季珠海formula Campus!!
你知唔知現實中真係有好多勝平太的例子呢! 這類真實的故事我隨時可以數十個八個, 包保你唔justify,完全唔 make sense. Capeta是一個有血有肉的故事呀! 我的一班窮鬼車手朋友當初只是被它的封面吸引, 即本夾份買本, 諗住都係d 大話西遊野, 但原來.....太有感受了  想起初時玩的那副 n 手車架和勝平太1號有得揮, 車胎專侯那些有錢車手試完幾轉就棄掉的, 第一次參賽的是已用了半年的胎!! ..........

呢個正正就係之所以我覺得唔justify既原因
亦係why我話我同你既角度唔同既原因
獅兄你係用一個賽車手身份去睇呢本書，睇出來既當然係自己身邊發生既事一一重現漫畫之上
而對我而言，catepa只係一本漫畫書，相比以往由細睇開既故仔(由cyber formula、slam dunk、eva、貴正和作品x n、字d等等)，
故事既獨特性相比就低好多lu.....

漫畫書，target本身係青年人
我估本書出得咁多期，唔會只係俾玩過小型賽車既人去感同身受卦……
一般好似我咩都唔識睇左，冇背景、冇經驗、冇知識
睇左係唔會知道內裡有咁多讚人熱淚既故事係背後活生生係身邊發生緊
最多只係覺得個故仔係寫一好辛酸既車手既成功立業過程
加上作者講到主角咁非比尋常
在咩都識既人來講，只係無咩新意既故仔

之所以我話故事所未能交代既東東，正正就係呢樣野.....
既然原來咁多人都咁辛酸去玩賽車，咁主角又有何特別呢？
呢個原素就係吸引人去睇既原因
與其用女朋友做例子，有個人連自己點解咁中意果個女仔都up唔出
咁最多我只會專重果個人中意佢女朋友，睇住佢俾佢女友joe質都係咁中個埋去……
而唔會覺得個女朋友有d咩咁特別……(個個分分中係我自己 )
(當然，我唸現實生活中冇咩人會up得出點解咁中意自己女友/老婆 )

在於一本「商業性」既漫畫書來睇
吸引性就大大減低
本漫畫原素來講，capeta做得好足
但以漫畫吸唔吸引，我只係覺得有d低手(我太直接……)

如果係漫畫最尾尾個d casual4格漫畫上再刻意補充返呢d點點，我覺得睇落會好dd

ot得太多……對唔住院長同民爺tim......

哈哈! 有你的道理  我都開始明明地你的立場了. 不過好多謝你肯同我傾咁多野 而家又講番架51嘞, 如果唔係就真係驚比樓主紅牌趕出場架  其實我唔鐘意野馬, 盟軍二戰機只鐘意噴火和曲翼鳥 (唔記得左係F4U??)  不過就好有興趣睇你地各人點樣分別處理銀色, 和各種唔同銀色的效果, 你架的不同銀色安排好似反差大左小小而有點不夠自然, 反而認同你的刻意不對稱.

哈~~
我都好耐冇同人king過漫畫呢家野……
都好多謝你提及真人版capeta，真係唔講唔知~~~

架p51，色差都係試下試下，本身預左mask左之後先噴157，一定control得唔好同收唔切手，所以好多格都over左
之前聽位師兄話過比例細d contrast大d好睇d，咁就由佢喇~~~