在數星期前曾買咗支$99平價 ' 叉電電批 ',但由於只得4.8V完全唔夠力.鑽三、四次就冇晒電,又要停工叉電,把鬼火所以今日落深水埗鴨竂街買咗呢支貴價' 電批 ' ,行完成條街格過晒價都係$1150呢個價(付二舊叉電),貴就係貴咗D,但以後砌手辦鑽孔打銅支時就方便及慳時間得多,唔使用手鑽咁慢和鑽到手都痛.
其實有D電批七佰幾蚊都有,但係size太大及重,選擇呢支係因為貪佢細支D又輕,.10.8V,扭力最大有400,足夠有如,正所謂工欲善其善,必先利其器!

如要支電批轉做電鑽是需要另買一個索頭,細頭$20,可索0.5mm-3.9mm鑽咀,大頭$15,可索1mm-6mm鑽咀.

[ 本帖最後由 master_roshi 於 2007-12-2 06:25 PM 編輯 ]

有d賣百幾za[glow][/glow]

但只得4.8V完全唔夠力.

支o野係好，重心一流。不過電批呢個價就真係超貴....

呢個價夠買日本名牌的hammer drill 了。

可自行駁條電線出來...用7.2v車仔電,包夠力,以後換電都好易買到,不用買專用電

vhdl
發表於 2007-12-2 08:37 PM
支o野係好，重心一流。不過電批呢個價就真係超貴....

呢個價夠買日本名牌的hammer drill 了。

師兄有冇圖睇下?



明天
原帖由 master_roshi 於 2007-12-2 06:45 PM 發表
但只得4.8V完全唔夠力.
可自行駁條電線出來...用7.2v車仔電,包夠力,以後換電都好易買到,不用買專用電

嘩......師兄咁樣危唔危險D呀............如果火燭就因小失大喇  

點解會火燭???我有個電批幾年前已經咁整,只要唔shot circuit一定冇事,平時唔用又唔會長駁舊電.....就算shot至多燒左舊電姐

樓主識貨呢個牌子好用~

Hammer Drill 即係可以轉石屎個種，中文好似係沖擊鑽。個日本牌子係Takxxxxxx(唔記得點串，sorry)，都係用充電，好多裝修師博都用。

我本來都想買你個支or Hammer drill，不過諗下要鑽幾多個洞才回本 ，唉算了吧，人窮....

的而且確, 大部份電器用品個實規格都會比電器標明的為高, 不過由將7.2V輸入規格只有4.8V o既電器, 足足高出50%, 風險非常之高.

你果個批得.......咁你知唔知佢原本係咩規格...?

千幾蚊買到o既充電式油壓鑽.......仲係日本牌子..........請問有無多D資料呀....?我想入貨喎....

電器嘅嘢唔熟都係唔好亂搞,萬一有事起上來,輕則燒毀家園,重則電瓜冇咗條命..................


正所為....工欲善其善,必先利其器嘛
工具我一向都係用靚嘢,好似砌模型必需要的鑽咀和銼咁,我係用英國貨,國產工具我一向都唔用.


咁要視乎砌模型的進度喇,但電批買一支靚嘅,如果你唔係好似D裝修師父咁日日攞嚟開工粗用,只係用嚟砌下模型的話,可以用你一世,長遠計乜都返晒嚟啦.平嘢冇好呀,好似之前我貪平$99買支台灣貨,4.8V扭力又唔夠,鑽二o野就扯晒電,用到把鬼火


認同呢位師兄的講法,安全最重要.


呢支隻牌子都唔差0架,售貨員話係德國牌子,呢隻牌子新出咗支沖擊鑽,size同我而家呢支差唔多,夠細夠輕,但價錢要$1400

[ 本帖最後由 master_roshi 於 2007-12-3 12:01 AM 編輯 ]

-你知唔知電批入面主要得個麼打再加一推齒輪而已??加大v數只會另佢轉速加快,而且呢d乾電鑽不是一d長期駁住電源既電器!
-麼打本身沒有固定工作v數,只有唔同v數有唔同轉速,當然,v數愈高麼打壽命縮短,不過因為乾電手鑽不是一件長期駁電運作的工作,問題不大-用乾電池,講緊都係4.8-7.2v.....而唔係ac220v果 D電,咁易火燭??你估長期插住ac插頭果 D電器嗎???
-舉多個例子,我有玩開wargame,打開電槍,廠方設定都係用8.4v電,但我地玩開既都會改裝轉用9.6v至12v電了,多年來都不會有任何火燭問題,當然v數愈高,零件損耗會加快.

-而且我幾年前已經試左了,一直冇問題

我買左隻2xx-3xx 又係索頭又好力=.=

個舊叉電係橙色...好多裝修佬都用

好易認

你支鑽係靚野, 價錢都好靚.
不過我諗總有一些其他選擇, 講到尾, 唔係個個買得起

我相信, 一般電批都已經夠力有餘, 只要 2x 加個鑽頭就可以裝鑽仔了.
如果怕快冇電, 用濕電型就可以.

[ 本帖最後由 smangkk 於 2007-12-3 11:41 AM 編輯 ]

相信問題只係唔想d唔知自己做緊乜既人亂去改d電器吧. 如果有engine/電工底子既應該會知問題不大吧. 事實呢度有好多學生哥乜底子都冇的,連用辣雞都未識架. 佢地如果亂試就唔好喇..雖然, 係呢個case就算connect錯左兩極都只係轉錯方向, 加個幾volt只係加大個work, 個摩打只會熱多少少, 但如果insulate得唔好short circuit左電池就會過熱, 電池過熱真係好難估算會發生乜事麻, 好既咪舊電報消, 唔好既真係會燒著野的.

而且每人用野習慣唔同, 咁o岩個亂整野既又鍾意長插住舊電, 咪出事lor..

diy改野都要自量能力為先好..  識野既自然方便到自己.

[ 本帖最後由 VampireA 於 2007-12-3 12:58 PM 編輯 ]

槍形其實會唔會難掌握?

我用緊我老豆果支筆型，粗電線之後上面接住舊野果種，感覺上易用D

你果支要按製會唔會比較難對位?

明白明白......不過想知樓主之前是否用入4粒2A電果種手鑽??
如果係....有時唔夠力可能係舊電既問題....唔同牌子既LOADING可以爭好遠...

我要講o既, VampireA已經請o左, 唔係每個人都有咁o既技術知識去做呢樣野.

每一樣電器都有其規格 係必然o既事, 點解用超過規格電壓輸入都無事, 前文我已經講過, 大部份電器實質規格都比標明o既高,
不過似終係有限度, 唔代表你可以無止境地去加電壓"提升效能". 情況就同CPU超頻一樣.


有雜誌提到將一粒1.86GB o既CPU成功超頻到3.6GB, 但我果粒唔得.....點解....?
道理一樣.

[ 本帖最後由 cas52612 於 2007-12-3 02:29 PM 編輯 ]

呢d係咪就係上次我問個d？
乜咁貴架?????