|
純我個人感想:
任何一種政府要做的事就係分化市民, 將市民分兩派
人的本性/本能就係埋堆, 自然會對立
政府立多幾條爭議性大的法例, 做的任何事都係要分化市民
然後對付同佢立場相反的市民,
況且市民冇權冇勢, 自然會站係有權的一方
因為埋岩堆, 唔會成為第一個被"對付"的一方, 而且"加多一把", 去對付"對立"的市民
亦唔會係第一個有事的人
所以上年有一個人用警棍打市民, 有7個人圍毆一個人,
但因為立場對立的關係, 打人係唔係犯法唔緊要,
用警棍可以變成手臂伸挻, 7打1都會有人支持, 仲夠膽講"不在場"
用"咁條友食得咸魚抵得喝" "咁條友都有錯"合理化左成件事
"如果我有槍, 我都會掃低十件八件" 咁換個角度睇, 咪又係咁激進. 只不過站在權力的一方JE
今日政府要立版權法, 轉個頭就有人認真翻唱"喜歡你", 隔日仲整左堆HELLO KITTY包
然後就有人幫佢搵藉口/原因合理左件事
換個人物, 如果認真翻唱"喜歡你"的人係你自己, 你估有冇人會幫你搵藉口?
連政府自己都搞唔清幾時會出事的法例, 保障自己的做法係搬龍門, 但放心, 龍門唔會為市民搬
就正如當日用手臂伸挻的人, 都冇諗過今日有機會"落鑊"
當大家都仲以為自己"安安份份"中立就OK的時候, 又點會知道明天"安安份份"的定義會唔會轉左.....
總有一日你會由中立變成左或右
|
分享
