上年無去, 去左的朋友話d限定一早被人掃走, 有話有排隊黨之餘此類
限定野的唔望了, 反正之後SSP會出現
今年打算去, 唔合有無師兄都會去? 又會去邊日?

明天中午去

不會買限定野.

沒 艦colle

http://toysdaily.com/discuz/thread-221811-1-1.html


http://onesixthrepublic.blogspot ... x-3zero-by-max.html

[ 本帖最後由 alexlee2 於 2014-3-14 09:39 PM 編輯 ]

今日去笨大買限定版排隊排到火都黎埋，佢地手腳真係超慢+安排超差！

笨大已經另外開一條line比買限定版既人排隊，仲講明一人只可買一盒（每款），我四點幾五點開始排，條龍長到拉去場尾轉埋彎去到中間咁滯，心諗條line只賣果幾款限定版兼限一人一盒應該慢極有個蒲既，排就排啦，點之由約五點開始排到六點幾先排到，仲要排左無耐已經開始有職員行埋黎講呢樣賣晒果樣無晒，而其他限定版都只係話「有機會買到」……最後只買到RG突自、HG創建突擊同MG Blitz既限定版…

大佬！個show三點開波，講明一人一盒（眼見亦真係做足）兩個鐘度你就話呢樣無果樣無，其他公司都算喇，笨大咁大間公司都玩埋D咁既野？！真係唔驚比人報海關挫佢違反商品說明條例架？呢樣無果樣無唔在講，有乜理由果條line只賣果幾款限定版仲要一人一款限一盒，都可以交收得咁慢？就算到我企係龍頭第一位都可以等幾分鐘先埋到counter，埋到counter我已一早數定錢唔使佢找，都可以玩成分鐘有多先比到我………搞到我為左果幾盒所謂限定版搞到六點幾七點先可以週圍睇下其他野

如果唔係我個仔一早落晒order講到明要RG突自同HG創建突擊的話，我真係采你都傻！下次都係去出面貴D買都好過要我排餐死

雖然想當年我靚仔果陣，只得書展果個年代排隊排通宵，一早刨定場地圖同乜攤位賣乜限定品，到一入場就衝鋒陷陣去買野，果陣仲辛苦N倍，相比之下而家其實輕鬆好多+通常都買到野，但可能人老左又比以前有能力左，今時今日真係寧願比錢搞掂好過



發洩完畢

要造勢

想問其實有D咩野賣 ~

冇乜野

C3成個場淨係笨大已經包起左四分一以上啦，仲要造勢？

最乞人憎既就係明明條line淨係做限定版，已經一人一盒+幾個人黎做，但都可以慢成咁，仲要開場無耐，只係兩個鐘度已經呢樣無果樣賣晒，咁大間公司唔係咁都預唔到條數下化？！

唔係個仔落晒order我真係采你都有味！

總之唔會有下次，真係要的話寧願比錢人賺出面買好過

今日去完, 真係好想爆粗. 明明根本無野賣, 又唔係真的好多特別野, 又何苦要自己做紅果場先?
我自己唔打算要咩特別version 的東西, 不過都照樣好奇地入去望下. 買票果度真是慢人百倍! 成個餅一圈又一圈. 我去的時候是4點半, 買到票入場則是5點半前後, 成個鐘! 人地同你等大的腦展, 大你N倍的書展/hifi展賣飛速度都無你甘慢

入到去, 有咩呢? 無, 真是無. 是笨大埸一早知了, 角川好長人龍.
事實上可見的檔鋪同動漫展一樣, 只是無咩模型賣, 多左賣精品
有個台, 好多人大叫又大叫, 但台上除左幫瑪莎配音的大叔有些眼熟之外, 其他的一個都不認識(好的, 我老了...)
原本以為有機會買到一些動畫DVD都無, 一些動漫的書/設定都無, 模型得一檔賣貴N倍的笨大

得個sunrise播動畫可以望下, 睇左一集tiger & bunny, 重溫了一次keroro,
順便發覺自己同時下的動漫沒什麼共鳴

早知如此, 去一次MK好過. 車錢來回比入場仲平.

[ 本帖最後由 kl122002 於 2014-3-15 11:20 PM 編輯 ]

完全同意！

無野睇：有得睇既野平時睇雜誌/上網已經睇過晒，最多只係笨大有少少設定稿睇下

無野賣：除左笨大果堆貴到飛天既模型同玩具/扭蛋之外，最多只係有D無謂精品，有一檔直頭只係做抽獎，角川又排隊排到痴晒線

我都覺得自己已經與時下動漫無晒共鳴，真係咪再搞我

今次睡橫巷一樣特價少少的嘢都冇

事實上我連今年睡橫巷有咩特別, 係邊都唔多覺.
sunrise旁應有的Toel animation 原來只是海賊檔.