13座牛雜

新光戲院旁的13座牛雜，也於下月租約期滿。老闆湯健業說，業主表明會加租，恐遭同樣「滅龍」命運，而他在銅纙灣浣紗街租用的工場亦已被田生收購。

http://hk.apple.nextmedia.com/realtime/news/20140220/52204945

我係北角友，就算搬離開左北角，放工都一定會經北角碼頭。
佢Ｄ牛雜好好味，魚蛋醬第二度搵唔到一樣味，係墨魚衰d,經常都係求其加下熱，入面仲係凍的俾你。

隨近有檔日本魚餅，都係頂唔住加租香左，不過都好幾年的事了。

王記糖水算 OK, 不過唔值得排隊。

雞蛋仔就算把啦，人排你排，排左咁耐話唔好食會俾人笑

北角三條龍？真係聽都未聽過，可能我孤陋寡聞，又或者有人老吹成習？　  

蘋果下面Ｄ友反大陸反上腦，附近 d 酒店開左好耐啦....

牛雜我無咩興趣，經過新光都無意慾食，不過我都無聽過北角三條龍，但係我覺得王記糖水真係好正，佢d湯丸真係啱啱好，我仲會買查既外賣，豬骨粥簡直無得頂，好過銅鑼灣果間好多...依家無咗真係可惜

王記好多年前食過幾次, 以前同事開完工必去.
可能我唔好甜野, 所以覺得麻麻地.

你都係北角友?

以前福元街都有間阿伯蕃薯糖水都好正, 不過多左人排隊後就水準下解, 之後摺左了...

北角無得最多係模型店, 電子店...

三月廿八日（星期五）結束營業
十三座牛雜、王記糖水和雞蛋仔，三家北角街坊小食，同被譽為街頭美食「三條龍」，一直贏得不少街坊捧場，排長龍輪候購買。今年農曆新年後，書局街的王記糖水突然宣告結業，北角新光戲院側十三座牛雜同樣難敵租約期滿後，恐業主大幅加租，自動宣告結業，東主湯健業接受《蘋果》查詢時證實有關消息。

被街坊譽為北角街頭美食「三條龍」的十三座牛雜在其facebook專頁留言，指該店將於3月28日（星期五）結束營業，並將當日所有營業額捐贈予慈善團體，由於顧客善款需要直接放入捐款箱，故此不設找贖。湯健業表示，周五最後一天營業額全數捐給仁濟醫院。談到未來去向，他表示會考慮轉戰台灣夜市，尋找港式小食的生存空間。

http://hk.apple.nextmedia.com/realtime/news/20140326/52325417

睇住佢開張,睇住佢結業...唉..

其實間13座牛雜是幾時開的? 以前細個出入北角只覺個到係副牆?
我只係知新光話被收回, 牛頭角下邨重建之後之後突然冒出.
間雞蛋仔歷史耐少少, 不過我都有見住佢開. 以前幾好的, 家下唔去了.

咩"北角3條龍" ?後面街市日日都一條又一條龍
仲有間又寸又唔好食又成日賣晒的德成蛋卷, 渣華街市入面的"老"味, 馬寶道的豆品店, GG姐行過的春記街市.... 呢d都倘在人間.
報紙佬作野, 加少少浪漫主義作怪.

[ 本帖最後由 kl122002 於 2014-3-27 07:58 AM 編輯 ]

有時我覺得報紙佬, 網上食評唔好寫得甘多, 一吹得起, 人一多, 水準趺伏.
家下仲傳間貓記圖書話會結業,  事實上果間書店的書又舊又一陣貓味又唔平. 有次有收買佬上門, 佢都開唔到好價.

天后兩間糖水, 6日, X姨姨以前是一間被擠出來的小店, 佢地兩間賣砂糖水發左變大店.
至於間X羅...真係唔覺佢的蛋撻有咩好食.

北角天后住得太耐了, 食在最好時刻就已無憾了.

德成好食喎, 不過係而家仲人炒到咁....
以前放左工六點幾都仲有貨買到.
街市內面最出名應該係東寶, 不過退步左好多, 勁多味精, 不過街市入面最好食係佢....
聽講有個廚出左黎, 去左清風街果邊開店, 食過唔得...

馬寶道的豆品店, 係咪好舊果間上海豆品? 其實佢D野食麻麻, 以前春秧街入面仲有兩間, 好食過佢多多聲, 不過後來唔知乜事執左.
GG姐係邊位? 我除左新聞, 乜都唔睇....

報紙佬唔咁樣吹, 仲邊有野可以寫? 佢地根本連好同壞都未識分, 就一味去吹話舊的就係好...
好似13座牛雜, 好係邊, 壞係邊?
我諗報紙只係識好在有人排隊...
壞就等我講, 牛雜味濃但被香料搶走晒D味, 真正濃牛味係華南果間賣的牛雜; 另外食八爪魚成日都係凍, D 阿姐求其浸兩下就俾你, 面熱心凍.
好的就係魚蛋醬好正, 濃而不膩, 回味無窮, 每次都要將魚蛋抹晒D醬先捨得放手....而家第二度食唔返.

貓記是否森記?
店主好好人, 以前經常去買書...
最記得有個男仔, 果時成日去隔離機舖打機, 後來唔知點解成日去森記幫手...
唔知佢地最後點? 因為自從我懶散唔睇書開始, 已經無乜去探佢地.

其實有時舊街坊, 無所謂平定貴, 只要大家開開心心, 你又唔好當我水魚唔知價咪算囉.

天后果兩間記唔起了, 淨係記得幾間...
弄堂係李鴻章家廚後人開, 舊店時好正好好食, 之後越來越差, 裝修後開埋分店就行過都唔會入去.
清風街木康蛋糕, 食過叫OK, 唔會特登去
係華姐仲有繼續去, 個四眼哥哥原來英文好掂

貓記就是森記.
你講的人好耐都無見了. 書太髒, 我也少得去. 不過打算星期日去望下了事.

天后的木康蛋糕上年年尾無左了, 變成了泰菜. 之後又多了不少甜品店.
算了, 今日風起明燈滅, 好忙過了一次潮之後又會變回原本的樣子.