過左年2月12日係 luckymodel 買左少少野, 用本地郵政.
一向買開都係3日內收到, 但今日2月19日, 都未收到個包裹.
個CS話郵局因為新年, 有好多郵件未清到, 所以會遲, 同埋本地郵政5-7日都唔奇 (不過我已經等左7日了...)
但我好奇怪, 因為新年過左好耐; 第二係香港郵政有服務承諾3日內送到, (舊年做到99.5%).
請問各位師兄最近有無本地郵購, 又係咁耐都收唔到?

謝謝.

我自己昨日下午訂了一對手套, 今日中午已收到了. local好少甘耐.  
打去lucky model 問下了.

星期一問左一次, 今日又問左, 每次都話等多兩日.
我諗應該有問題, 星期尾打去佢地唔再處理就叫PAYPAL退款..

小弟系外国都有帮luckymodel定货。我覺得乜都要問佢地有冇多因为我第一次买野見到有“available" 又有”in stock"于是就落柯打，點知原来佢地個“available"系冇货咁解。乜佢地個度冇人識英文架咩？？

佢地有咁寫明的...

3. Product Availability
The product availability estimate refers to the time it will take the item to leave our fulfillment center once you place your order. The product availability will be shown on each detailed product description screen. The product availability will show as:

In Stock
Available (available to order)
Backorder
Preorder

The listed availability might not be applicable for sudden increase in demand for an item. If any items in your order proved to be unavailable, we will inform you for details. All items from an order not in stock and with uncertain availability or dis

http://www.luckymodel.com/scale. ... oc_no=NL070430-0255

不過我發現有另一個問題，係佢個標價同落單價係唔同。落單個價會貴左，所以佢所謂的 Free 本地郵費並不是真的。由於我等住用 AV 油而康x又無晒貨，所以才照落單，點知攪左咁多日都收唔到，而我已經出完 Trip 返黎。早知去英X買無咁嬲

所以我好少系佢地度買野，如果有野要買都要send個猫俾佢地确定佢地有货先會買。

我都試過果支AV油的價突然變左, 打去問原因, 對方(小姐) 答是要補上郵費
最後我自己落去WC 油樂X買, 果度 貴少少但一定有.

重有! 我發覺佢地俾你入地址注冊的頁面無加密 (至少我至今未見到個綠色鎖子)
都有少少擔心自己的資料會怎樣被人處理....

因為有 d 油加左佢都係最平，而且我買的色都要買３支以上先會夠噴一架車...
不過買左咁多次，我都係今次才發現落單價會加左的問題。成堆批野買，隨時收你郵費成百銀，但竟然係俾普通平郵，仲敢死話係免郵費！唔知佢寄海外係點？因為果Ｄ仲要加收郵費，咪變左收兩次？

呢Ｄ做生意手法真係好差，今次之後唔會再幫趁。

一般來說對方寄出包裹時會有一個tracking number比你, 你可以上去郵政總局個網站check去到邊.

我上個月時都在美國訂野, 過年之後我上網check, 佢話曾經派件不過屋企無人收件. 但幾日都未有張pick up card, 所以我再網上check確定是否已經到港, 同打去郵局問. 另外仲有一個電話熱線, 可以打去問包裹status的,  郵政總局個網站有資料. 佢地有員工check到件貨個status係咩. (起碼知道到港未定係仲在旅途中)

luckymodel 係本地公司，佢地用普通平郵寄出係無 track code...

即係就咁貼郵票? 無tracking真係無得check(無用掛號?) , 就算佢話已寄出, 你都證明唔到係咪真喎...

係呀...
不過都幫趁左幾次，每次都唔係大數目。
百幾銀唔會呃吧，最怕係寄失...

不過之前一直無為意落單價係唔同呢件事，另一樣我要用的顏色，康X好耐都無貨（我試過打去問左有無貨，老闆點左我過去，話有實際係無 ）

WC果間比較齊，不過幾貴下。以後都係英Ｘ買算，未折約 HK$19 一支左右.......

就0甘聽各位師兄講，呢間野真係麻麻，重衰過淘寶買野。

另外睇過，佢D野都OK貴，舉個例，如郡氏噴筆PS270，180USD X 7.8 = 1404 HKD

重貴過智高($1150)，更唔洗同千里達($890)比啦。

如果0甘貴，SERVICE 都唔係好過人，0甘為什麼要同佢買?

LXXKY MODEL同HXXBYEASY, 我唸都係做鬼佬生意為主, 要睇下佢地target for乜野客, 每個地方的消費力都不同, 定價自然未必參考本地店舖價

簡單些講, 如果佢要做鬼佬生意, 自然係用鬼佬當地的售價做定價準則, 這裡點便宜都好, 唔通鬼佬會坐飛機來這裡的舖頭買?

有部份會平過出面，另外Hobbyeasy 因為近我，所以我不時都上門自取。好過要出旺角，時間車錢都係返晒度。

今日終於收到LM 個件，但個郵印係2月19日！即係昨天日先係部郵資蓋印機度打出黎！

但佢個網竟然話係2月12日已經寄出

可能係上網見到有人在"少" 佢?所以即時找出來??

外國人又唔一定上lucky, 外國比我地仲多網上公司tim. 可惜外國寄來HK的時間+ 郵費太貴
如果是UK, 就local 的模型店都可以1-2日內送到.

同lucky佢買的原因是佢有d冷門的外國小廠模型, 有時佢有ebay都無
不過家下我都唔會去買了, 無加密實在太大風險了.  我都轉左去hobbyeasy

我都有同LM買野(由09年)，今日郵差送件，剛好3日。
其實有D地方可以留意下嘅，gross weight 無寫重量就好有可能未confirm日子，呢個情況我好多時都會時不時上網check下。

我同LM買野好幾次有問題，心平氣和同CS講，咁多次都完滿解決。

利申：我無同任何模型公司有任何利益關係

[attach]431905[/attach]

我都同佢買左好多次無問題, 而且之前一直都無留意佢個落單價會貴左問題.

佢係有寫GROSS Weight 的, 我懶無 click 入去 capture 詳細帳單.



以前有試過見佢無出貨, 打去先知 available 同 in stock 分別, 之後都好小心呢樣...

今次係咁耐都無收到貨, 而且宣稱個寄貨日同包裹上的郵資印差太遠了....

講起外國,有次係波蘭買Aber PE. 原來佢地收到單先向ABER拎貨 (可能1/16 坦克PE少人買?), 結果等左成個星期先寄出. 但只用左4日左右就到香港, 好快!

如果要買多ABER PE 的朋友, 可以考慮下呢間, 而且幾平下.

講下波蘭seller真是很好人,
我次前同一位ebay seller訂roden WWI飛機, 佢地同樣用了4日就送到, shipping不過是20美金.
比起德國人人熱心, 又收得平d.