終於都替紅牛車隊, 由其係設計團隊, 工程師們鬆一口氣!!! 恭喜恭喜!!!!

一早應得的總冠軍, 雖然飽食驚風散 .....總算都得到了.
今次紅牛隊員可以同對手話 : 我地送禮都送得夠多喇! 今次叫禮尚往來, 公平吖!!!!

同意 : 法拉利的 pit call 策略/timing 好有問題! <---- 當然而家先講, 有少少馬後炮啦   估佢地驚畀畢頓拖慢...掛?! 想多左了

FERRARI已經唔係第一次衰TEAM ORDER...上次MASSA讓ALONSO都係咁....
唉...ALONSO下年加油啦....

We Are The Champion,We Are The Champion!'Vettel' is 2010 World Champion!!

嘩!!! 咁快有解釋! 好佩服記者的效率

法拉利的算盤原來係咁打既:-

Alonso defended Ferrari's decision to pit early in Abu Dhabi, despite the decision possibly contributing to him failing to his defeat in the world championship.

"After the race it is always very easy to see the best strategy," Alonso told the BBC. "As I said now you need to cover from someone and if we didn't stop I think Webber probably would have overtaken us, if we stopped we cover from Webber but let Petrov and Rosberg in front so it was a very difficult call I think."

" When you cover someone probably you give something away to the others. So it was then a choice between covering Vettel or [racing] Petrov and Rosberg, so we covered Webber and then it was difficult to overtake Petrov. The Renault is very quick on the top speed so it was a frustrating race behind him. But this is a sport, this is motor racing. Sometimes you win, sometimes you lose. "
鵝!  唔......但好難說服我囉, 都係認為佢地想多左嘞.
好想知道邊個係這建議的話事人??
如果係以前的 Ross Brawn, 會點諗呢???

WEBBER撞到牆入PIT之後佢都去到咁後...MASSA入PIT出黎都係WEBBER後面...前面又有PETROV頂住...ALONSO係前面跑SAFE LAP唔得咩???ALONSO今場就算3甲不入今場跑第4,5都可以係總成績嬴到VETTEL...最主要既係WEBBER既分威脅唔到ALONSO就已經夠...諗咁多做乜= ="""

整定既
如果唔係果條被壓力壓匾左的 Webber 屎滾尿瀨 hi 牆, 焗住提早入 pit 換胎, 就唔會觸動到法記話事人的神經, 就唔會神經過敏諗多左啦!
即係, 捉虫都要有氣虫先可以去捉架! Webber 真係變左條虫.

講到尾, 我係好尊重這類賽季式的長途計分定總冠軍的遊戲規則 (例如足球的聯賽冠軍) . 路遙知馬力果隻.
之前講笑式的咩咩 "執雞呀, 撞彩呀, 唔抵呀...." 都係笑言.

成季流流長, 機會均等. 淘汰賽方式係就係剌激, 但就有 "執雞呀, 撞彩呀, 唔抵呀...." 等等情況發生.

請大家記住, 賽車係百份百 team work, 同足球一樣, 唔係一個美斯/C朗 打晒, 車手只不過站在最前台而又是 marketing 的神主牌而已. 你睇吓, Webber 現晒形, 之前傳媒吹到佢......  Vettel 呢? 唔夠說服力囉! 係 Vettel 贏定架 RB6 贏呢?!
畢頓亦現左形, 佢係得咁多囉, 舊年係佢贏定架 BGP01 贏....唔駛畫公仔畫出腸掛. 但傳媒又張重點放在.....

以上只是想強調, 賽車完全是 team work, 透過一個賽季的總分反映出來, Constructor Champ 事實係比 Driver Champ 有意義得多, 只不過絕大部份觀眾就 buy Driver Champ, 活生生的人, 始終容易 market, 可朔性高過死物. 偶像易 sell 得多.

用足球來做個反比.
救迷最記得是那***隊***贏某屆聯賽冠軍, 而非那個別球星贏. 原因係, 一般大眾都對足球有足夠了解. 賽車呢.....遙遠左好多.

補充一吓乜野成績先至有 "說服力"

今季架 RB6 有幾勁, 比第二果架快有幾多呢.....唔駛講啦.
車的實力差距令我回想起 1988年的麥拿倫 MP4/4

1988年全季16站, MP4/4 當年的成績 :-

16場             贏15場
16場 排頭位起步15次
16場 包辦冠亞軍10場

當年車手 : 冼拿, 甫路斯

唔好話我憑空亂壇人/針對人喇

所以我有三盒雙星 1/20 MP4/4, 珍而重之, 到現在仲係得個擺字.
而家好希望有廠商, 1/20又好1/24又好, 出盒 RB6 啦!!! 1/43應該機會大d, 但我 (對眼 ) 嫌太細.
唔知近年來有吉屎果間廠 (成日畀人鬧抄人果間呢), 定同聲同氣講德文果間廠 (成日畀人怨只得1/24果間呢) 機會如何???

[ 本帖最後由 GARY... 於 2010-11-15 08:06 AM 編輯 ]

Alonso雖然輸,但條友好識撈,公開說 Ferrari strategy 無錯 ,另外今年RB6真係好勁,可以話邊個渣都可以贏(Webber除外 ),架車如果比咸仔或Alonso事但一個,相信唔使等到最後一場先可以得WC.

唔比佢過就比手勢人睇,ALONSO真係以為自己係咩呢?話佢EQ低真係無錯

我都係因為呢樣野所以好唔鍾意佢

佢過檔麥拿倫前揸住部威龍力拼法拉利真係幾好睇,但係係麥拿倫跑左幾站就返去威龍已經覺得佢唔成氣候,今站睇佢追PETROV果種夾硬黎風格,跑完又比手勢人睇,完全唔覺佢再會有世界冠軍風範,估唔到佢會咁衰係威龍手上,真係可喜可賀

你講既威龍即係雷諾???
我自己覺得每個人都有火...急起上黎乜都做得出...好似無人鍾意聽到粗口,但好多人係急既時候就係咁講粗口...就好似你唔鍾意見到ALONSO既手勢,佢急起上黎就會做出黎...至於佢過唔到部雷諾,我覺得係除左PETROV封得好之外就係雷諾部車完全唔慢,睇佢有8次頭5名(KUBICA)...封得好既話真係好難過...師兄你咁講既話即係一早就認定左ALONSO今場輸係因為佢手車唔好...獅象都講過,賽車係成TEAM人玩...TEAM做成點都好影響成績...TEAM ORDER落得岩唔岩部車既DESIGN等等都好影響比賽...我到依一刻都係認為TEAM ORDER叫ALONSO入PIT係今場比賽既轉捩點...

相反講Rebbull叫Webber入pit係岩,引到Ferrari照跟

師兄,呢樣野我在季初講過,當時Alonso又係咁比猛手勢前車睇,但我都係個句,同圈仲乜要讓你呀,有本事你咪自已過,Renault做得好.我其實開心不在Vettel贏,係架RB6,呢架野真係好強,現在是世界冠軍,有機會出模型(可能是Revell)架,唔使又係Ferrari等

[ 本帖最後由 winstonm3bmw 於 2010-11-16 07:06 AM 編輯 ]

或者我係老一輩人,所以喜歡威龍呢個名多過雷諾
佢手車當然好唔係點會拎到世界冠軍,但做車手最重要都係心理質素同EQ高,條跑道唔係得你一個跑,唔係過唔到人就死衝死撞咁,一有名氣較低車手阻住佢就會好唔耐煩,我覺得佢唔係咁睇得起二,三線車手咁囉

我之前d post都有講過,但係好多師兄都覺慢車唔應該阻快車,就算同一圈都唔應該,尤其係弱隊
威龍(雷諾)今年部偈真係好掂,可借車架唔爭氣,搞到廠隊變衛星隊,希望下年可以爭氣d

Renault 今站架車真係惦佐好多
Alonso我唔都唔否認佢技術好   而且仲好穩定TIM
不過都認同師兄所講   一D世界冠軍風範都冇   
其實佢唔止今站有比手勢  之前有幾站佢力追上去既時候都有
真係輸車不特止仲輸埋個品

BTW 希望Vettel成長

咳咳...........
似乎你唔係好老嘞.

第二處就唔知, 在香港, Renault 最初的官方名稱是 *** 雷諾 ***
到80年代尾90年代初才改叫威龍, 又到好似6,7年前再改回雷諾.

邊個好d, 見人見智. 我個人鐘意雷諾. 威龍??? 俗兼社團味重.

每人對抽象性的事情的觀感角度不同, 正常到痺. 棧拗.
不過, 事實就唔好混淆嘞. 就如雷諾先定威龍先.

阿朗素的心理質素是現今車壇公認最佳個播.

唔係我亂吹架, 揭吓十月號的 F-1 Magazine 啦!

或者我補充一吓啦. 嚴格d講, 阿朗素是在賽緊車當中的心理質素勁.( 比賽以外的, 場外的, 你點睇佢咪係點囉 ). 這是最重要的!
即刻舉個反例, Montoya 就正正係賽緊車時一有情緒就影響到自己揸車果類. 阿朗素呢, 話知佢點樣 fing 手 fing 腳, 從沒有絲毫影響自己的駕駛.

佢賽車心理質素/ EQ 低?! 就唔會兩屆都揸架**慢**過人的車而攞世界冠軍啦!
仲差d三屆都係添!!!   
睇住佢季中落後47分, 當時畀大家(包括我) 幾乎 write off 佢的機會. 唔夠心理質素?! 點追上黎呀?! 請記住 : 佢係揸架"慢"車追兩架快車咁樣環境下追分數喎!!!

季尾Monza 站之後追到 Red Bull management 籐籐震, 便猛拎 Hockenheim team order 事件大打心理戰. 佢有冇受影響???

再隨便舉個例 : 2005年季初第四站 Imola 最後13圈, 佢以新仔身份擋住當年仲係當打的舒密加, F2005 當年的石橋胎一套要鬥全場而唔夠米芝蓮快是事實. 之不過, 咁啱  Imola 場地的 layout ( 特別高 kerbs & 4 high kerbs chicanes ) 令到該場的 F2005 ( 擒 kerbs 表現冠絕全場) 以每圈快2.5秒擒上來! 果13圈兩車全程不超過0.8秒!!! 心理質素低?!?!

以事論事姐, 唔好介意.  我明白人夾人緣.

我的性格從無偶像  我只欣賞阿朗素手車, 超凡的*賽車*心理質素. 係咁多.
條友仔的性格脾氣.....唔慌好得去邊 如果唔係我都唔會成人戲稱叫佢做小器鬼啦!!!
佢的 (手勢) 行為係有問題的. 是小器, 霸度, 唔份氣, 甚至目中無人.....但這類小動作並不反映他的賽車心理質素. 恰恰的是, 在這類高度直接競爭性的運動項目, 之前的種種缺點就正正是....... 問問心理專家啦. 費事畀人話我在這裡教壞細路

無論憎一個人, 或喜歡一個偶像.....無端端都可以大把理由. (通常偶像的對手就特別克人憎 )

上述果期的 F1 Magazine 還有一個專題寫得一絕 : Why Alonso is F-1's Villain  <-----