TTge好處除左價錢平,我諗唔到有咩好.....(練技術?!)
要花多更多時間去組起佢咁,打磨,執件,你自問能力係唔係真係處理到先?仲有TT D膠......過一頭半個月小兒麻痺咁點呢?
再者,修羅兄,我都覆左你唔少post啦.
您42個post都係問野....我唔係指唔比問.有成品的話,放上來分享下,咁我地都答得開心D呀
你註冊左都個幾月啦,又你開始問最初級技術,上色,用色,買pump,噴筆.
咁短時間搞掂晒,我唔清楚你有冇深思熟慮過,我亦冇權過問啦.
如果未有成品都好正常,要返學架嗎~
既然作為一個學生,又唔捨得用咁多錢,
咁係唔係應該知足D,搞掂手頭上D野先,再向更高望上去呢?
HI NU同新安洲係MG入面話難唔難,話易唔易.
2隻我都砌過,我係過來人,以前已經晒左隻HI NU
新安洲,遠睇都OK,近睇就.....都未盡完美.
2隻都係貴野,如果你宜家要貪平買隻TT,要一步登天咁去完成佢.
好容易會爛尾收場,到時連個百幾蚊都蝕埋.
你現階段都仲係新手,我就唔建議整D咁貴GE野,整好HG先都係好事,
因為好老實,HG D夾口處理,分件,masking都比MG多.
一來練好左呢D基本功先,二來比自己儲下錢先,
到時再入Bandai都唔遲,BANDAI 呢D野又唔會絕版.
有好技術再去砌就會事半功倍.
題外話:
砌模型唔可以急,一定一步一步來.唔好以為成品區好多話係新人第一作都咁勁,
好多都係hkml的新人而已,同o係HKML 的第一作.
之前都經過唔少準備,磨練,失敗或爛尾,先可以成就一件成品.
唔會一買齊工具,對住件模型一個月就會爆件驚世巨作ge,技術要慢慢練.
慢慢黎啦~
|