原帖由
rohk2 於 2010-6-25 01:17 PM 發表
咁功能組別 建制民主黨既真面目呢?
無佢地d人會睇得咁清?
無佢地頂住中央 香港會唔會一早變左中國既一個市?
佢咁鬧華叔唔係無道理 雖然係惡毒d
但佢地講呢句同佢地一向鬧建制無恥 向"輕"姐講 ...
功能組別就一早由民主黨/前線等等民主派人士搞清楚真面目,唔關社民連事,功能組別(部份)唔係由高鉄開始先咁無恥,好多人係由港英年代做到而家的......
至於建制民主黨既問題,就..
而家唔係有2012雙普選同普選聯兩個選擇,60席直選同35(+5?)席直選選擇;而係唔變同普選聯兩個選擇,30席直選同35席直選+5席接近直選既選擇,有d政黨寧願維持唔變,仍然係直選:功能5:5比, 民主黨就選擇寧願小變, "直選":功能6:4比.
如果個方案係建制提出,民主黨讚成,你就可以話佢係建制民主黨, 但而家個方案係普選聯提出, 開頭成班建制,左仔西環都反對的,只不過最後中央接受先成班人反口,關建制乜事? 民主黨今次做法可能啱,可能錯,但話佢地係建制,出賣港人,只係扣帽子,等同d維園阿伯同左仔話martin去美國講多句就係漢奸一樣.
至於怪佢地同中央溝通,我只可以好多年輕人實在太唔理智了. 如果冇中央拍板,香港一定冇可能有雙普選. 正如上面所講普選聯方案,中央接受,成班建制即刻轉軚. 如果中央唔接受雙普選,今次普選聯方案過唔到,到時建制同民主派比例一樣, 2017/2020 結果只會又得個桔, 就算中央講過2017/2020 普選又點,共產黨反口係有一件好奇既事咩!
政治從來都係妥協, 一邊大棍(社民連), 一邊蘿蔔(民主黨),先會有成果. 如果只有一樣,係乜都爭取唔到.
再者,錯就話人錯,話人錯係邊,鬧人cancer上腦又有乜道理呢?
今次事件最可惜既係社民連/長毛做左一個好錯既示範,教錯左好多年輕人......
[
本帖最後由 erick 於 2010-6-25 02:49 PM 編輯 ]