原帖由
m_m 於 2010-6-10 06:12 PM 發表
獅象兄, 加拿大睇好邊隊?
麥記好似一路進步緊. 上場跟得RB6好貼, 今場可能有得砌
之前講過 +downforce vs -drag 的課題, 土耳其站就是最好的表述. 由8號灣的講究高 downforce 灣做起點, 一直帶落去只講究低 drag 高極速的12號灣. 但低 drag 還要配合強 power, 如果唔係就乜都死. 所以平治機器也是功臣. 如果紅牛係用平治引擎, 唔駛再講架喇
所以在賽車物理學上高 downforce 始終是秤先d.
再講, 高 downforce 亦是特顯出紅牛在排位賽優勢的原凶.
何解? 看看紅牛的最強項 : 輕油加 option 胎
在最輕許可的重量下, 用全新最咬地狀況下的 option 胎 (排位賽只著重一圈, 話知佢之後散晒
) <----- 即是在最極端(理想)的環境下, 亦是對車架調教最敏感的時刻. 如果這一刻用一個最重要的 factor 再乘落去, 得出的結果, 就會令差距擴大. 而 downforce 正正是這個 factor !!!
所以紅牛在排位賽根本冇得輸!
但一到正式比賽時, 排位賽的優勢隨著客觀環境變化 (對賽車來說是大變) 就有數講喇!
好嘞, 咁啱, 加拿大站場地的形勢, 是所謂的 stop and go, 即是說***冇***搏命灣 (高速但不是一腳油當直路過果種), 高 downforce factor 系數相應減低. 不特止, 全部較長的直路之前的灣都是需要減速到空氣動力學發揮不大, 甚至冇乜用的 chicane 形式, 即是, 想憑高 downforce 優勢過灣來賣甩後追車的著數 (就像土耳其的8號灣) 冇左. 最攞命的是, 全場最長, 最有爬頭機會的直路之前的10號灣, 正正是一個最慢的髪夾灣!!!
仲有, 想爬頭, 除了要直路前的灣要跟得夠貼外, 要發揮低 drag 的最理想環境, 直路必須要夠***長***!!!
( 就像土耳其站的由8號灣之後一直落到去12號灣之前, 基本可以當成一條直路) 加拿大站的直路, 應該夠.
因為起油主要靠引擎扭力 (加速力) 直路前的慢灣都話明慢啦, 有鬼 drag 咩! drag 係零的時候點減都係零吖嘛
一定到到達某高速, drag 才會高到令 F-duct 有效. 舉例, 摩納哥站你有100支 F-duct 都冇用!
結論? 仍然買紅牛攞 pole. qualify 冇可能自炒
掛
比賽就真係買麥記喇!!! 咸仔??? 如果 pitlane 又整單紅燈撞車事件....都驚架! 畢頓??? 放蕉皮被發現之後, 咸仔唔會咁易再被呃喎!
法拉利??? 要鬧啦!
我在巴塞隆拿站之後即刻指出它已輸掉 development race. 現在清楚不過. 佢竟然分心去整 F-duct, 結果令發展 downforce 的工作受不必要的干擾. 拉利的設計頭頭要揹喱隻鍋
次序的先後, 差天共地!
麥記季前的設計功力就嘛嘛, 主要的 downforce 成績極普通, 走 "旁門左道" 路線搞 F-duct, FIA 批係佢 "好彩??
" 咋! 但講句公道話, 我唔信麥記季前冇 plan B, 再加上 F-duct 計劃最辣之處是冇可能抄 (足), 因為關鍵處在於它原始入口在安全結構 cockpit 之中, 必須要經 FIA 季前的 homologation. 亦即是說麥記的 F-duct 是屬於 MP4/25 整個空氣動力學設計的一部份. 是聰明的.
你看看其餘想抄 F-duct 的, 有沒有預期效果呢? 連 Newey 都話, 概念係人都識, 亦唔難造------- 如果係在 homologation 之前設計的話!!! 情況有少少似舊年的 double deck diffuser, 分別是 double deck diffuser 是大手術, 做對的話有大得益. 而 F-duct 是小手術, 得益不是很大 (請看季初和其他車隊的直路差別, 不很大兼好取決於場地) 但卻受制度掩護, 變相成獨家優勢. 但就是因為研發先後次序的重大分別隨著賽季發展, 麥記擁有 F-duct 之餘兼可專注研發本身 downforce 之不足, 無後顧之憂!!!
你法拉利呢?!?! 而家兩頭唔到岸, 仲有呀, 你舊年晨早就表明放棄2009的 F60, 全副精神放落架 F10 道咁話喎, 季初都叫做對版吖, 唔通畀部 RB6 快到嚇傻左而陣腳大亂?!?! 快d查找不足啦!