簡單講, 好多人係以"模型"糊口既....好多唔係hkml 會員既人會係其他地方下(論壇,etc) 出post 踐踏hkml既商戶 (主要係翻件商)... 另外 hkml 早有規矩係唔俾老翻bandai 塑膠模型明目張膽咁討論... 如果有人砌左, 都唔可以講係既... 反觀現時uwant 同其他論壇就有好多打手不停吹噓呢d老翻塑膠模型點好點正, 說到同原廠一樣咁, 仲會對反對人既人加以攻擊..始終都係錢作怪...

到hkml 本身, 因為除左商戶區既商戶交既"月租"就冇其他收入, 以商戶立場, 封註冊絕對會影響作為商戶既成效(唔賣出貨都可以當賣廣告).. 如果商戶離去, hkml 就要另外找尋收入去維持租用server, domain name fee 等費用...

封版整頓??? 點整頓呢???
開返註冊之後出膠post咁耐以來都係得果兩個人(一個係ban 完又開既)... 就係為左兩個人封殺其他想加入hkml既人???  post uwant 化同封壇冇關亦冇作用...
網上文化係社會文化既一種.. 年青一代係要咁表達自己你可以點整頓呢?? 論壇有言論自由, 呢種自由包括語氣同內容...  出post既人係要出得冇禮貌, 做版管又可以奈佢咩何呢??? 佢冇人身攻擊就冇佢符架啦...
d 人係咁唔爬舊post要即時回應呀, 衰d講, 你吹咩??? 可以做既, 就係自己睇唔過眼咪唔好回呢d post lor, 有心教人仔女既, 咪贈佢兩句lor...

衰d講, 十幾廿年前d人好睇唔起錯別字, 今日, 仲有幾多人敢係網上面要求"最緊要正字"???

唔好講得遠, 總壇規: 六.發文章時必需要有明確標題，嚴禁"help"、"請問"、"求助"等主題。最近呢兩三年都大把人係技術區犯左呢條版規啦... 咁同封唔封版根本冇關....

上個月afv 班大哥已經講緊越來越少人玩afv想引下d新血, 依家為左果一兩個人而要唔俾人加入, 會唔會係叫砍腳指避沙蟲呢???

唉~所有同你意見不乎ge人都唔岩咁
做咩投左票一定要回覆?
我好聲好氣講返D野,都要比你話我自私ge,
我開個投票post,問大家意見,又要比你話自私
我有冇叫[各位版友有一定要投應該呀!!我唔想再見到D膠post啦!!] ?
頭幾個回覆都講左少數害群之馬,我都認同,
我都有講過封壇有利有弊.
而我都希望會有模型新血入到來.
既然你覺得呢個投票係唔公平,你講返出泥lor,
但係都唔可以否認認同ge版友.
就算佢地意見少係唔係就等於無道理呢.
再者我邊有咁大能力影響到版主決定.
我只係想同其他版友傾下個問題.
而你就要話我咁做係自私,
老實講,即使封左註冊,已經註冊左GE膠人都可以繼續發膠post
我開頭所講ge意思係唔想個情況惡化
如果我真係自私,令自己上黎唔會睇倒自己唔鐘意既 Post
我就應該話,壇主應該封殺膠人acc.
封註冊會影響到HKML運作,咁壇主自然唔會做,
但係咁討論係唔係就得於自私呢?

到成品區見到素組... 我敢問有幾多砌模型既一開始第一盒就已經補晒夾口, 上晒油???!!! 素組絕對係砌模型既一個階段...  對一個初接觸模型既人, 能夠完成自己既模型果種喜悅, 點解唔可以同人分享????

只要大家回想返當年自己一樣有素組過, 就可以明白點解自己依然會砌緊模型....

成品區唔俾素組唔係因為會影響區入面既質素, 而係怕有人為左果兩分入去賣買區, 只係一般既係行政理由...

既然覺得繼續開放利多於弊
無必要以言語攻擊持其他意見人士
講得有道理,唔通我唔服?

鬼兄,我覺得你都講得有道理.
素組絕對係砌模型既一個階段,
我都好多素組
但係版規始終係版規,雖然係行政上.
我以前都一定上左色先敢擺上去,雖然好難睇(個陣覺得OK架XD)
如果係初犯都情有可原,若果係屢勸不聽就唔好啦
HKML有模友聊天室,放個度都可以分享到喜悅,又唔犯版規
一舉兩得

就係講係度係散之嘛。 唔通我overstep 版主咩?始終做野的都係D版主,我都係發表下意見即

新移民迫到而今香港幾多社會問題???  

定其實係香港單一工業再加上高地價政策呢????

如果 連uwant都要高登化就只係反映呢種係年青人既文化, 而你唔接受到呢d年青人既文化姐...

高登都膠左好多年啦... 今日會用 "膠"字去形容呢類無聊行為都係由高登開始.... 文化係同時代一齊改變既...

咁你講得出要整頓, 咁你自然心目中有一個方向或者方法去達成"整頓"既效果啦.... 想知道姐... 冇話overstep, 有意見當然可以發表啦, 或者可行呢?? 唔講出來就大家都唔知...

再講, 如果話overstep, 呢個post 本身都可以話係overstep啦...

冇錯, 可以放去模友聊天室或者過程區度... 因為唔分享就只係閉門造車  

老實講, 你唔係第一個我知道因為成品區d作品太靚怕比下去所以唔敢post出來... 咁其實係好可惜既... 因為點講都好, 砌到點都係自己既作品, 敢俾人見先會增加自己既自信, 亦會對以後既製作更有信心...

我之後D成品都會post架,遲D可能3日唔埋2日就出XD
因為終於可以用返噴筆一排啦XD

其實如果唔想啲新手係模型人技術交流區不斷重覆問啲新手問題甚至係無聊問題,
點解唔搵人重新編輯同更新模人問, 模人答,
並將模人問, 模人答放係頁頂當眼位置,
或者係頁頂置提示,提示新手先閱讀模人問, 模人答內的post,
有唔明白先再去模型人技術交流區問,
咁各位c兄就唔駛答完又答.

其實反映左好耐

個區極有需要重新整理過,好似四庫全書咁

有人話可以到模x村之類其他網站參考,但始終唔可以依靠其他網站

只要分門別類,好似字典咁搵會仲方便.

無用架 都話明係新人, 佢地一入黎為乜先, 梗係問自己心愛既模型問題點整好啦,

正如對上既幾位大大(包括我), 當初點解會貼自己模型上成品區, 就係因為可以見得下人一樣, 如果見到有素組放成品咪通知果位新人, 貼錯區~

就正如素組貼成品區一樣, 新人去技術交流區問問題為乜先, 梗係問自己模型點樣整啦, 其實呢個新人問題沒完沒了架, 除非佢一入黎已經有一門手技術, 已經真係問到技術上如修補或色差上問題~講真我都想做呢類新手呀~反對既大哥們

而家個區以經可以叫做"無人問,無人答"...............
其實版管可唔可以開放個區o既出post權比啲資歷較深,
或成品較多o既會員作義務編輯o既工作?


咁起碼唔會有人再問點補夾口,咩係消光呢啲問題
如果通常啲新人問自己o既模型點整好,
可唔可以出一個完整o既制作過程post,
放係模人問,模人答,
咁啲新人睇完就知點整.

[ 本帖最後由 古風戰士 於 2010-5-30 08:34 PM 編輯 ]

正如woo sir講如果做既 晨早做左, 唔洗諗啦, 一係如果去錯區提示下新人, 有問題問既 唔幫 佢咪叫佢去搜尋搵自己需要既資料~

如果做到,踢條link俾佢地自己攪掂

都係果句, 比咁多hkml要求同問題咁多壓力為乜, 自己做好會員本份, 見人玩post咪唔好入去玩埋一份囉  ,新人到既指點下囉, 記住你唔係版主, 如果你係版主就會知道做版主既更多問題出現~我地做會員唔搞事, 認真咁幫一班新人 健康成長, 他日成長新手都會幫返hkml, 呢個先係問題解決要點, 推d無關痛癢比版大係無用囉

咁又係,係唔係改革模人問模人答都係留番比壇主決定...........
壇主都應該有好多野要做,無謂增加佢地o既工作量