自己睇

盜竊罪條例 - SECT 18C
不付款而離去

(1) 除第(3)款另有規定外， 任何人明知須為任何已供應的 貨品或 已提供的 服務即場付款， 或 明知被預期須為該等貨品或
服務即場付款， 而不誠實地 離去， 並無如所須般或 被預期般付款， 意圖逃避支付應付的 款項， 即屬犯罪，
循公訴程序定罪後， 可處監禁3年。

(2) 就本條而言，

“即場付款”(payment on the spot) 包括在 收取已予施工或 提供服務的 貨品時的 付款。

(3) 凡貨品的 供應或 服務的 提供是違法的 ， 或 提供服務所須付款是不能夠依法追討的 ， 則第(1)款概不適用。
(由1980年第45號第3條增補) [比照 1978 c. 31 s. 3 U.K.]

“即場付款”(payment on the spot)

呢個同樓主個case唔同.....當時糖水舖個餐牌冇標錯價

好明顯係樓主乘人之危，人地為你服務，做到踢嗮腳，忙中出錯左，明明係6個甜品，點計都無可能係20幾蚊。
不過拒擺烏龍淨係攞張新加後的20蚊單黎收錢，收少了，你就詐締比20幾走人。

想問句：
1）你敢唔再番去幫襯？
2）你估人地認唔認得你？
3）如果個舖頭查出原來有另一張單係80幾蚊，不過你地無比，因此而報警了，你們就成爲了犯，而個閉路電視又影嗮你地6個人個樣貌，你地豈不是因爲區區幾十銀成爲走單的罪犯？
4）如果你的親戚朋友同事知道你係甘樣的爲人，點睇你？

我建議你鼓起勇氣，返去個糖水鋪同人地講話比錯左錢，比番拒，講句對不起，雖然係要點勇氣，但好過你要背負的心理壓力（睇你個標題話“賤事”就知道你仲懂是非廉恥）。錯左唔緊要，最難得係改得及時。鼓起勇氣去啦！堂堂正正好過閃閃縮縮呀！

[ 本帖最後由 timng 於 2010-3-8 10:09 AM 編輯 ]

如果我明知佢係標錯左我會同返老闆講,比返正價 (example: 當門口寫住180蚊一盒, 但入到去盒盒都打住130蚊)
但如何佢咩都無寫, 我只係會覺得佢比其實人賣得平d囉~ 唔會問點解賣咁平

大前提係你"知"定係"唔知"
樓主都講左啦, 佢明明係知o既.....但無出到聲

間鋪頭有無 CCTV  ?   樓主不如叫個朋友聽日去 check 下有無比人貼左相起人門口 ,   順便比返錢人啦

衛道之士有兩類：

1)以為己光明磊落
2)知道自己不完美，但也分辨是非


無賴也有兩類:

1)唔知自己錯乜仲大條道理
2)明知自己錯仲死撐

真係替樓主摥心,為左10幾20蚊以做出這等事情.
首先係你"明知"人家出錯,其次你本人又不是付擔不起.(付擔不起都唔應該 )
每次我收多左人錢我一定會設法俾返對方.
更不用說像樓主般,聽到惨叫聲都唔即刻返轉頭俾錢!!
俾D勇氣去為自已的人格做返件正確的事.

吾知你所謂「大部份」係點計算出黎...
呢 d 係「大事大非」,談不上甚麼「衛道」...
你有權質疑人家做不到,相信大家也沒甚麼証據拿給你看,可以確實證明自己是否真的做到...
但無論有幾大部份人係做吾到......但是非黑白,至少要識得分辦,我們無權逼令人家做事光明磊落,但至少要自己循著這個方向行...可以不指罵,也可以不給予評論...但...至少,不能給予鼓勵

睇怕樓主以後都唔敢o向度出現囉

唉！衛道之士！！！！！！

[ 本帖最後由 =AVS-98= 於 2010-3-15 10:34 AM 編輯 ]

咁多位朋友 ,
唔好咁勞氣  大家都係黎討論下  比下意見姐,
至於樓主果位事, 人人都有唔同諗法,
有人睇唔過眼,
有人認為樓主執到, 著數咁,
至於邊邊錯  邊邊岩  人人都有唔同諗法
咁為何又要插支持數主果邊呢?
雖然有朋友指出呢個行為可能己經觸犯法例,

但係
你地真係未犯過法?
由細到大未試過拾遺不報?
由細到大未試過隨處便溺?
由細到大未試過亂扔垃圾?
但始終犯法就係唔應該ge


咁樓主冇比番錢果間糖鋪,
呢個係良心問題
你地6個人都冇諗過比番果 D番錢?
不過樓主開得呢個帖  都係一種參(唔識寫, 用住同音字先) 悔ge行為
樓主都話自己有d cheap
大家又何必咁樣講野呢?



anyway   比著我就會即時比番錢人地

以上為我自己的諗法, 絻對無評擊任何人之意, 如有冒犯請見諒

如果件事唔係非黑即白既，我諗好多人都歡迎唔同既意見，但係呢個
第一 係犯法既問題
第二 係道德既問題
我唔覺得有什麼可以商量"同意佢既做法"囉

指出人地有無犯錯之前就一定要無犯錯?
咁你父母有無需要教你做人既道理呢? 你老師又有無權教你呢?
法官、警察可能亦犯過你講既野，唔通佢就唔可以執法?
非黑即白既野都可以有唔同諗法，新世代邏輯真係好野

維護正確既事係所有人都應該做，而且我又睇唔出樓上既出post人士講過d咩"刻薄"說話，例如:抵死、x街之類。
你想講係"懺悔"，我諗好多人都睇唔出，佢只係覺得自己係少少cheap，就憑"少少"呢個詞，就已經睇到佢有幾咁睇輕呢件事啦
如果佢係有俾番錢人地，我諗呢度唔會對佢有口誅筆伐既情況囉

正如我之前出post咁講

莫以惡小而為之
莫以善小而不為

唔明既問下自己既中文老師

[ 本帖最後由 ch_lycab 於 2010-3-14 02:51 PM 編輯 ]

你個講法都幾有趣, 你明白”..人人都有唔同諗法..” 但又話唔明”.. 為何又要插支持數主果邊呢..” 呢個咪正正就系人人都有唔同諗法!

是否一定要”..真係未犯過法” , “…細到大未試過拾遺不報”.., “..由細到大未試過隨處便溺?//”, “…由細到大未試過亂扔垃圾?..”, 先至可以指出呢D所作所為系錯既?  如果系咁, 大家討論之前要申報一下, 或者你要再睇睇咁既講法有無問題!

既然你明白大家睇法唔同, 我又不妨同你分享一下, 樓主開個post目的系乜我就唔會去猜度, 不過有一點系肯定既 (根據樓主自已所描述), 佢地一行人系知人計錯數, 而埋單出左門口後, quote “….走左兩個街口之後我地聽到糖水舖方向一聲慘叫..”unquote 呢個我就唔相信實際情況會系咁, 我會認為樓主想加點戲劇性元素而已, 跟住重話 quote “雖然覺得o個度d waitress同收銀好冇sense但係都有少少鄧佢地可能冇左份工而可悲. Unquote  佢覺得人地無 sense, 因為6個人埋單20幾蚊都唔知, 抵死, 不過就想人覺得佢重有少少同情心, 會”有少少鄧佢地可能冇左份工而可悲”.

朋友, 呢個同良心無關, 系講誠唔誠實, 唔好搞錯.

討論對事不對人, 如果對事你都覺得會系一種冒犯, 咁基本上你系唔適合同人討論任何事!

P.S. 加多兩句, 個人意見, 做人面面俱圓是好, 但小心, 搞得唔好就會變成豬八戒照鏡, 裡外不是人

[ 本帖最後由 vr2xtd 於 2010-3-14 03:20 PM 編輯 ]

我明白你ge諗法.
我都承認我ge諗法同其他人係有d出入

父母老師指導我地呢個問題,
大家ge父母, 老師指導我地都唔會每一句都罵啦, 係咪先
咁樓主有錯, 大家指責佢, 勸佢改   
冇錯, 正常
但我只係覺得,
換個個語氣, 換個句句子
咁樣我相信氣氛會好好多 ^^

懺悔呢樣野都係,  我覺得要睇一個個人點諗
好多人都覺得樓主冇悔意,
我覺得有咁解姐.

仲有, 我中文雖然唔係話好勁,
但我都未至於睇唔明呢句野.

講多次,  
我po呢個帖係因為睇唔過眼姐
但唔代表我贊同樓主ge 行為

同埋     大家真係
換個個語氣, 換個句句子啦
hkml ge 會員我相信都係好成熟ge
最好唔好引起罵戰  

[ 本帖最後由 孤月 於 2010-3-14 03:35 PM 編輯 ]

盜竊單野就可以輕輕帶過, 反而旁人講野語氣輕重就要規管...

見人做賊睇唔過眼鬧下語氣重d 都唔得, 要用溫和 Feel~?  而家某d 人諗野既邏輯真係奇特~


--------------------------------
孤月... 唔怪得個名咁熟...

http://www.hkml.net/Discuz/viewt ... 0067&highlight=

你d 行為唔止唔講得上成熟, 直頭係 "幼稚" tim...

依家既新一代，要用自己鐘意既方式受教，唔可以打唔可鬧，否則唔係自殺就離家出走
但係就算呢一代父母用溫和既方法教，得出黎既效果係咩?
佢地有受教咩?
做錯野只係覺得自己少少衰、少少cheap，
我地果個年代出世既人，真係面都紅埋，邊夠膽同人地講呢d衰野

我見好多溫和派既父母就係教唔到自己個仔女，最終都係自食其果.....

或者你要說明一下你睇唔過眼D乜?  咁講啦,  你既主觀"願望" 只系你一廂情願既睇法, 你要人換過個乜野語氣先叫"合適", 乜野句子先叫"恰當"?  正如你一再提出, 每個人有唔同諗法, 所以無論人改左乜野語氣, 乜野句子, 你都可能話唔對, right??

思想成熟既會好大機會分得開是非, 良性討論又點會變成"罵戰"? 反而好多人以為語氣重就系罵戰, 如果你會分得開乜野系對事, 乜野系對人, 咁你所謂引起"罵戰"既擔心就系多餘既!

[ 本帖最後由 vr2xtd 於 2010-3-14 04:03 PM 編輯 ]

-_-
ok, 呢單野我認係我衰

可能你地唔明白我, 我唔會怪你地.

無錯, 我唔夠你地講,
我都諗住po 埋呢個帖就係呢個帖中消失
睇黎我同你地ge 諗野方式的確有矛盾.

但我都要講一講
大家話我唔打得唔罵得, 自殺, 離家出走呢d
我憑良心可以大大聲同你地講一句
我絶對唔係
我ge 父母都唔係你地所講ge 温和派
細細個果陣,
我都比我老豆罵過
我都比我老豆打到收唔到聲
我阿媽成日都因為d 小事罵我隻狗咁
咁我要點?
離家出走? 自殺? 斬老豆斬媽媽?
我咪忍囉,
咪忍到依家咁大個人
我真係你地講呢d人ge 話,
我一係係感化院, 一係就釘左蓋啦
仲洗係度同你地頃?

大家上網, 玩模型都係想減下壓姐
網上討論, 都係想輕輕鬆鬆
我勸大家換個個語氣,
想緩和一下個氣氛
下下d語氣咁重, 好咩?

可能我仲細,
唔太了解你地ge 諗法
我以後會盡量去了解.


再見

[ 本帖最後由 孤月 於 2010-3-14 10:11 PM 編輯 ]