原帖由
明天 於 2010-2-22 09:51 PM 發表
同父母一齊住唔代表仲要靠父母,相反可以互相照顧,例如任何一位有病都可以照顧對方,當然出黎做事有收入就要比家用啦...
站係父母方面去想.一讀完書,就想離開,唔理父母,唔知父母會有咩感受....
哩個係較傳統d思想~我都好尊敬你重孝~但可能我角度唔同la....
小時幾兄弟大時幾房人,唔通一齊住?大宅門?
自己有自己ga家庭,要有生活ga空間(唔係指屋的大小),例如我想成間屋油成橙色,阿媽話唔鍾意,
想開心咁成家出去食餐飯,老豆話不如屋企食~
當然佢地出發點係好la,不過就冇左生活空間囉.....
再者,香港又唔係大.....有病要睇醫生打個電話1個鐘都應該邊度都到la~(塞車除外)
有心到住邊都好快ja,冇心ga就算住埋一齊都會叫佢自己搞掂la~
另外,自己係男人同老豆阿媽一齊住冇野ja....咁又唔試下去外家住?
老婆ga阿媽就唔駛照顧?另一半同老爺果 D一齊住有冇d唔自在呢?
你問佢有冇唔鍾意,佢答你冇,會唔會係因為愛你而答冇呢?
此外,作為老豆阿媽生仔為防老係咪好自私呢?
又俗語話老豆養仔,仔養仔~我膚淺咁覺得父子之道係老豆為左兒子付出左血汗,做仔ga會感受到,
如果佢感受唔到應該係溝通問題~到老左喇佢供養你咪開心囉,有物業就留俾佢囉~
如果理都唔理咁有物業就捐去慈善機構囉~
作為兒子有咩比可以獨立更令父母安心呢?又俗語話"你睇我好,我睇你好"
大個左一齊住有時更令父母擔心囉~好似出去玩夜左,去酒吧睇通宵波,作為年青人都不為其過,
但令父母擔心囉~唔好講件事應唔應該做先,但我認為為左唔令父母擔心而唔俾佢地知都好正常~