水貼完成

[ 本帖最後由 wingary 於 2009-2-12 10:31 PM 編輯 ]

Good to see you start off your FW07

咦  鑽晒窿, 準備落釘喎!!!

我都唔知會砌成點

呢個花好似好靚wor

Alan Jones. Williams"s 1st WC

架車好正呀...

Bar Room Bin Laden = 賓.拉登

今日去圖書館睇免費雜誌 (時勢唔好慳得就慳) 今期  (? 應該係掛, 圖書館的可能冇咁貼) F-1 Racing , 其中 Peter Windsor 的專欄, 佢都忍唔住, 好隱晦地寫左幾句, 關於 "鄧" Sir Frank Williams 唔抵.

Peter Windsor 現時係資深 F-1 記者, 你地應該聽過佢把聲  每次賽完 F-1 的即時 FIA 記招都由他主持發問. 他曾是80年代尾90年代初威廉士車隊的 team manager - business, 對 Frank Williams  的做生意宗旨很敬重, 文中sir 前 sir 後 ( 唔知有乜野勳銜呢?) 尤其是關於搵贊助商, 要堅守不接觸已贊助了別隊的公司, 別隊相反挖己隊時則要尊重贊助商的意願....... 云云.

Peter Windsor 跟著提出 : TAG, Honda, Adrian Newey (人黎架) 到今年的聯想集團 Lenovo, 全部都係比麥拿倫 ( 佢好明顯暗示來來去去都係一個人 - Ron Denis ) 挖走! 但阿 sir 仍然同單尼斯保持關係.

讀時對 TAG 有贊助過威廉士咩? 才醒起你架 FW07!!!

第二幅相好清楚呢!!!      (我開始對孤寒財主印象加分 )

先多謝你！
Adrian Newey 一過o左 McLaren 就有成績，相反 Williams 就無晒影，佢o既設計真係咁勁？

同你重溫吓 Adrian Newey 的威水史啦  

早在80年代末, 88年的 March Leyton House 便一鳴驚人, 中下游車隊, 中游車手 Capeli, 二流引擎, 唔入流的資金 , 做出輝煌成績, 唔係執雞一次半次果隻喎! 有次啄到冼拿的無敵 MP4/4 有氣冇訂頭, 唔記得左邊站  我都係因為佢才買雙星的 Leyton House. 跟住被威廉士力邀加盟, 91年的 FW-14, 係輸在文素手車, 或者再正確些係輸比對手的冼拿, 架車應該贏. 92至93年 ( FW14-b, FW-15c ) 贏到冇得追, 94年冼拿若唔死, 應該唔輪到舒密加的巴烈頓, 95年擺明希爾嘥晒部 FW-17, 錦都輸得 96年 FW-18 要老舒走去當時的廢拉利才出頭, 97年的 FW-19, 近年 Patrick Head 忍左好耐才出聲話純以車的實力, 應該一早封皇, 暗寸當年被過份吹捧的韋倫諾夫 (事實係等到韋倫諾夫現晒形才敢開口, 佢老人家一早知道盲目擁躉的威力 ) 即係話 Adrian 的車, 除非撞著冼拿, 舒密加, (仲有個唔講得住, 費事下面穿煲 ) 等級數的車手而又有部有番咁上下的車, 係羸晒的.  ......到98年過檔麥記後的 MP4/13, 你已知啦

仲有故講架, 他的後期作品, 有幾次係應該贏架, 唔講得, 在 Patrick Head 身上學左野   不過 Adrian 在前年, 即過左紅牛一年冷河後忍唔到口, 講左自己的感受. 亦有很多在麥記的人為政治, 左右他的設計, 還記得他早在05年? 已幾乎跳槽到當時的積架車隊嗎?!

嘩, 咁黑暗咁嘅....
多謝獅象兄

都唔係嘅, 多過一個人的地方就有政治錦姐!
睇野千奇唔好淨睇表面數字 : 成績紀錄
就如一場足球賽, 甲隊贏乙隊 1比0.  甲隊好波D?!!     原來乙隊成場禁住甲隊來踢, 撞左三次柱, 一個合法入球被枉判越位, 一次應有但冇判的十二碼. 甲隊的入球原來係一之死球, 兼係乙隊擺烏龍........
92年歐洲國家杯冠軍丹麥是打得真係好才嬴的, 實至名歸. 04年的希臘 你話呢?!

咁...咁又係...人為又或者真係意外會有影响嘅...太多變數啦...

獅象兄可唔可以講多D故仔黎聽

我94年先開始識睇F1 (當時仲讀緊小學, 睇咗3場洗拿已經死咗........)
95年睇見 Damon Hil l嘥晒架FW17真係把鬼火, 亦係由當時開始討厭輸蜜瓜到而家

另獅象兄對Red bull今年架車有咩睇法?
pre-season testing似乎好勁, Adrian Newey功力似乎開始顯露出來

大家如有興趣聽, 我知的一定講  不過好多時老人癡呆症發作, 成日記錯野架

冬季的季前試車成績好靠唔住, 原因好多 : 專登令到架車快D e.g. 零件唔合例 (試車冇 scrutineering ) 來盡最後努力吸引贊助, 或增加同贊助商討價還價的籌碼. 或專登測試非純速度, 如某組零件的可靠性...... 其實不只季前試車, 正式比賽前的試車最有評估價值的是 long run 圈速, 如連續十幾個圈的每圈圈速, 因為近十年的賽事 "格式" 大部份以入 pit 兩次計, 總共3節約莫是十幾二十個圈路程.    不過, 記者都係搵食架, 邊鬼得閒同你慢慢 check 吖  一野攞份 time sheet 搬字過紙, 所以咪得最快圈速囉! 有些記者就真係好專業的, 但不多, 因為又邊有咁多咁發消的讀者呢!

不過講番 Adrian Newey 的 RB-5, 從表面看, 初步跡象又幾對版喎!  威廉士和豐田的......我對他們的 "好" 成績有少少保留.

Adrian Newey 係好得、但在Ｗｉｌｉｉａｍｓ中Ｐａｔｒｉｃｋ　Ｈｅａｄ才是霊魂、我好相信Adrian Newey 好多野都係Ｐａｒｔｉｃｋ　Ｈｅａｄ学番来、80年代的Ｗｉｌｌｉａｍｓ全部出自Ｐａｒｔｉｃｋ　Ｈｅａｄ手架。早幾年架車都好得架、咪又係比Ｄ２流車手 （徳国人同哥倫比亜人）

04年的希臘 ,同感