以前間唔中都係有好似JACKEL呢種型格既新手
不過到最後只可以「嘆」一句, 都係興趣姐, 想開開心心砌架車, 佢想點砌咪由佢自己發揮LOR....

其實我都新手 ，我覺得最重要視乎心態既姐

我而家睇返一年前既作品都想笑

joey一定係講我
我成日磨穿油....

嗯，其實唔同階段有唔同要求既
我一開始砌車…都係志在改野同砌個下過隱，砌完騎騎呢呢都好滿意
但上左呢個網…聽過好多高手教路，雖然我仲係好enjoy改野個process，但唔敢大改 (好似 lailo架 F40咁真係唔敢)，
反而想砌番架見得人既車出黎，發現原來唔係想像中咁易

其實我睇返一年前既作品都一樣笑餐死~~

我都唔係話緊邊個既, 只係唔同時間都會有朋友加入砌車, 大家都會一齊研究下~

到在依家, 有好多師兄睇我砌野咪一樣笑我~~~

[ 本帖最後由 joey 於 2009-1-18 11:56 PM 編輯 ]

咁又係,如果只有舊人無新人就慘lu...

我睇番你架 GDB， 咁耐既作品都覺得唔好笑喎

應該已經搵唔到架喇喎......
你係邊度見到架....

梗係睇你個 blog啦
咁多製作過程…點可以唔刨

........

我都忍唔住....

大家記唔記得... 有日出左黎飲野都已經兜口兜面講左佢兩個鐘......?

個人好同意leo, cas, 同joey既講法, 學識行先係好重要....

但係後來諗番, 我地咁話佢, 佢唔會砌得開心wor... (好彩第二日都仲見到佢online )靚唔靚一件事, 開唔開心又係另一件事...

我地砌左咁多年, "砌"呢個行為唔會帶到好多樂趣比自己, 反而"砌得靚"先係最大既開心來源.... 但係好多時新手d既朋友仔, 確實試多d野係好玩既.....

btw, 個金色都幾好wor.... 慢慢黎啦... 砌模型記住"介急用忍"... 做男人都係~

岩岩興奮完追返呢幾日既POST睇~~
有求知慾既人都會想試好多新野~~~PE,GP2,小改,大改......
我都買左好多自己未有能力應付既補品
唔跌過點會知道基本功既緊要~~要求係隨住經驗既累積o黎慢慢提高,
當有一日發現自己原來唔係做得想像中咁好既時候,自然會想辦法提高技術~~
細個時候父母提我地要努力讀書,唔好行太多冤枉路,又會有幾多小朋友會真係聽呢~~(我細個時就冇喇~~~)
只要唔放棄就有大把進步空間~~~
我估JACKEL兄聽得明既~~只係需要D時間消化o者~~
咁後生~~大把時間,大把本錢啦~~

Johnny兄講得好好呀！我可以打少好多字

其實講真, 砌成點, 好定唔好, 真係好難以個人主觀感覺去睇
不過最緊要係要知道自已想點, 呢個點好重要
有左方向, 就自然可以漫漫有進步

我自己砌車唔算好耐, 但都同所有人一樣有過新手未搵到方向既時候
唸起以前未有newsgroup未有forum既時代, 自己上網搵到一堆日本人既模型web site
當中好多野, 因為唔識日文, 根本睇唔明.....
不過自己又好想砌到人地果 D咁靚, 所以呢度加d果度又試d
到最後同一d本地同台灣既模友多左交流, 加上言語互通, 開始學到一D新野同可以總結到一d 慨念

不過, 一開始時真係撞到正一正,自己唔知死走去學人開門
重要一開就走去開4門車...即係架GDB........
攪到差D收唔到科, 而且花左唔少時間心血同界傷過唔少次.....
最後當然係得淡笑喇.....手功, 上色, 研磨各方面都唔拖唔水咁
不過我都仍然keep住架GDB同一路都好中意架車
因為當中學到既經驗之外, 重了解到好多技術以外既野
過程亦係一個好值得懷念既記憶....

自此之後, 明白到基本功係進步既不二法門, 亦冇人可以一步登天
就算有人話到俾你知架車點改點改可以更「好」, 到架車係你自己手上會變成點根本係另一回事
所有step都係需要, 而且有必要自己唸清楚度好晒要點配合先可以順利
以往我一直都只會係一架車上試一或者兩樣自己新試既野, 咁可以focus d係果 D地方而唔洗太分散自己集中力
有時更加會輕輕鬆鬆咁砌一架咩都唔改
咁反而可以整體咁睇到自己進步左有幾多

可能係hkml上, 大家你一句時佢又一句, 一時令jackel confuse左
捉唔住自己既方向
所以我一路都冇reply到, 由得佢自己發揮, 不過到咁上下俾佢明白自己需要停一停, 唸一唸, 我覺得咁會對佢更好

完全係講緊我

我最認同joey之前成日講既金句
要知道你做緊d程序係有咩用,因為咩原因而去做呢個程序 (大約係咁既意思

哩期啲火氣少咗borXDD~

我以前好好火氣架咩

你地做咩對JackeL咁好既?! 睇你地句句肺腑之言, 感動死人

對唔住我無睇哂過程, 但好想問下, 點解第一第二圖做到最後變左第三圖既效果既? 你換左第二件泵把? 定係我誤會左你第一幅圖果pat筆地既用處?