原帖由
joey 於 2008-9-3 09:56 AM 發表
今年有大半年我成日都係咁架~
不過我覺得最緊要自己開心, 唔想砌咪停一停lor, 又冇人話一定要砌既, 更加冇人話一定要砌得好~
砌得唔好又唔洗死既, right~~?
阿q d咁講, 架架都砌得咁好,重邊有耤口講句「 ...
或者咁講,始終老電唔係自己本行,你話好難砌咩又唔係,但就無左砌四個轆o既時候o個種唔使睇圖而可以機械式製作o個種感覺。例如你上次同我講引擎夾口唔使補因為睇唔倒,但我就係唔知咩位睇倒咩位睇唔倒所以今次每一件parts d分模線同夾口我都執到足,雖然話第一次砌老電但都好想keep番自己個standard,砌得唔好唔使死,但唔想砌完部車自己最後唔鍾意部車,無啦啦砌模型都搞到心理有問題。
好多野都係試緊度緊,咩位用咩釘、用咩油表現唔同o既金屬、再決定D effect點做、個masking先後次序應該係點樣會較果最好而又最安全、燒青又要搵參考圖番黎先敢噴,好多好多野都要plan。可能有d唔慣砌雙星,個模就係做得太好,大家做出黎可能分別唔太,但我又無牛兄咁勁可以改到咁o既程度,咁到底我應該將自己製作個焦點放響邊呢?諗唔倒...唯有無一part都試吓plan好d做好d,響自己對老電有限o既認識範圍入盡力做,但咁其實又唔太好玩