原帖由
lailo 於 2008-8-12 12:12 AM 發表
講黎聽下, 等大家唔好中計~~
又唔係話中計既…首先得一間買到呢隻花既姐…我唸都有唔少師兄幫襯過…唔知有無同感
事源追到去5月25號既事(你唸下原來張水貼要追到5月既事=_=)
話說個日我產上去問有無呢張水貼…佢話剛剛 20定23號賣左…要訂,唔知仲有無得訂,要email去問下
我:咁你幫我問下啦,幾耐到有通知
K:幾日既姐好快,你留低電話畀我,到時call你啦
我:有得訂還是無得訂都call我啦,等我有心理預備,如果有通常等幾耐 ?
K:個零2個月啦,你知啦,等佢運過黎,kick lick ka lac
無得訂既話我可以用第2d花代替嘛,結果5日後無回音啦,我就打去問喇
我:想問知道有得訂未
K:哦~有呀有得訂呀
我:咁都係等番個零2個月 ?
K:係呀,你預番咁上下啦
結果等到7月尾,我pm佢問,差唔多2個月,到貨未 ?
佢居然回我: 未同你訂喎,因為佢有無新貨番,要等佢有新野番一次過訂
我個刻真係覺得有d比人昆既感覺,即係點呀,5月個時話有得訂,但唔代表同我訂呀 ?
我明白訂貨呢家野係要等埋一批先入貨,但你一係個刻唔好同我講兩個月,一係我當你預計唔到唔知,你咪打個電話話我知個實況,睇下我仲等唔等囉
即係我呢世唔打畀佢,我就等佢成世喇
兩個幾月先知原來由頭到尾都未訂
之後我問佢我直接order,我畀郵費,如果唔係我真係唔知等到幾時
幾經波折…佢自己一次過訂左一大批番黎啦 (舊貨黎既)
之後我上去買,佢死咬住話要一批訂,有限最少訂幾多,佢根本就唔明我唔gur咩
我明程序上要咁做,但at least你話聲我聽,有交帶d呀,我唔打畀你我完全唔知個狀況係點囉,大佬你做生意只有你先知來貨情況係點,做客既點知
最慶係佢仲要講到自己好慘:
你知唔知我為左你一張野入左幾多舊貨呀,幾千蚊貨…唔係點呀
發我悔氣咁話呀…自己無黎交帶仲要怪我…
我最concern既唔係幾時到貨囉…講真你話我聽11月…我咪等到11月囉…我架野都無咁快起到架啦…但你咪話聲我知要等耐d囉,而家又唔係無我電話
佢話等有貨先打畀我喎,咁下年先有,我咪成個白痴咁唔知頭唔知路咁等你大半年,我唔知你係執左笠呀,來貨個邊有問題呀定點
就算佢話會打畀我,呢樣野我都係信佢一半架咋
都唔係第一次架喇,個次我訂 Z32,有貨都無打畀我啦,咪又係等我產上去問佢就畀架野我,我唔上去佢都唔打畀我啦
佢似住自己好多野都獨市…以後免得過都唔同佢訂野…無黎交帶…買現貨算