近尾聲了, 只差頭尾燈之類濕碎野, 應該可以帶去本週末的真人騷
捽了compound, 今次發現了比擦紙膠更好的物料 ---- EVA 膠( Ethylene Vinyl Acetate)
其實原來我有了它都有一段日子, 就是以前買 Micromesh 時隨同附帶的, 只不過一直以為它是硬身海綿而已
冇為意便冇用到, 直至上次砌 R24, 因有好多不同弧位, 研磨漆面要想盡辦法, 才醒起既然 micromesh 附上就一定有其作用, 一試之下果然好好, 但到捽compound時用回習慣的擦紙膠. 今次再用EVA膠磨 micromesh 時更順手, 便繼續用佢黎捽埋 compound, 才發現它因為比擦紙膠更具彈性而又夠"un" 更能順貼表面, 好好用
加上它很平! 究竟EVA膠即係乜野? 懶 high tec
其實簡單不過, 好在我朋友是做玩具生意, 有次他來我家, 偶然間講開, 才更正我那舊野不是海綿, 是EVA膠, 好多玩具之類都是EVA膠製造, 例如設計給小朋友以防玩耍時趺親的好似 puzzle 般的地墊便是一例! 我在灣仔春源街買了一大塊才 12 蚊.
今次首次用長谷川的 Ceramic compound, 可能是期望過高和未了解它的特性吧, 感覺好不了雙星的 Finish compound 多少.
我成日有口話人 : " 乜咁大意呀" 自己都不煌多讓, 假組太求其, 大安旨意信晒雙星, 一味屈佢 " 雙星喎"
原來左邊邊鏡給窗口底膠邊頂住, 好彩救到, 但已留下膠水漬
喱頭懶醒叫人唔好漏左油邊鏡入面的穿崩位才蓋棺 (車身和底盤接合) , 仲黐死埋 ( 係多餘的
) 才驚覺有個手指模在檔風玻璃入面
哈哈!
雖然今次上水貼好開心, 已經醫好了水貼恐懼症, 不過, 水貼引發的後遺症 : 如何對準色呢? 例如這兩架 R32的邊鏡顏色必須自己調, 水貼唔包括的. 而模型漆的所謂原色, 多數都溝雜了其他色.....最重要的是, 調色準確度, 對我黎講好難呀
!!!
以上好似唔多順利? 梗唔係啦! 點都有些值得高興的
!!! 就係我的人腦四輪定位超先進超高科技系統嘞!
都幾滿意成績
秘訣 ?? 就是反覆試到自己滿意為止囉!! 我砌模型的態度就係錦樣 : 鐘意的細節會好肯花時間, 其他的....求其算數, 最緊要自己開心之嘛
分享
