唔知有無人去過佐敦間興Ｘ模型鋪買野呢？雖然間鋪細細間，但係入去個感覺好舒服。
今日收工去到掃咗三盒舊模型一把手鑽一把鋸仔，到我俾完錢既時候，有個帶眼鏡既男sales埋來幫我袋好佢。
一路袋一路好詳細咁講解個手鑽同把鋸仔點用，用完之後點，仲開埋門送我走。
呢個男sales俾我個感覺好專業好熟悉Ｄ產品好熱誠，服務態度好好，唔似得其他模型鋪問佢都唔知點用，態度又唔好。學華仔講今時今日咁既服務態度邊得架。
所以我想係到讚賞呢位男sales

係佐敦??
大約咩位置??
我都想買手鑽喇
想知果度賣幾錢

佐敦興Ｘ白加士街
TAMIYA 0.1mm-3.2mm 手鑽（唔連鑽咀）$9x

咁啱??我都想講'興X模型'...上星期想買fujimi既chaser se-13,但冇貨,而今日入到去,有位女士記性很好,話二不說已經在倉庫取出來,還叮囑我check件,另因趕時間,所以在門口草草double park,當發現有車位,還通知我,可能下午客人不太多,所以較專心.....
我很少見模型店如此nice,不熟悉,通常不煍不睬的.

有Ｄ去到熟都不煍不睬呀

近尖沙咀差館果邊定係裕華同永安果邊?
因為白加士街都幾長

近尖沙咀差館果邊

四眼果個男人同個女人係好招呼D, 肥果個男人就麻麻地
有次我買錯套 14"in TE37鈴(我買果陣冇check 件,當咗佢係 18"in 白軨),隔咗半個月我又再去買o野,埋去櫃檯度問個四眼男人可唔可以睇咗先決定買唔買,佢好快咁話"得",仲叫我下次可以開個盒睇咗先決定買呀

Ｓｅｒｖｉｃｅ幾好但価格就比一般模型店貴１０－１５％。

我寧願比貴少少有好service
我去買野仲要受氣 ? 唔係嘛 !

Oh brothers so glad to see all of you have good experiences with this shop.

I hadn't purchased anything from them for more than 10 years, as my past experiences with this shop is so disappointing, not to mention the premium they normally priced.

But happy to see that nowadays they don't behave as they did a decade ago...

咁有D野係會有追步既

畀錢果時大約幾點鐘

下午六點幾

我唔係有好多野要買有時急起上o黎都佢係佢度買野, 始終出一出旺角都要車費.

間野老子號來的. 不過有時就唔止貴"10~15%"咁少,  模型一定唔會係佢度買, (細過果時冇咁貴的, 果時成日係佢度貴添)

佢地禮貌可以係所有模型舖中最好果幾間了. 而且問乜答乜, 可能因為佢地d staff都做左好多好多年, d模型產品好熟的. 好多時有d 完全唔知自己做緊乜既客問野都會聽到佢地好細心講解. 或者佢貴就係貴在d 租同service喇.

以前好多間興記的, 不過依家好似得返依間了.

係, 佢地d禮貌真係好過以前好多了. 好似轉死性咁.

呢間真係好耐 , 最小都二幾年 ~~~~~~ 細個成日幫襯佢 ~ 依家就好小落去 , 附近又難拍車！！

我尋日到仲有對鬼佬夫婦係到買緊野
佢地個袋印咗灣仔間分店地址 , 灣仔間分店係咪無咗啦 ?

[ 本帖最後由 ketamine 於 2008-5-29 03:58 PM 編輯 ]

對比起以前響斜對面果間「x型誌」(執左好耐),佢算平架喇.

絕對有廿幾年... 我十歲未夠就係佢度買野,  我都三十幾了.