第一次"完整"咁完成整模型既過程.
混合畢地原來硬過原本既膠咁多,
打磨時候出晒錯...
又唔知應該幾時可以去造形...
結果無縫有好幾個位都效果不好...
第一次溝油噴,
有好多位都係突然爆左一堆天拿水出黎....傷心.

POST之前睇過咁多位大大既文章,
見素組都咁鬼死靚,
自慚形穢....
諗左好耐POST唔POST...
淆左好耐底....
希望呢隻咁污糟既吉姆唔好令大家傷眼

犯人照 - 前
[attach]317224[/attach]

犯人照 - 右
[attach]317225[/attach]

犯人照 - 左
[attach]317226[/attach]

上半身
[attach]317227[/attach]

側身 - 個盾真係好污糟- -
[attach]317228[/attach]

偷影佢屁股...全身上下最滿意既部份
[attach]317229[/attach]

創作靈感實現圖 1
[attach]317230[/attach]

創作靈感實現圖 2
[attach]317231[/attach]

[ 本帖最後由 chris102 於 2010-1-9 10:29 PM 編輯 ]

臨尾兩張好正

個頭 ... ...

Urban Cam. Good concept and pattern of the colouring.

d迷彩似城市戰用

迷彩好有心思,噴筆技巧要多練習.
第一隻有錯漏無所謂,就算第10隻都可能會有意外.
砌模型就係咁,最緊要吸取經驗,一隻好過一隻.努力

構思唔錯，技巧方面請繼續努力

很用心的作品,努力...期待日後噴出有更多作品

小心個頭比人打爆..無色-.-

用混合畢地做無縫?唔洗架
用牙膏畢地就可以了

作品的顏色設定都好有意思

其實有幾個方法做無繨都好方便。
第一個是牙膏畢地。
第二個是AA膠(可以溝爽身粉)。
第三個是過量的模型膠水(待乾透要一星期)。
三個方法最好是看情形而選擇。
一般都可以用方法三。
如方法三做完(記住要乾透)還有很細的繨隙，再用方法二。
如接口有收縮現象，就用方法一。
但方法一，三要好耐，所以有人喜歡只用方法二。
而方法三則可以令模型的接口多年都不會出現問題。

頭做埋迷彩就正啦

構思有創意~~~ 加油~

感謝各位師兄提供意見~^^
無縫果方面...
因為我非常心急...
所以先用混合畢地6小時乾透....
我成日都會心急過龍...
成件野我最有心機等佢乾既係光油.....

仲有好多問題想請教各位師兄:
1)光油想噴到佢令身, 於是就噴到好厚, 但係效果仲係唔係好滿意....請問係咪仲有咩要做架?
2)我見有D師兄為左避做無縫,會係"邊位"刮做一條坑....用筆刀做既話會唔會好傷膠?
3)畢地最快乾既係咪光畢地? 有無一種畢地,平過光畢地,但係可以同混合畢地差唔多快乾?
4)隻GM個頭本身想整頂斜帽...會唔會有D咩材料好介紹? 就咁用MASKING TAPE摺一頂會唔會OK呢?

再一次感謝各位師兄

1...用光澤薄薄地噴2次已經得.....真係唔夠就買支打磨膏拋光.....但要小心過量...唔好連底油都磨埋-.-.................
2...應該唔會.....你0既意思係將夾口造成裝甲縫??
3...咩叫光畢地=.=? 平0既咪用原子灰囉.......五金鋪幾十蚊1 KG.........玩到死都得
4...用膠板+原子灰係最平係快的了

1) 薄噴2次會越微粒...係咪濕度問題?
2) 係啊~ 裝甲鏠~
3) 光畢地....用光照兩照就可以2分鐘內乾透的畢地...但係成80蚊一支.... 原子灰大概要幾耐先乾透~? 同埋好似原子灰會粗得濟補唔到縫...
4) 謝謝~^^ 膠板係咪旺角隨便搵間模型鋪就有架喇~? 有無話隨便買既膠版定係有專用既野? 我到而家未搞得清楚晒所有用品><

濕度當然有關....同埋一定要乾透先可以噴第2浸..........

原來光畢地係0個隻
或者我孤陋寡聞....應該冇邊隻快喇.........................

膠板就一D比較大0既模型鋪就有....
其實唔一定限住用膠版整0既...有D人連益力多樽丫洗頭水樽丫都拎黎改模型的................

[ 本帖最後由 得閒飲茶 於 2010-1-10 06:10 PM 編輯 ]

心急可以試下aa膠+爽生粉(強生)

let me try try later! thanks~

我覺得你最先要學好係基本功

唔明你講咩光筆地, 你哩隻又唔見有咩改造位, 根本極少需要用到光筆地, 就算要用, 可能都係夾口太粗, 所以先要用到混合筆地或光筆地填O左佢姐, 基本上, 我用混合筆地, 會夜晚臨收工前先搞, 因為搞完第二朝已經硬晒

如果要趁佢未硬晒造型, 可以大概4個鐘度, 用牙籤輕輕篤o下佢就知, 如果好似有少少硬, 就趁手造型啦.

迷彩其實幾難做o下, 同埋見你有o的迷彩位, 噴得太近距離, 所以一pet咁, 下次不如搵膠板練習o下先.

加油! 加油!

[ 本帖最後由 alex_d_liu 於 2010-1-11 04:34 PM 編輯 ]