FM100 - XVX-016 - Gundam Aerial
吾知Bandai搞乜, 四月有2盒重量級模型推出. 一盒係KA Zeta, 另一盒就係FM100的風靈.
其實我之前吾知FM風靈會推出, 錯過左訂貨的時間. 當我知道時已不停周圍問仲可吾可以訂. 當然就係無得訂啦, 所以一直都有點擔心買吾到, 再加上有朋友話代理又cut 單......
推出當日, 一如所料, 由傳統大舖開個比之前訂價貴50%的"靚價". 市場氣氛非常熱烈, 再加上有幾個網站都大力讚好, 做成人人搶貨的熱潮. 不過一日之後, 情況來個大逆轉. 不停傳來百貨公司都有貨, 仲要係正價. 其實個一刻都真係有點愕然. 吾係吾夠貨要cut單? 而家多貨到百貨公司都有? 我就真係吾知代理想點啦. 點都好, 自己入到就算啦.
入手之後當晚就開盒. 第一個印象非常良好, 因為完全吾覺好多無謂零件. 刻線又夠, 好快已經剪完件. 白色件全部係undergate, 而其他顏色件的水口都吾大同吾明顯, 仲有部份係樁口位, 磨都吾駛磨. 感覺上設計者都係由模型製作人的角度去開發. 絕對抵讚. 不過吾知係吾係我自己問題, 成日睇漏undergate的水口, 有時會磨漏左.....我知有好多人覺得佢只係一盒放大版HG, 係我的角度, 只要高可動, 外型好, 分件好就得. 我對過於無謂的內構係完全無興趣. 一係好似MGEX/PGU咁, 內構都靚到可以display, 如果吾係真係無必要. 所以幾盒超靚內構的MG2.0, 我已經製作成一戴一露. 如果吾打算露, 吾見光我連打磨同噴都懶.
紅白藍黃都係一向的作法. 只係骨就想搞搞小意思. 風靈都算骨頭外露比較多的機體, 用一隻色噴骨有點悶. 我決定了用金屬色, 仲要用2隻色去分件, 其實本身2隻色分別好大, 但砌埋一齊又好似吾太大分別. 今次呢隻銀銀地的金屬色取代本身灰色非常地夾, 是很好的嘗試!
白色 : C107, UG09灰噴陰影
藍色 : UG14藍紫色, 深藍做陰影, 白色高光
紅色 : UG20, UG22噴陰影, 白色高光
黃色 : C58, UG22噴陰影, 白色高光
淺關節 : Modo MX-03
深關節 : GAIA-020
灰 : UG09灰
未出之前睇介紹已經覺得好吸引, 由剪件開始, 已經對盒模型非常有好感. 砌的過程中都非常讚賞簡單的設計又做到高可動. 不過又吾係完全無改善的地方. 首先係把槍, 真係左右2大件夾埋算.....另外個盾個2粒藍色件係插吾實入個盾的. 持槍手無多個位插實, 所以持槍吾實. 最大問題係條腰個粒關節吾係好支撐到成個上半身. 經常自己向後拗. 即管如此, 我仍然對這盒風靈給予極高評價, 簡單易砌, 分件不錯. 真心推介給喜歡水星的模友.
之前訂落的Figurearts Mini係完成FM之前收到. 真係超級可愛, 放埋落FM身邊又好夾. 最重要係吾貴, 好抵玩.
本來預定一星期內KO佢, 不過真係吾得, 一盒1/100用一個星期砌真係有點趕, 你當我真係全職砌模型嗎? 我要返工, 放工又要趕返屋企照顧小朋友, 每日都係得2~3個小時. 呢排寶貝女又病, 夜晚要陪住佢訓, 真係超級吾夠時間.
Full Size Photo link :
https://photos.app.goo.gl/LBmrJfcjKy7VszvB8
#XVX016, #GUNDAM, #FMGundam, #Gunpla, #AERIAL