MG - XXXG-00W0 - Wing Custom Zero EW (KA)
完成了SF之後, 不幸感冒了. 頭暈暈, 不停咳. 每晚食完藥都好眼訓, 結果整個星期的晚上都是8時多就入睡. 這當然令進度極度緩慢. 事實上, 上次的SF整體LIKE數都算係好低, 吾多吾小都有點納悶, 加上病情, 整個人都係無乜心機, 提吾起勁, 自已也都整整一個星期無去工作室.
係製作SF的後期, 已定下了下一隻的目標係抄新出的MB Wing (機械翼, 吾係羽毛版. ), 一直以來都準備好了一盒新的KA版羽毛加舊版KA機械翼去製作. 為左試色, 仲準備好一盒SD先行製作. 其間亦都有睇過HiRM版, 不過說真的, 不太喜歡外型設計, 都係新KA版順眼點. 不過係開始剪件之後, 望住個封面, 又覺得羽毛版都好正, 又心郁郁想整隻羽毛版先. 最後心入面的懶虫戰勝了, 可能等下等下B仔會正式出, 吾駛自己改呢! (以B仔的慣性, 點會出一款吾出另一款?)
說回模型本身, 外甲顏色件的水口的處理真是超一流. 雖然未至於是全部隱藏水口, 不過都有一定數量. 另外水口真係好細, 好多剪完落來已經吾覺眼. 花在打磨的時間吾多. 但是骨方便的材質明顯跟外甲不同, 雖然不是軟膠, 但一定無外甲件咁硬. 打磨也不好做. 最慘係支槍的分模線, 打磨都花了吾小時間不過仍然係處理得吾好, 但整體來說水口方面是非常吾錯.
選色方面, 我放棄了本身Wing好深的藍色, 整個用色偏向淡色. 原件藍色分了兩種藍色, 我個人認為太接近以及太深色. 花了這麼多功夫去做分件, 兩種藍的分別要加大才可以展示出來. 我用了之前RG自護的兩隻藍. 說坦白, 我仍然覺得分別不夠明顯, 不過無心機再噴. 另外, 我個人不喜歡前面裙甲用白, 後面用藍的設定. 我統一為白色. 雙腳則太白了 既然藍色位分得那麼仔細, 為什麼只用一隻白色? 我認為要再加多一點淺灰色及銀色, 感覺其實是在RG化. 不過對這種耍帥的機種來說, 我認為RG化也很適合. 完成了噴塗後, 覺得之前分的灰色位分得不好, 有好多地方又再噴過. 完成之後, 因為白藍紅等件用都係用灰做陰影, 整體是帶灰, 飽和度不足的感覺, 而這也是我想要的效果. 我個人是很滿意這個效果的, 不知道大家意見如何?
白色 Mr. Colour C107
深灰色 Mr. Colour C306
紅色 UG20
藍色 UG14
淺藍色 Mr. Colour C370
鐡色 Modo MX-02
銀色 Mr. Colour SM206
黃色 Mr. Colour C58
關節 UG09
除左主體, 最令我頭痛係對翼點上色. 曾經有很多想法, 最後都係亂來. 細個幾條羽毛當係劍咁, 劍骨一邊灰, 一邊白, 而背面噴淺灰. 噴下噴下, 自己都亂晒,....
我個人給予這盒模型極高評價. 唯一要扣分係對手. 到底係邊個設計換手指? 俾多幾對做型手好貴咩? 換左幾次已經好驚佢爛.....另外如果各位打算上色, 入面幅骨係必需要全上色, 因為跟本不知道有那些位外露. 外甲其實吾係完全覆蓋, 總有小小骨露出來, 設計得極有心思. 總結係只要你吾抗拒羽毛Wing, 都值得入手一玩.
題外話, 隻死神其實我越睇越鍾意. 用金取代黃夾得好好. 不過吾知點解個時出無乜人鐘意. 大家有興趣可去我之前相薄睇下.
Full Size Photo link :
https://photos.app.goo.gl/ptQ42k5duRvMpmVQ8
#WingCustomZeroEW, #GUNDAM, #MGGundam, #Gunpla, #MG, #WingKA
[
本帖最後由 ngszewai 於 2022-6-19 09:05 AM 編輯 ]