我又跟跟風, 開過 AFV 作品回顧 post.
AFV 同兵仔既師兄們, 大家一齊 post 下今年作品, 齊齊回味一下啦.
1/35 四號戰車 Pzkpfw IV (Vorpanzer)
呢架 4 號係因為參加左友譠某個 OOB 活動, 但自己堆積唔多
, 所以就拎左龍記呢架四號出黎砌. 開頭都知道呢架四號開模非常繁鎖, 但係做落就知道真係非常變態. 千多件 injection, 百多件 p/e, oob 同加足補品無乜分別. 唯有自己安慰自己, 二百零蚊有咁多野玩, 點計都係抵既.
好彩最後都完成左自己最喜愛既短炮四號, 效果亦算不差, 細節亦都拍得住加足補品既 afv.
1/35 虎王 Pzkpfw VI (YY 塗裝)
話說由年初蒸饅頭, 蒸到年中都只係攪好個內籠, 真係頂唔順, 只好轉一轉口味, 開架虎王解解悶. 同時間又攪左個齊齊勞動打老虎, 希望多點同好一齊玩 AFV. 多謝各師兄俾面, 最後埋單都有成廿多架貓仔面世. (各位未交貨既兄弟, 追數系統會記住你地既數, 唔好以為走得甩.....
) 開呢架虎王有好大原因係想練下上色, 主要參考左 ADAM WILDER 大師既 color modulation, 希望係底色上面多做功夫. 效果自己算是滿意的, 日後希望可以再大膽一 d, 加強一下變化. 舊化方面亦都係刻意著墨甚輕. 最重要既係.... 唔駛再俾人話我淨係做單色, 我終於噴迷彩喇.....
1/35 雪曼 M4A1 (full interior)
呢件饅頭, 係由 07年開始籌劃, 08年1月1號開工, 最後11月完工, 算係模型歷程中, 無論時間, 金錢, 精神都投入最多既一件作品. 內構一直小弟都非常喜愛, 感覺可以令一件模型有一個完整既感覺. 自從做過老虎, 一號, 同埋三突後, 07年好希望可以用一年時間, 做一架至少自己感到滿意既全內構 AFV. ( 係度, 又要再次感謝曾經幫我買料, 提供資料既兄弟
) 製作期間遇到既問題不大, 反而感覺砌模型既耐性還有不少須要鍛練既地方. 完成作品後, 又發覺無論自己係製作中幾用心, 花幾多時間, 參考幾多資料... 等等, 到最後, 作品又必會帶點缺憾, 呢個似乎係一個定律. 若果呢個遺憾變成推動力, 令你計劃做另一台更用心的作品, 就變成一個循環.
後記 : 近月公司開始多野做, 砌模型時間不多, 可能又有少少壓力關係, 接二連三咁爛尾左三件 AFV, 真係史無前例.
都係時間要抖抖, 09 年重未諗到想做 D 乜. 希望 09 年尾一樣可以開個回顧 POST 啦.
分享
