小裝修
忙了一齊天.
因為細房裝修, 要將自己的珍藏拎出來, 等新櫃安裝之後再放回.
一隻一隻搬出來, PG部份已有10年曆史, 當中的灰塵真係多到呢....... 另外搬運過程中RG Freedom跌左落地, 散左. 雖然無大礙, 可以整番, 不過係維修過程中發現有2條水貼痴左係手. 由於小弟無噴保護油, 所以時間一耐真係會跌落來. 真係吾好再講保護油無用.
新架完成後, 又執一次點放, 執一執都成粒幾鐘. 因為成個架高左, 其實好吾方便去欣賞上架的成品. 另外就係吾夠位. 由於個架薄左, 好難前後放. 結果就係放吾晒. BangDoll頭頂同後面個幾條野, 真係超級空間殺手, 唯有收起我對佢的思念.....將佢收入倉. 左下就係小弟無位放, 準備入倉的成品. 右下個架之後搬番去左邊, 咁成個架最低就留來俾小朋友放書.
因為位置的問題, 我估我吾應該開始MG系列了. 除了手頭上砌左一半個盒, 其他又要賣?
活了半生, 自己的空間真係不斷收小. 我放棄了Hifi, 因為驚小朋友推跌及偷多小小空間俾小朋友玩. 我放棄了固定噴油位, 因為太太吾鐘意聞天拿水同小朋友接觸多都未必好. 我放棄了自己的車, 只留下一架7人俾小朋友用, 因為要慳錢. 我不停在為家庭付出, 減少了自己. 不過當昨晚小朋友回家時, 要我抱抱, 說真的, 什麼都不重要了....
附件: 您所在的用戶組無法下載或查看附件
|