想搵個好D又唔價唔貴既代上色
有冇師兄知邊到有???
THANKS ALL!!!!
因我有白件手辦同MG想整...
THANKS

又想平 又要好 針無兩頭利

自學有成功感.....................

呢度高手如雲,但係多數自娛為主

我都知高手如雲
所以先無從入手
暫時太忙了
未有機會去學

忙唔係問題，攤長黎玩咪得囉!

揾人代工呢家野我都無乜信心....代工與委托嘅鬼故聽唔少

有d代工其實係中間人揾 , 中間人中間食左d agent fee...

收費(當然)無劃一 , 而且各花入各眼 , 同樣嘅野甲覺得超值 , 其他人會覺得係水準之下 ,
夾口唔補 , 勁做甩青了事 , 首辦沙窿未補妥 , 勁做舊化當無事見唔少 , 外行人可以覺得好抵買(因為做多左野....)

尤其有d急起貨 , 夾口(搽左過量膠水)未收縮完 , 交收當日無問題 , 過一排持續收縮成明顯凹線...

你見廚窗果件成品好靚 , 你以為代工果隻一樣 , No ! "因為你事先無話要咁做...."
(要咁做又唔止咁價 ! ) , 你想唔要? , 但你已經俾ed 左一半訂金

有d代工又想做成生意 , 但又唔滿意client壓價 , 背後暗暗一句 : "佢俾10蚊我咪俾返10蚊貨仔佢lor..."
我親耳聽過 行業惡性循還...

有咩問題?? 一分錢一分貨.
佢俾10蚊得返5蚊就pk 姐.
唔係打算茶記價錢要享用5星級酒店享受麻?!

10蚊(or 5蚊)貨真係有得量/秤wo ? 代工佬咁講嘅意思你都知佢點諗/會點做啦

問題係無講清楚 , 結果到時交貨大炒lor... 有人話同厨窗隻唔同  , 有人話你俾得 $ xx係咁嫁啦

但果句野代工佬真係當面同cheapy client或者anyone講重會有呢單野做咩 !

[ 本帖最後由 oj 於 2014-11-18 10:21 PM 編輯 ]

成日都有人入來我舖頭問我地做唔做代工.
我都答冇. 之後亦會講佢聽代工係一分錢一分貨既. 你就算當係最低工資都要時間工錢. 要預左唔平既. 收得你平既自然無咁多野搞到.

我地砌黎自己玩黎砌幾耐都係心甘命抵. 但受得人錢就係工作, 無可能要蝕俾個客.

"超值" --- 呢d係 marketing 既口吻, 邊有咁多xx 隨街跳...
警訊都有教, 賣得太過平既, 都係有可疑, 要小心架啦...

我聽過某小說作家(有人識但又唔係個個識果d)咁講 : "人地俾10蚊稿費你 你就要俾返12蚊貨仔人 , 等人地覺得有着數 , 唔係人地唔會再揾你." 咪就係咁lor !
and / or
有d話唔啱價寧願唔接 , 自己對自己有要求云云 ( 同時費事做衰自己個名 ! ) ,

將價就貨咪就另行業惡性循還.....

不過咁 , 上面都講左 . 真係睇下乜人遇着乜人
又咁講啦 : 收得貴 , 又等餘好咩 ? 有網友講 : "有d根本乜野為之好都未知  , 俾左咁嘅價都話抵.. "

我會咁駁.... 呢位作家當然有佢既道理. 只係, 如果真係"好"work既, 佢應該會好出名先o岩啦.

為咩 一分錢一分貨. 其實係代表 "公平"交易. 我唔會搵你著數, 你亦不會搵我著數.
人會得寸進尺. 你畀得一次著數, 就永遠要畀, 甚至要畀更多. 變成不公平交易.

就好似d公司成日減價... 結果正價時根本無人買, 人地只會等你減, 又或者當你係mark up左.

_________________________
收得貴, 的確未必好. 所以要識選擇.
唔知自己買緊咩既, 又照俾錢, 就係客既問題了.
d iphone 炒得咁貴, 真係"值"咩... well.......

[ 本帖最後由 VampireA 於 2014-11-18 11:34 PM 編輯 ]

其實出面自己搵代工同自己識人做代工 已經唔同啦
手工既野 都係一分錢一分貨
當然你遇到D有心砌模型既代工 係你好運
但如果遇上D又要平又要砌到高質貨 我諗好多代工都唔會接啦
呢個世界雖然錢唔係萬能 但都要做完有回報先有人出手

出唔出名呢 , 好多因素 ,佢起碼識咁講 .. 佢係陳慶嘉 , 小男人周記果個 , 年紀大少少果d人會聴過,
到今日 , 你同樣會睇/聽過佢嘅編劇電影

唔係實體貨 , 呢d service, 我都講左啦 ,一分錢一分貨係無得秤/量嘅 , 我最主要係想講代工條友抱嘅心態係咁 , 唔因為接左order就有心做
唔啱價但又要接單 , 背後又無心做 , 始終只係一件工作, 求求其其又咁交 , 中意加多兩刀又咁交...求求其其可能重好...純為謀財嘅又睇下有無下單生意lor .

你主要講緊價值問題 , 我一直講嘅係人嘅心態...價值 , 唔玩開根本唔知你(或者所有代工)個價點定

简單講啦 : 唔啱價但又要接單 ,惡性循還 , 炒起上黎麻煩自招 , 講左咁耐我其實都係講呢樣野 , 唔想repeat講啦...

點解唔自己動工呢，玩模型係enjoy個 過程。