有時覺得，面對網上一些問問題的朋友，又或回post 的朋友
我們語氣上會不會有點重呢？

當然有時看到好像很無聊或問完又問的確有點氣炸，
但想深一層，對方是什麼人？我是3x 歲的，對web surfing 或模型有點認識
但對方不一定也是3x 歲的人，他/她可能只有1x 歲，對我們習以為常的操作可能都未必熟識
又或可能是一個6x 歲剛退休但重拾砌模型樂趣的老友記
動輒便動以很重的語氣，又是不是有點不太好呢？
若然因此少了一個志趣相投的朋友豈不是模界的損失？

我只是有感而發而已，請不要對號入座

即係"話佢xx 驚佢嬲"

我認我會係好重語氣既人添.
但咁o岩我就剛剛係我fb post 一篇"全班都零分"既新聞.
http://m.ltn.com.tw/news/life/breakingnews/659173
呢段新聞其實同樓主你所講既話題好有關係的.

引用文章尾段:


所以我認為做人, 要硬時要硬得起, 要軟是要軟得起,  要串時要串得起, 被人串時亦要被串得起.
口生係人地度, 佢講乜都得, 自問一下, 是與非自決定.

[ 本帖最後由 VampireA 於 2014-5-13 09:23 PM 編輯 ]

我都有睇到，不過同網上不同的是這個班主任仍然在跟學生互動交流，學生不明所以仍可以問
但在網上我們丟下了一句說話便溜了，而受者也不一定能在這片言隻語之間明白更多意思

教而不善、態度不好的我也認同要硬
然而好些時候只是我們先入為主而已

或許當我們看著沒有表情的文字時，總是將自己反映到對方身上去吧

有時, 邊擔心得咁多架. 人生在世, 隨緣算啦.

@許冠傑_滄海一聲笑 +
http://www.youtube.com/watch?v=0Vmo0LCTkdk

介紹你去ToysDaily, 包你睇化 .

明白樓主的心情.
在這裡回post又時又真是碰上好多網盲, 真是問到自己都無心機答. 問一個地址, 一樣野, 問到真是飯來張口一樣, 真是無奈.
我在不同地方的論壇都遇過d成人串人的人, 又望下呢d人所報的年紀, 發覺串人最多是某一兩個年齡層, 唔知點解
不過有一樣講得好, 如果對方對上網真是識得唔多, 唔識唔奇. D捐友成日對我講上咩網咩網, 又用咩app, 工作都夠忙, 鬼有時間理. 到想理的時候都唔記得佢地講過點樣做.
以前在鋪面打點時我自己見得多小白, 激死都要笑住面對. 諗深一層, 反正對方只是過路人, 佢會走, 何必令自己受氣.

不同人有唔同的技術, 在這裡答post又不是受薪去答. 唔想答就唔答lo, 你有技術又唔多想去share, 甘你上form 串人又用自己時間?
我要skip左唔睇你段串人文字只是半秒, 話知你前文後字幾分鐘睇完打左reply出來.
除非你讀arts, 又或是全職模型師之類, 否則你抱住呢份"技能"又只會在網上對個唔識的人擺出師傳架...估你係魯班先師再世回陽等人拜嘛?

人往往會因為自己對某事某物, 相處太久認識太深,  (尤其工作啦... )  變得冷漠 / 慣性.  到他人提出問題時, 忘記了考慮他人的背景 / 原由, 表現出極不耐煩, "咁簡單都問???", "做咩唔自己上網查????"  一野就車埋黎.... 有時見到, EVEN 對話對象不是自己, HONESTLY,  感覺很難堪.

記得有位老者教貓兒, "若要人似我, 隨非2 個我"~  我們不能就因為自己既能力 / 想法, 去ASSUME 他人同自己係一樣.  呢D 唔係你叻, 而係自以為是.  

而最重既係太多人有種心態 - "上網講野, 唔使本架嘛" ~ 因此留言, 有時, 真的 "好掘"  好難聽, 什至起底, 極盡侮辱能事.  其實咩情合, 平台都好, 始終係 "人同人" 溝通緊, 點解會在網上, 卻忘記了自身應有的禮儀???!!!  

己所不慾, 勿施於人~

[ 本帖最後由 貓兒 於 2014-5-14 09:08 AM 編輯 ]

其實依家模型界就愈來愈少新一代去入坑玩，連問野都比大哥你串串貢搞到唔開心既仲邊有人肯有心入坑接觸 ?
問基本野既，咪 forward 條 link 比佢就完成任務囉....做咩一定要加助語詞去挑剔人姐，唔係人人一出世就識做任何野，能者多勞呀......
眼見依家模型鋪執下一間又一間，00後主流都變左玩手機遊戲時，老一輩係咪應該多 d 幫助新手呢 ?

好老實. 我唔覺有咁既"應該". 因為我冇欠佢地.
生產模型既廠商都未急, 洗到玩家急?!

自問以前都答過唔少技術性既問題. 近一兩年真係唔想答了.
雖然可以講冇人天生為一定識晒所有野. 但當一個人要去求教他人, 就"應該"要有誠懇既態度.
可惜越來越多, 自以為天下人都欠左佢 及 飯來張口 既人.
或者, 可能現時父母連教子女既責任都可以全推向畀老師既"消費者心態"影響啦.
可惜係, "我"冇收過錢. 的的確確冇野會欠佢地.

正如之前講過: 要串時要串得起, 被人串時亦要被串得起.
問人時就串得起, 但被人串時就被串唔起. 衰d講, 死開一邊啦.

再講返去飯來張口. 所謂基本至非常高既技術其實都可以係internet上找到.
早就有人問過, 答過, 分享過. 須要做既, 就只要有心去search.
再唔係百幾蚊一本既nomoken, 超級模型技術講座就基本上答到所有新手問題.
但飯來張口實在方便, 打條問題, 就有人會自動答. 幾好. 洗乜要自然動手去搵.

老一輩學砌模班, 邊有咁多人"教", 邊有internet 去search? 但點解老一輩會有返一定技術?
因為模型技術本身就係要由失敗中反覆嘗試再而功多藝熟既一門"手藝"
問完唔肯試, 要120%成功率. 砌模型邊有d咁事架.
砌模型想件成品"有返咁上下睇頭", 就須要有耐性. 淨係磨件就已經要係耐性既表現了.
唔肯試, 唔肯花時間既, 唔肯自己落手落腳既, 其實亦可以講出, 模型唔會o岩佢.

[ 本帖最後由 VampireA 於 2014-5-14 11:11 AM 編輯 ]

我自己都認識一d朋友, FB傾計可能佢咩都會同你爭辯一下, 但如果出街食飯時又無咩野講.

某程度上網上只係顯示到文字出黎, 因此無法從對方的動作, 眼神, 語氣等去得知佢真正的態度係點. 可能有人問完一樣野, 而答果位只留言: "上 google 查"
可能佢係:
1) X你! 自己上goolge咪搵X到lor...
2) 其實好簡單姐, 自己用goolge一search就得~

我一般都係, 如果有時間就答下, 無時間就唔理佢, 不過就唔會叫人"check 舊post", 因為....講真, 如果咁多舊post佢都唔識搵, 佢o既解決問題的能力應該唔會高得去邊吧....你叫佢自己搵, 佢識就早就搵o左啦....即係講佢都唔明, 最後都解決唔到問題, 所以都係一係唔理, 一係有時間就答下咁啦~

我反而覺得 砌模型要120%完成度 又要求其放左問題就算
其實鬼師兄講得好 模型由摸索 再由錯中得到答案 呢個先係砌模型成長道路
以前我都會回一D無人回既問題TOPIC 因為會員都會多謝你比左意見
而家小砌左模型 就無留意果D TOPIC
其實大家都係人 如果有能力答到問題 已經算係完成問題
亦都希望 各位技術可以傳一代會員傳下一代 不致模型技術失傳

小弟不材. 路過搭訕幾句...
1. 同意冇人欠佢地, 但係同時壇主亦冇欠我地要比個平台咁多同好吹水同分享. 唔係樣樣野都要咁計邊個欠邊個, 有人問時有人答, 係SHARE, 唔係因為欠, 所以要"還" . 既然冇欠人, 就更加唔需要去"教訓"人, 袋錢入佢袋.
2. 同意有心可以去INTERNET SEARCH或買本書. 如果大家都係咁諗, 咁不如摺左"模人問,模人答"同技術交流區, 因為好快會變成"模人問,無人答". 再者,既然咁多野INTERNET可以搵到, GOOGLE又有TRANSLATE,咁連最新情報都可以摺埋啦, 有心搵梗係搵日本/外國網啦.
3. 問,除左係要答案外, 亦係結交同好嘅過程. 討論區嘅其中一個目的咪係結交同好囉. "討論區"咪"討論"囉,點解要去到"串唔串得起"? 道不同/串串貢/唔想答嘅嘅,咪無視,唔答囉,RIGHT?
4. 同意技術本身就係要由失敗中反覆嘗試再而功多藝熟既一門"手藝". 但係我地又點知係咪個個都"問完唔肯試"?問, 有時只係想搵一個方向,唔想一頭撞埋牆姐 (呢點有D離題,唔多講了)

以上只係小弟所見,並非(亦冇意圖)針對任何人

我認同你話從錯誤中學習，但我地前人果批都中左伏啦，提醒一下新人咁做會中伏都不為過呀.....
無錯有 d 人問人野係會無禮貌無家教，但唔係全部都咁，大陸人都有分受過教育同冇受過教育
次次問問題都比人串，當你第一日返工時都唔會識做哂所有野，都要有前人教路後人延續

中伏亦未必係壞事來. 未失敗過又點知成功既寶貴.
亦咁睇, 真係有禮貌而又畀人串既, 真係好少發生.
有時做人, 真係要自問一下. 點會"次次"都畀人串呢.
我上面已講過, "自問一下, 是與非自決定". 自己覺得真係冇問題既, 有洗乜理會人地既不友善呢? (當然, 近年非常自我中心既年青人實在很多, 就算自問完亦不會反省)

如果講返工既仲死, 唔係太子爺, 皇馬掛既, 而做亞四既, 畀人串就更加要預左. 遇到個好心既同事先係執到還得神落.

冇話不唔不材, 各表愚見姐.

你講不如摺左"模人問,模人答"同技術交流區.
well, join 左咁多年, 真係覺得近呢兩三年技術區既"質素"下降左, 問題既質素, 答題既質素都下降左. 主要都係重複一d非常基本既野, 一係就根本未到果個技術階段, 大想頭. (如, 滲線要開幾稀? 噴筆都未識用就去問點噴電鍍色)
有時真係可以叫月經問題. 過一排又問.
而真係一d 有"研究性質", 有得"討論"既問題越來越少見.

反而, 係一d 面對面既 gathering, 好似 真人show, 版聚 反而會多呢d 討論.
可能, 要獨隻字打出來的確係幾用時間, 面對面口講的確會快&簡單好多.

其實叫得"交流", 即係要有互動. 如果見到有人就咁問:" 點補夾口? THX"
有時真係唔知點答佢, 因為根本都唔知佢本身知道/熟識幾多. 而且其實佢將呢幾隻字直接打落google度, 頭一頁已經勁多答案了. 咁又洗乜問人?

反而打多幾隻字, 講清楚係咩問題, 有咩唔明, 等人起碼都知佢去到邊個困難位, 答都易答d.

另外有時見到有d人問完野, 唔夠10分鐘又"推", 推幾次都無人回...如果係咁急, 不如直接用google試下先? 另外依家iphone都有siri, 用口問連字都唔洗打啦...

既然各舒己見, 借一本小書, 由恆生銀行的創辦人何善衡寫的<<閱世淺談>>第7章:


這裡不是商場, 又不是戰場.
這裡沒有一定領域, 也沒有一定領袖.
唔明白點解有人被迫將自己冠上"領袖"角色/位置, 並要在技術上孤寒. 也不太明白時至今日有人將套撞板論合理化.

到底問方有無在問完之後去試? 呢個係問方的個人問題了, 如果答的仲要去考究, 係唔係多事?  
上google 望下, 外國壇都是不停被人問, 又是不停答一樣的問題. 不過又依然有人答. 點解? 我唔知.

問的方式不好, 你就叫去找舊貼, 找google.  得, 用keyword search, 走出一大堆information, 好了既然如此, 又點解要返來?  你唔理我, 我又何必回去理班我都唔識的不明人士?
另外人地找模型資料用google search 的同時候, 你在這裡講過叫人用google的文字全部都可以由google找出來, 我係新人叫你呢度甘的樣, 點叫我加入?
最後根本只是一場倒米的惡性cycle, 最後又被人暗地裡話有人搞小圈子.

不如甘了, 叫壇主close左個壇, 換成一個登成品的地方, 間中更新下d相,
technique/skills 方面就開一頁, 有心的人就去投稿, 就一定唔使花時間去叫新人刻意找. 好似外國本Fine Scale Modeler, ModellFan 一樣.
又或者想留下個壇, 做少少建設性的就是自己打定 standard answer, 一見問就copy and paste, 惜時若金的你一定好做又得體.  
甘樣"康概"的形象好睇, 無話欠, 無話應該, 無話應份; 讀者悅目, "施"者又唔再須要被迫擺出自己都唔鐘意唔明白但又偏要做的副師傅相,
大家甘樣都叫有d交流, 唔知大家又點睇?

同意上面師兄講叫得"交流", 即係要有互動，
但係使唔使去到串唔串得起到

呢到嘅師兄的確係冇收過錢的的確確冇野會欠佢地
嘅然係咁又使唔使教埋佢地做人

唔鐘意睇咪當睇唔到，係要串返人幾句先走人
呢到說到底都只係一個模型論壇，
係個技術交流區就預左有人會問問題
唔係話唔撞板學唔到嘢呢個講法唔啱
但係有嘢唔識問下又有幾出奇？

老實講依家google有咩係查唔到，有咩係之前冇人係網上討論過
要搵，識搵，會搵一定搵到
但係咁多位大師既然有時間咁上心走去串人
點解唔簡單答人幾句？
再唔係都係嗰句，唔鐘意咪唔好click入黎

究竟係邊個串唔起，真係唔知

我都覺得 其實一D模型新手問既問題 雖然有好多重覆或問完又換另一個問
但既然都開左POST 點解唔正面D 答佢
好過開POST叫人SEARCH 浪費大家時間
其實唔想教人 可以連POST都唔開 TOPIC都唔睇
新人新手其實都會有呢個過渡期
今日佢得唔到幫助
日後都會學某D大師咁
呢個係惡性循環~對呢個論壇有壞影響