第二次幫襯就發生以下經歷.(我只係講出經歷 , 沒有任何抹黑某模型鋪)

早前係福X facebook見到1/35 FF-X7 Core Fighter賣$29X , 於是前日5月2號星期五買咗(俾錢個時無開盒check) . 返到屋企就開盒素組 , 點知砌到一半發現有爛件 / 凹件. 到星期六我打電話落去問有爛件 / 凹件 . 可唔可以換 ? 對方叫我落去鋪頭俾瑞華行嘅換件資料我 , 叫我同瑞華行換 . OK ! 無問題.

落到去對方就叫我影低資料(註1.) , 瑞華行換件其中一項條款係 : 包裝盒上的安全標籤和BANDAI HONG KONG雷射貼紙相片

剛剛出面落緊大雨 , 唯有食支煙等細雨啲先行 . 食完煙我行返入去問對方咩係包裝盒上的安全標籤和BANDAI HONG KONG雷射貼紙相片 . 對方攞起我盒模型幫我睇下有無 , 都係搵唔到 . 然後對方問我邊件零件有問題 , 寫低零件編號 , 我電話同姓名 , 話會覆返我 , OK ! 無問題 . 走前我重買咗支消光噴罐.

返到屋企諗住跟足步驟去準備換件 . 真真正正問題出現 . 原來我盒模型係無瑞華行代理貼紙 , 我發現代理係發利隆 . 跟手我再打返落福X講盒模型係發利隆代理 , 重可唔可以換 ? 對方都係話會覆我 . OK , 我等你電話.


P.S.福X負責人如果見到呢編帖子 , 請盡快解決問題
---------------------------------------------------------------------------------------------------------------------------------------------------
1, 請問各模友咩係包裝盒上的安全標籤和BANDAI HONG KONG雷射貼紙相片 ?
2, 有問題零件(爛件 / 凹件)見以下兩圖


---------------------------------------------------------------------------------------------------------------------------------------------------
(註1.)
BANDAI Tamashii 收藏玩具系列產品行貨換件/補件程序】

如果客人需要就購買的港澳行貨新品有缺件，部件損壞等問題需要進行補件，根據BANDAI的規定，
客人必須先提供相關資料以証明購買之產品是瑞華行代理的港澳行貨。購買地點必須為已於瑞華行
登記取貨之零售商，方接受申請。另外任何來歷不明的二手買賣或任何有問題的次貨均不予受理。
另外客人必須於購買該產品後１４日內提出申請。

步驟 1:
客人可先登入瑞華行網頁(www.danielco.com.hk) 內Tamashii收藏玩具的專頁。再填寫Tamashii
行貨換件/補件的申請表格並依指示附上相關圖片以作核對:

1.附有店舖蓋印的購物單據(必須能顯示購買店舖)相片
2.包裝盒上的安全標籤和BANDAI HONG KONG雷射貼紙相片
3.有問題的部件相片

請注意：只接受以電郵申請，恕不接受電話或直接到寫字樓提出申請。
審核時間一般需要3個工作天時間:

步驟 2:
待我 司核對完成後會以先以電郵通知客人將有問題的部件放回 購買的店舖 並授予一個參考編號。
我 司會派代表前往領取該部件，並由BANDAI HONG KONG進行核實，如因生產時引起的問題會
安排替換；視乎零件情況，過程大約需時１－２個月左右。

步驟3:
瑞華行作為港澳地區代理，會協助跟進零件更換申請及協調零售商與BANDAI HONG KONG之中間
角色，惟並沒有零件庫存供直接更換。 由BANDAI HONG KONG替換或補回的零件將放回購買的店舖
並以電郵通知客人前往店舖取回部件。



注1. 有關的個人資料只用於聯絡和紀錄該換件申請
注2. 瑞華行BANDAI的港澳地區代理代理商，其他地區的貨品如有任何問題並不屬我 司負責範圍，
        請與該地區BANDAI寫字樓或代理商聯繫。
注3. BANDAI Tamashii 收藏玩具乃玩具產品，以一般BANDAI廠方處理相關玩具產品質素為準則，
        換回的零件的品質方面以沒有表面傷痕和結構問題為準則。個人的主觀觀點與角度並再三提出替換
        跟進，並不能受理請予理解。
注4. 由於瑞華行並沒有與顧客直接交易及提供服務，如對要求退貨退錢或其他查詢，請直接予零售商
        接洽以獲得合理之售後服務。
注5. 上述換件服務只適用於產品正式推出的首一年內，基於產品週期及零件庫存，此服務並不適用於
        過後之時間。
注6. 任何查詢請附上參考編號，並以電郵形式進行。我 司聯繫BANDAI HONG KONG後三個工作天內
        會予以回覆。

大佬你個盒係BANDAI模型
BANDAI Tamashii 係
http://www.tamashii.hk/newsite/tamashiiNation.php?id=CTOYS
BANDAI HONG KONG雷射貼紙(激光防伪标签):
http://www.78dm.net/03renwu/banben.htm

BTW
從Bandai JP 成功補件流程
http://www.hkml.net/Discuz/viewt ... 5960&highlight=

何不貼上FB要求跟進?

資料係對方福X俾我嘅

如果呢兩日對方無回覆我解決問題 , 會貼上FB要求跟進

好老實. 你應該直接搵 發利隆 解決問題.

提供售後服務係 做代理既發利隆.

模型唔係手機電器, 冇7日包換. 就算係手機電器, 過左7日都係搵代理解決, 而唔係搵店鋪.

[ 本帖最後由 VampireA 於 2014-5-4 10:09 PM 編輯 ]

我最後先知發利隆係代理   
依家福X話會同我跟進.
我自己都有sent e-mail去發利隆問, 亦都準備send e-mail去bandai問下有無得補.
其實我都無乜所謂, 如果有散件買, 俾少少錢補返都得.
最緊要解決問題

[ 本帖最後由 ketamine 於 2014-5-4 10:52 PM 編輯 ]

如果你響佢FB出POST, 你預定更激氣先好...你睇吓其他人佢FB出POST佢果個標準回覆....

今日福X覆咗我，話要睇下發利隆可唔可以換

水貨, 凍過水
行貨瑞記係叫日本bandai 生產返果件件俾你
水貨商我相信無咁嘅售後服務

發利隆唔係一般水貨商，佢要補一定補到俾你，問題係佢願唔願意提供呢個服務啫。

我自己都有sent e-mail去發利隆問, 但係重未覆我.
依家睇福X同佢地傾成點.

我試過蒸粉買盒MG，返屋企砌砌吓發現有縮件，拎返落舖，即換。

事實上不只福X, 有不少模型店都是發行隆貨, 也有水貨滲行貨,
除左發行隆, 也有沒有門市的行批發在賣bandai貨. 所以有時候取回賣的店是必需的.

唔好話我踏人或者抹黑, 我見過發行隆的貼紙被發到各大小的模型店由職員貼.
在WC偉行見過, 也有在英明未搬前都見過, 好奇下一問, 張貼紙是給職員貼上樽油, 又有時貼上盒模型.
換句話說, 有機會你盒野是不是真的由發利隆出都無人知.

講真少少, 心底又清的話, 香港不少模型店第一水貨邊有甘多,
福X次次都多過人, FB上可見其數量多過一間鋪的空間,
如果唔走走水貨兼順手批少少出信和 (我估),  下下只是由瑞記批俾甘多貨佢, 其他模型店唔插佢至奇?

發行隆都算係行, 卻不是直接的bandai代理, 佢地主理雙星, fujimi, italeri...笨大是半做,
上發行隆的網可以check到佢地有無翻過, http://www.fllltd.com/English/index.asp
以前我有盒fujimi車買左之後少了小貼, 因為是在SSP兆利隆買的 (兆利隆 => 發利隆門市), 所以佢都肯補.

問題是如果佢地check到你盒 1/35 FF-X7 Core Fighter原來佢地無批過俾福X, 佢地有理由唔幫你.
不過要迫發利隆食dead cat都好易, 找張陳年貨單充下??

不過好好笑是...福X自己賣發利隆貨, 就隨便找張瑞華行的條例出來應酬
自己唔賣行貨, 仲取張行貨的條例出來, 好彩樓主發覺加公開, 先知問題一重又一重, 不然福X又過骨.

[ 本帖最後由 kl122002 於 2014-5-8 08:05 AM 編輯 ]

我諗好多模友都同我一樣, 好少買完模型會check件. 由其係有聲譽嘅模型鋪或生產商.
最多只係開下盒望兩眼, 數下夠唔夠版數. 唔會逐件件check. 返到屋企就開袋砌.

唉....咁就中招!

開頭我一直以為都係行貨, 點知原來係發利隆.

最後忠告各模友, 就算唔當場check, 返到屋企都要用少少時間check.

p.s.福x希望貴公司盡快回覆解決問題

我以前試過即場開盒check, 不過被人話:
1. 店方: 要俾錢先
2. 店方: 你唔好阻住
3. (唔出聲) 借突然搬貨推我去角落
當然上述不只是一間模型店的事了.

好似PG, sazabi甘多件的, 有時我都知點check好, 唯有靠張單.
唉, 都係一句,買模型好講運氣

好好彩, 元朗幾間都冇問題, 特別係卓0會主動開盒幫你CHECK埋

所以我都話就算當場唔check，反到屋企一定要check
我以後都會咁做

點都好一定要當場check, 上年幫老世買D9R, 因為件多, 又有d凹凸件, 打死都要check
結果被人望到一面灰都要一份份check, 最後被我發現盒1:35的D9R少左一塊履帶件,
店方即時黑面變青面

唔好以為回家後check就ok, 一出事佢地可以話你在家跌左都唔知.
除非你同店方好熟 , 而店方又是好人, 好似X田大大間, 老世拍曬心口
如果唔係打死都要check

[ 本帖最後由 kl122002 於 2014-5-7 08:53 PM 編輯 ]