失蹤左甘耐, 真是好耐人尋味
http://hk.news.yahoo.com/world/malaysia/
今日的yahoo新聞話最後到話是在馬六甲 (?)
http://hk.news.yahoo.com/%E9%A6% ... 4%B2-223017287.html

真是騎呢到...
http://hk.news.yahoo.com/%E9%A6% ... 3%9B-142100325.html
"


"

美軍應該截到啲通訊 不過收埋慢慢用

我自己認為，應該唔係空中解體，不然會周海都係碎片。

個人推測，會係因為某D原因，急速失去控制/動力(所以求救唔切)，直插入海，所以海面連屍都無。

O吾通又賴外星人或百慕達三角?

一係就係超越人智嘅原因(外星人,鬼怪之類)
唔係就只可能係軍方(唔小心)搞出嚟嘅.
今時今日嘅技術,要令到一架機連求救都無時間嘅一般性意外幾乎唔可能存在.
空中解體又好撞山又好插海都好,都唔係秒速瞬發亦唔會快到係幾秒鐘之內可以完成整個過程
唯有軍方武器(誤射又好實驗意外又好)之類先會咁有針對性.

以今時今日既科技正常情況下甘大架飛機我真唔信搵左甘多日都搵唔到~
飛機控制塔既雷達紀錄點會無飛機最後信號既位置?
重要話收唔到機師既求救信號 , 多國協尋幾日都無收獲
一係誇張D好似有人話俾流星擊中比飛彈更具威力，能將飛機擊成微小碎片一切化成光
一係俾人切斷通訊收埋左/扣留左

支持, 當有人見過一架飛機對翼可以"咬"到既彎,就會知係冇可能突然直插入水
衰極都好過一架    紙飛機, 而係唔會直插既前提, 一撞水當然就會爛~

咁當然,佢係低空插水唔爛都唔係冇可能~

甘大架機好難會直插冇水花之後又吾會上返來這架是大飛機來的

其實2009年法航事件都係出事之後2星期先搵到飛機位置 (仲要係因為d屍體開始浮上水先見到), 再多2年先拎返黑盒出來, 所以我又唔覺係神秘到關什麼UFO事呀.

始終機械o既野, 再仔細的檢查都有可能出現問題, 所以我估計是機件問題 (例如完全失去動力/ 電?) 如果無電咁當然無法求救. 而且失去動力, 架機又咁重, 未必可以安全滑翔, 所以成架跌落海都唔定. 所以先無太多的碎片在海面上.

當然我都唔想真係出事, 希望佢地只係降落o左某個小島又聯絡唔到人啦...

我第一樣諗到的東西: LOST   
事實上大馬會唔會有資料無向外公佈?  然後造假的擾亂視聽?

[ 本帖最後由 kl122002 於 2014-3-13 08:15 AM 編輯 ]

性質唔同,機係要好耐先搵到,但唔係唔知道出咗事或者唔知出咩事.係收得到救求通訊嘅.

家下完全係一瞬間消失.
然後有關架飛機所有線索都會係發現幾粒鐘之後話搞錯,
而且啲消息頗為九唔撘八,啲油污一時東一時西
任何漁民或者機上客人見到嘅殘骸都話無關,
發現架救生艇又咁啱係打撈時沉入海裡面.
架機最後通訊話進入越南,咁咩事又會穿越馬六甲海峽?仲話可能去咗印度嗰頭叫人吔政府幫手搵?!
根本就係有人亂咁手指指,但求令人四圍走疲於奔命,無法子有效查證,等時間去掩藏真相,或者直情係爭取時間去毀屍滅跡.

777係有好多後備發電機gai, 有 backup generator, 有 auxiliary power unit, 有 Ram Air Turbine 仲有battery 所以無電嘅機會率好細. 而777就算要滑翔都可以翔到50海哩，大概90幾公里到的.

俾外星人擄走係最冇可能既原因, 卻又係最合理解釋所有事既原因......始終機上二百幾人, 牽涉三四百個家庭, 如果真係外星人, 都仲有萬份一希望可以返黎。宜家二百幾人突然在空氣中被失踪, 對於其家人, 真係比自己死更難受

我都好意!!馬拉佬一定好多嘢隱瞞.

求救機會都無一定係大爆炸.

http://www.youtube.com/watch?v=y9WgC4OijPA

甘一定有碎片的wo

以我所知雷達"顯示"係要飛機主動發出signal的, 等於架機會一直發出"我係AB1234"咁雷達就會顯示"AB1234", 如果出事, eg全機無電, 咁就發唔到signal, 就算雷達探測到都唔知果部是否"AB1234"咁啦. 而且如果無電, 電子通訊無法運作, 咁佢地點求救都無人收到. 而且佢地係根據佢失去聯絡的地點做reference, 可能根本呢個點已經係錯, 出事地點同佢地搜索有好大距離, 所以先搵唔到.

其實我都覺得消息好混亂, 一時一樣咁. 不過都明白, 可能d野不嬲都係海度, 只不過出了意外, 多o左人留意先搵到咁多野. 而且相信大家都想盡快有消息, 所以有少少頭緒都講o左出來, 等大家去睇先... 無論如何, 生死都好, 希望快d搵到架機啦.

我都係估計, 始終再多backup都有出事的機會, 所以先話"可能". 當然我唔係專家, 只係估計. 相信要搵返黑盒先知咩事啦.

就算d發電機全部都用唔到，都仲有後備電池最少用到十五分鐘，用來發個求救訊號時間綽綽有餘。再唔係係左邊第二道門上邊有個Emergency Locator Transmitter (ELT) 可以由駕駛倉啟動。如果ELT 感應到飛機減速得好快就會自動啟動，係 121.5MHz, 243MHz, 同埋 406MHz 到發出求救訊號 大概維持四十八小時到。

除非被飛彈炸到變灰啦，不過個炸彈都要好勁，原子彈炸完之後，都起碼可以見到大廈d 骨架，都未完全變成灰。