現以改名為 智高模型閣
                     觀塘輔仁街10-12號輔成樓閣樓c室
                     tel:23431668

support

希望會有更多新既模型店出現!

冇性趣去，貴到嘔！

借屍還魂?

昨天上過去，地方大左，四四方方一間鋪，中間有三行架，感覺都OK好行。

價錢就......平左DD既，我估佢之前十算果時入左好多貨去唔切而家蟹左，想減都減唔到。

有郡士、孖星同SPARMAX噴筆賣，PS289同PS270都有，不過價錢就偏高。另外有SPARMAX同孖星泵賣，SPARMAX明顯係新貨來的。

油方面有難得一見既郡士水性，印想中好似唔見有GAIA。(買GAIA上鴻發吧)

OVERALL感覺好過以前好多好多，不過都係果句，比較難找，建議佢攞D貨上Y拍賣搞下知名度。(平小小當賣廣告，鴻發都係0甘啦)

well, 先排佢搬之前既"減價"太假了. d價根本就唔係減過. 呢個負面感覺太強了.
你唔想減既, 冇問題. 不過唔好借畀人拆樓話減價鑼. 話減而只係mark up 再減我唔多接受到.
所以行左幾次都冇買過野.
當然, 佢點做生意, 用咩手法係佢既自由. 佢都仲係明買明賣. 唔可以叫奸商.
但我亦可以對佢既生意手法作出我既個人感覺.


行開雖然都會入去睇下. 不過會睇清楚個價係唔係有著數先了.
而又咁講, 東區果邊的確又唔係咁多模型舖既. 唔想下下出旺角既, 都係多一間好過少一間既.

[ 本帖最後由 VampireA 於 2014-2-7 03:00 PM 編輯 ]

佢d野唔賣得貴,否則會比人笑"智高價"

只有入世未深嘅模友先信佢比人迫害。
你食水深，我可以唔買，你有成本考慮，我有荷包考慮，各人自由。
最憎D人扮可憐，鼓動D愚勇之仕，幫自己抅爛腳。

[ 本帖最後由 wolfe 於 2014-2-7 04:24 PM 編輯 ]

說實在小弟係官塘友,官塘偉利由細果個陪伴我成長,論價錢一定比旺角其他地方無得比,
不過論模型種類一定其他地方多,以前舊老細真係咩模型都會入(以前聽過連佢個仔都話佢咩都入死貨都照入 )
Revell,長谷川,富士美,雙星,壽屋,青島,ICM,Bandai,雙鑽,小號手,hobbyboss,Roden....
所以有時發現一D舊模/搵左好耐既模型就算明知貴都會入因為出面一定搵唔到....
而且舊鋪以前果重被模型包圍既格局及包羅萬有既模型就算唔買入去行下都係一種享受
新鋪就未去過~聽日就去行下先

[ 本帖最後由 密斯威爾 於 2014-2-7 05:26 PM 編輯 ]

GAIA在收銀櫃後面. 要問先由後面取出. 我都是問問下先知佢有得賣.
ICM好少, Italeri 都少.
我最想是Italeri / Revell多d貨.

其實在KT偉利close之前間智高已開左, 看看我在情報區的舊貼:(http://www.hkml.net/Discuz/viewt ... &extra=page%3D1)

我去左智高好多次, 由KT偉利未結束, 剛結束時太子女忙到重新打價忙到半死, 至現在先正常少少.
講真, 如果被我看見舊老世在櫃台一定打死以後唔理佢.
家陣轉左太子女, 聊了數次, 感覺到太子女係有心做好間鋪.

十算, 八算, 間間都會有. 用X佳/X康式的加價轉label再打減價的店比比皆是, 莫說還有人用十算都叫開倉  
家家生意有難度. 我地係買家預左要受, 受幾多唔受幾多, 大家有把尺沒法子一下度盡
所以買左就算了.


被包圍的感覺在MK偉利都可以找到, 只是好多時候都迫得過份....

===============

以我知太子女一家未知呢度, 個帖....是真心還是別有用意呢?
似乎模型店未在價格上對打之前, 網上已有一班人提早開仗.
我感覺到這年的模型似乎會是很有趣的一年.

[ 本帖最後由 kl122002 於 2014-2-7 07:52 PM 編輯 ]

我咁多年從來未去過KT偉利，所以冇得評價，反而一個月前因去果頭工作，專登揾吓新店逛，因為之前睇太多負面資訊，都預咗係反斗價，唔諗住會消費，點知睇睇吓竟然俾我執到兩件絶版嘢，雖然價錢都算高(一架300yen夏羅古配角艦賣$38，一部V高逹奸角MS一千yen賣$78)但我覺得值，所以都唔算白去。
不過太子女似乎對模型系列所知不多，因為佢本來好好心話攞過隻新o既俾我，點知原來佢一直以為呢隻係高逹或大和號角色，摷咗一大輪先好抱歉咁同我say sorry話得返最後一隻，我其實一直都冇主動要求攞過副，因為果副都係直晒角，但佢咁o既服務態度我又幾欣賞噃

太多負面資訊都係"人愛圍"佢伯爺果間姐 , 亞女做坐館呢間我去過一次 ,
價$唔似KT 偉狸咁..

KT 偉狸未消失前 , 呢間開業已經叫至膠 , 有d貨係偉狸過去就真嘅 , 亦好合理

唔知仲有無n年前果啲模型？

佢係將舊鋪啲野，搬返過去再重新標價

揾日都去望下打個轉先

老實講，如果 now zone 佬係度，
就真係提唔起興趣去

以前我都喺九龍人，八九十年代幫親最多， 每星期都去睇嘢&買嘢，hobby japan 每月例入，我D 搖控車
tamiya , kyosho,  ko propo ,大部份喺偉利買， 還有田宮1/24 , 1/12 ,bandai HG MG PG, 好多好多，，，，，可惜肥佬去咗旺角&大老品去咗灣仔後， 真喺小咗幫親。 大家都知咩原因啦！！其實時代唔同咗，我覺得現在玩模型人少咗，又要砌又噴油，D 人寧願買成品玩具，你看現在手辦舖有幾多間呀？？我有隻1/100 gp03似前都喺觀塘現代模型買，當時要$700. 時至今日生意難做，舖頭買少見少無奈。 偉利結業前我特登帶個仔去睇睇。現在有間新舖喺好事，有時間去look look.  有平嘢就更加good.

舊偉利搬野過去時, 有好幾日連門口都入唔到. 同時大家都知舊偉行個價幾咩....  ...

成間鋪得太子女一個人坐陣, 有時又要陪客吹水, 搞到好多盒野都仲未改好價.
我見到有d客想買野, 太子女發覺自己電腦無record, 日日要用計數機計數
因此留意下d 價錢label. D價一日未準, 一日有得講價?

我今日得閒，等我去睇睇先，希望吾好太貴

智高模型閣 的官方FB:
https://www.facebook.com/pages/C ... 9736012?ref=profile

另一個( 唔明點解佢有兩個acct, 不過又同步wo?? )
https://www.facebook.com/chicohobby

-------

今日上過去,
多左d Italeri 的少少貨, 有架似是最新的白色benz 貨車頭
仲有少少星星新翻的.
今次佢地RG gundam做9折, 兩盒再95折. 我之前在MK買左, 家下見人玩d甘樣的野....

[ 本帖最後由 kl122002 於 2014-2-17 07:17 PM 編輯 ]