話說小弟上Y拍睇下有咩買,
見到有隻"BANDAI 1/48 GUNDAM上色完成品" (佢標題係咁寫的) 有興趣,
跟住小弟就問佢「請問有無落膠水的?」
佢答我「呢隻係冇雖用膠水，請大家癈話免問要就落bid」

我第一時間覺得可能我問得唔好,
令佢以為我問 "件模型需唔需要用膠水",
但都唔使加句 "癈話免問" ,
我覺得佢勁無禮貌,
即刻唔想同佢買.

整件事, 我其實只想問清楚先落bid,
因為佢只寫了交收細節和 "貨品如圖實物",
我就咁睇圖真係唔知佢有無落膠水造無逢(因為有D位見有逢, 有D位又無),
到最後俾佢惡言相向, 無奈...

問"有無落膠水"會理解為"使唔使落膠水"
賣家應該都唔係砌開模型咖啦

Y拍有多人都冇咩禮貌,我成問野,有好多人都係唔回應我d問題,一係就罵我.
一見到呢d人真係幾想要件野我都唔會bid

如果係新手, 無人怪佢,
如果係無禮貌既新手, 就好有問題.

唔回應都好D, 特登回應來串人就好有問題.

其實係現在呢個年代好多人都無禮貌又懶, 問問題又問得白痴.

例如:
1, 係咪100%真貨? 玩嘢吖, 唔通80%真, 20%假
2, 巴士站係邊? 邊個巴士站吖, 一條街已經有幾個巴士站. 連自想去邊搭咩車都唔知.
廢人, 自己上巴士網查啦, 依家上網咁方便.

[ 本帖最後由 ketamine 於 2013-2-2 01:02 PM 編輯 ]

呢個應該係90後嘅年青人, 要怪就怪佢屋企人無家教

師兄打咁大段野上來，大可以同時打多個新問題比佢
例：

冇膠水點完成呀？咪玩啦
ＢＩＤ左發現你痴膠左，係唔係可以唔要先？　咪玩啦
ｅｔｃ

睇佢點回再比大家笑下都好嘛

如果係自己鍾意既都會一句話大打折扣唔會買
為左D咁既賣家 最好都係唔幫佢買野

啱啱先同間叫乜春: "丁0當" 交收完 , 12小時內留晒tel,  , 回埋佢d "交易題示"幾時交收
結果上到去無開門 call 佢先至黎話是日休息 , 第二句就話我可以取消

我話下星期先再黎 , 佢話唔留貨 , "幾廿蚊野..." , 叫我過兩日再去...
講多兩講佢死死地氣返上開舖俾我 (原來佢係附近)
又cut 我線 , 交收果刻仲放兩把八斬刀0係枱 態度更加唔使講

原先都奇怪點解冇乜人必 , 佢d鄰舗話 : "我唔識佢 !!"

[ 本帖最後由 oj 於 2013-2-2 05:00 PM 編輯 ]

唔需要用膠水 因應情況亦可以落/唔落膠水 , 乜癈話免問 ?

y拍咁答人, 倒自己米姐. 呢d自作業, 未右佢地自己開心夠佢 lor.   唔姐唔開心喎

呢個世界有好多冇喱頭人士~~~~ 有次我賣野講明"盒有殘" , 係一個盒角摷左我話都唔係好殘.....
交收果時條友話個盒都唔係少殘... 我回應入面D件冇事,自玩冇問題,
佢即時話"自己玩就OK,送比人就唔得LOR"....我心諗你送比人就唔好買寫明盒殘D野LA......
好彩果條友都有品要盒野

"我心諗你送比人就唔好買寫明盒殘D野LA....."
exactly. 自己想要乜唔去諗清楚就去怪責人. 純粹就係唔負責任既人既表現.

好同意,可能自己無咩潛質做大商家,做買賣真係睇開唔開心會重於錢

例如前排賣番D音響野出去,有個無厘頭既人又殺價,又扮可憐無錢,到約交收時又話要HOLD要諗一諗,最後音訊全無,唔岩咪出聲囉

當然我都無打算HOLD俾佢,就算佢出多幾百都唔打算賣俾佢,無謂令自己承受風險

好在最後賣左俾位幾nice既人,交易完都可以吹兩咀

我遇過一個交收完打返俾我話都係唔啱心水要退返俾我 , 仲話乜唔係1/35咩? 咁細隻嘅, 同我描述唔一樣!
我寫明係1/48, 佢自己買又唔睇清楚. 我覺得其實係佢買完唔鍾意揾籍口退返俾我.真係好cheap.   
好在有其他人要, 如果唔係我一定唔會退.

退貨....真係無奇不有

樓主你個問題又係9唔搭8左D，講真香港地，玩得高達模型既人仲有幾多 ? 而當中又有幾多人知道認真砌既話要落膠水補夾口?

而最最最關鍵，2013年既今日，仲有邊D人知道其實高達模型係80年代出果時已經要求玩家落膠水補左右夾呢 ?

根本個賣家反過黎心諗，你都痴X線既，乜砌高達要膠水既咩??

(利申，我十幾年前齋啪已經開始用膠水)

YAHOO拍賣我7-8年前開始玩，成日都見到有人問「請問有冇落膠水」，

我即時心諗，頂，放得素組模型既，都唔係真係識砌模型，比較適合打online果班「素人」啦 ...... 落乜野膠水 ...

唔問, 出到來素組又真係落左膠水,咪又係食自己

好難話"有冇落膠水" 係唔相關問題