要keep住團火!
這數天很冷. 冷得令人沒有力量再去砌模型. 有數晚也是半夜小朋友睡了, 自己起身準備砌模型, 不過很冷, 手指有點彊, 於是又回去睡了.
就這樣, 好像休息了一整個星期. 上一次應是一星期前砌到半夜3點的香檳金KOG. 說真的, KOG真的是金黃一點比較漂亮. 其實今隻係好多方面都大有進步, 如補夾口, 水貼, Top coat等等. 但由於香檳金真的不十分吸引, 總是拖拖拉拉, 沒勁去完成. 基本上, 差白色手油, 一對手的組裝, 滲線, 水貼等, 主要顏色是已經噴好了的. 完全組裝後, 只要噴埋top coat就大功告成.
這個星期, 沒有砌, 不過繼續買. 沒有再買五星, 因為沒什麼好買. 反而走去買Macross, 買SD. 其實都已經沒什麼好買. 不過就像毒癮一樣, 不停睇, 不停買. 我個人來說, 很喜歡RG的size, 於是見Wave 的Macross 1/00又掃. Bandai 的1/72又買. 旦機又買. 買完正比例, 又買SD. 開左一盒旦機, d線好淺, 於是去刻線, 不過好難, 花了, 磨完又再刻, 半個鐘先刻到幾條. 點搞啊...... 來緊幾盒macross應該會係線位玩死我.
去到而家, 真心覺得RG的設計真係好好. 易砌, 易玩, 要補夾口的地方小, 外型好, 可動性高. 每當砌番舊模同其他廠的產品, 雖然夾口fit的程度已經大有改善, 也吾見好多高低位, 不過條長長的夾口又要補, 好多又要先砌一度, 上色, 先可以再砌駁住的位, 跟住又要做masking.....
一路面對的困難, 都係基本功不足的問題. 成日覺得好多高牆係面前, 手油, 補夾口, 畢地, 整型 等等.....不過而家最緊要keep住想砌模型, 如果吾係, 又可以放低幾年....
|