二手買賣模型，唔講舊板到絕版又唔會復刻果啲

點解素組左嘅模型客觀價值上唔會高過全新未砌?
單一理論下，應該要計埋砌嘅成本(人工，時間，工具)，所以價格可以定得比原價高

在需求上我唔覺得會比雖然貴但其實合理嘅上色完成品低
針對散賣部件因為只對應個別需求所以可以貴啲

咁其實應該係心態問題?
但素組黎講應該唔至於有好大誤差，最差情況都係鬆關節同爛件，缺件，但呢種情況如果唔折舊應該都冇人要

如果係完美嘅素組呢?

其實好簡單..你信模型廠全新貨品 或係 一盒陌生人拆過砌過既模型?

都係質素問題，完美素組就算存在你又可以憑幾張相辯別或相信賣家？
我試過買素組做改件骨架，事前已确定沒膠水沒上色沒缺沒爛沒鬆
結果回家仔細一睇，打磨嚴重過度有部份件係削左一忽，沒上色但有上消光，結果最後攪餐死

我唔係怪賣家，只係交收果短短幾分鐘你沒可能check曬所有位置或點件多少講個信字，又或者連個賣家自己都唔記得是否有缺有爛，係咁既情況下點會有可能賣比全新貴？

俾人"玩"過既野. 唔係絕版, 自然會降值. 基本上所有野都係咁. 唔止模型.

又或者可以咁睇
我買盒模型返黎,砌都係其中一個目的
但係而家就比你砌左,個價值就低左
如果要成品,可以揀其他line既產品
同埋素組黎講應該大部份都係一日內就完成
咁你想我比幾多你先叫合理?

完美素組, 何謂完美~?

有冇人擔保可以全部 Parts cut 出黎所有水囗完全冇發白 / 冇水口痕, 又完全磨走水口冇偏差, 打磨後又要唔要用磨光膏捽走d 打磨痕~?

其實一砌好左就唔值錢
拆左件已經唔係全新 買家會大打折扣(因為砌過)
已且買家要再由頭拆去模型部件 再從新組合

模型本身惟一價值就係要嚟"砌"，其他嘅都係衍生價值~

冇8成咁誇嘛~~  應該打8折先至係

另外樓主問的問題, 素組冇技巧可言, 笨大的野看圖索驥便砌到出來, 所以素組砌好冇手工價值~

價格係由巿埋黎定,你亦都可以標到高過未砌ge.不過有冇人要就另一回事.
但如果素組左高價d又有人買,模型鋪應該全部轉賣素組

仲有噴油要拆返晒D件,素組好多都好難拆,因為冇削D柱位,拆餐死都係時間黎
素組新淨都還好,有D封晒塵又要全件磨過先可以上到色,其實分分鐘攪餐死
用既時間多左,所以素組左價錢低D好正常

有d人享受砌/改裝模型既樂趣,
又有d人好似我咁享受上色既樂趣多d, 所以唔介意素組, 言後自己執少少.

我喺呢度咁耐，只見過一次有人收素組個價係高過去模型舖個價，嗰次真係有啲衝動拿林去買盒返嚟齋啪過完手癮買出去 ,不過人哋係急要，所以行唔通之嘛

我買素組原因係貪平, 當改件用.

比人砌��, 就好似二手書一咁, 唔值錢.

砌 -- 本身也有一定樂趣.

呢個係經濟學入面所講的付加價值，例如一隻普通的手表，今日只係賣$500，但一百年之後，個價值就變成$100000。
又例如模型，如果只用原料角度去睇，其實只係一D塑膠原料，單只係塑膠原料價值，可能只值幾蚊雞，乜野會令到幾蚊雞的塑膠原料有更高的價值呢？
我唔係讀經濟，所知有限，但呢D就係付加價值。
另一樣係地源價值，例如水，在普通雨林地區，水基本上隨處得到；但去到沙漠地區，水就會變成有價值的東西。

不如齋剪再加執水口，然後賣，可能有價有市

同一個東西， 用文字決定價格：

1. 全新，包代工素組 （讓一部分人覺得是增值， 如未玩過模型的或喜歡只上色的人）

2. 二手，已素組 （沒人會多花錢）

我試過想入一盒SEED的硬直渣古
素組+粗線對方開我$100
佢都話應該要計埋砌嘅成本(人工，時間，工具)，
果陣在鋪全新的都係$20
所以我唯有叫佢記得準時食藥同希望佢早日康復,
就再無聯絡了

如果你講嘅素組係用模型鉗剪水口,再用刀批,之後慢慢打磨,
磨到千號砂紙滑一滑,然後為咗唔會陰陽色,係所有部件面都磨過一次.
畀咗咁多心機但又唔滲線,唔落膠水,無基本補色又無噴消光.
咁我認同你講嘅