無需拉晒青根,
只要在歷史/功能上盡忠職守,
要隨時間一起溜走都係無可避免,
(世上沒有不散之宴席)
其實係可以好淒美 !_!
http://www.youtube.com/watch?v=Bm-zoJz_Rco

我只知每次殺校既時候,傳媒次次都揾D資優生黎話殺校不公...
真係廢話..唔通資優生既學校做得唔掂都唔使殺咩...
支持合理殺校,令資源更有效分配

殺學校、少開班，o個o的老師邊算阿
老師轉行經驗由零開始，人工又少o左一大節
政府又唔肯比錢攪少班教學，仍然要四十幾人一班
逼死老師

睇完段片好感動…都覺得好可惜
18xx年就已經有ge學校，就咁就冇左…

我聽 愛爆料的TEACHER講
原來MY SCHOOL 突然變主流的 全因 救番  原本殺校的啟聾學校 =.=''
   怪唔得 自己SCHOOL 咩事變質

我間學校咪又係比人殺左,學生轉校,老師轉學校有工做,無老師做的,舊校老師好多去左做議員(我唔知點解=.=)

其實哩d係現實o黎,
只係政府/社會點去處理姐.

唔單只教師係咁,
以前有工廠員工,
尤其係管理層e.g.line長以上,
未必人人都可返big 6,
都係要面對轉職問題.

唔講咁遠,
近十年I.T.都3至4年都轉一代技術人員,
有d做左廿幾年可以生存下來有幾多個,
87股災,89民運,97回歸,沙士,911,幾個金融風暴,
特別係做系統開發個d人,最後都要去做'"食蕉",
(已往佢地係以幾千蚊一個鍾計嫁)

(好多國家都好重視哩類研發人員,
一有社會危機,
通常都會用大學名義請/留佢地,
除左好等佢地keep住繼續研發/開發/吸收新智職之餘唔使溜左去人地國家),

但香港係由得佢地死,
當市道好左又要人用(新知識),
咪用高價外努囉.

以往個d過期人材咪只可繼續做d食蕉/清潔/搾的囉,
連請佢地做副手都費事.

[ 本帖最後由 savepilot 於 2010-3-28 01:34 AM 編輯 ]

咩資源有效分配
唔知就唔好亂講啦.....

你末睇埋政府無俾市民知來緊出生率會昇返
幾年後又要開過學校 唔係仲浪費? 你又無唸下政府做咩唔出呢個數據?

你又知唔知 之前話小班教學無用既數據 係政府d人改左人地d數據得出來?
有無唸下點解要咁做?

仲有 果間係好有心幫殘障學生的學校
無左佢地 d學生一係無書讀 一係入d老師唔識點教佢地既主流學校
害死既係學生呀

而且而家個個講緊殺校 d老師好多都係除左教書就咩經驗都無
40歲中男中女 唔通搵緊5皮 突然去見份1皮既工? 老師肯 老闆都末必請

如果真係講教學 好多無heart 得個名既band 1
同d做左幾廿年 食古不化 連中文輸入同電腦都唔識用既老師 係o米就更應該殺?


如果人係可以資源化既
我唸唔知又亂講既人先係第一個可以被人收返d資源既人
枉佢地父母供書教學咁多年

[ 本帖最後由 rohk2 於 2010-3-28 01:38 AM 編輯 ]

出生率會昇返定已經返升?
我只知樓下間小學每級都係得40人到....直頭可以10幾人一班....
如果咁都唔算得上小班教學,係咪要1對1先得?
另外,教育就唔使睇供應同需求ga關係咩?
點解有d學校冇人入,有d迫爆晒要加班(自己間中學2年前中一收左6班=-="),
而間學校俾人感覺好與差一定有原因,
我覺得就算有好老師但收左壞學生,唔踢佢地走影響左d好學生,所以d人唔入佢,
或者有d麻麻地ga老師,d學生覺得佢地教得唔好同自己家長講
而家長同家長網絡間傾計中都會講下邊d好邊d唔好,你又認為佢地會唔會幫子女選間好d?
有冇人知邊間係沙田馬登?知ga就明白汁左佢對沙田區有益好多~

我果間中學入去果時真係band3尾,校風差,我入係因為住得近而已,
佢宜家唔算得上叫好,但總算公開試成績同校風有進步,
期中我見到ga主要原因:學生成績同操行差一係留班一係就走,老師差ga就換~
咁ga教育機構先有得做落去,哩d先係改善學校質素方法~
如果次次講良心,講有教冇類,最後大家做出黎結果只有差

但我覺得唔好ga地方反而係小班教學~
果時英文數學果 D都有所謂小班教學,即20個一班,我絕對唔覺有咩好處!!!!!
被分去較差一班,學生被人標籤心理上都輸左一半,覺得厚此薄彼,
老師無論教得好定差心理上都覺得要教班差d學生更覺壓力~

有冇聽講個教學心理學ga研究?個研究係將一班學生分佢地兩班教學
最緊要就係話"較好ga一班學生(設為a班)故意同講佢地係因為差而分配到差的一班,
較差ga一班(設為b班)故意同講佢地係因為好而分配到好的一班""
考試出黎成績係"a班"平均分成績低過"b班"
到下一個學期同"a班"講成績因為好左所以由原來b班老師任教
同樣地"b班"講成績因為差左所以由原來a班老師任教
考試出黎成績係"a班"平均分成績高過"b班"
哩個研究帶出ga問題就係小班教學存在問題
另外上堂學生聽書ga話有分20個人聽得好d?40個人聽得差d?
又有幾多個學生係積極問問題?同時老師係應付唔黎?
再老土d講句上一代大學生點解咁受尊重?明顯係因為果時得兩間大學囉....
所以多d兢爭先有進步~果時ga中學生唔通資源好過我地咩>?

為人師表係值得尊重但一定就係鐵飯碗?咁樣好似對其他職業唔公平bo~
如果要追求人生的價值層可以去內地山區教書ar~
其實香港教育市場殺校未算得上引起咩大兢爭,
如果教得好ga老師想去第2間學校點解人地唔要?
其實政府對教師唔錯,有晒政府退休計畫,
我識得有個教chem阿sir佢5x歲退休,
拎左幾十萬ga退休金(唔係強積金),條件係交出執教牌,咁都算係人咁la~

出生率係將會昇返 唔係而家昇返
但你可以計計數 keep住5-7年唔殺校同留住班老師既錢同時間
肯定少過重新開過學校請過人 政府都有報告出過 但無咩人睇
而政府咁做其實可能同法團校懂會有關 你可以再唸下佢既政治目的
政府要做野既原因 通常唔會咁簡單

我唔否認某d差既學校真係要被殺下先知死 唔係真係對其他職業唔公平
但呢次幫學障人仕果間 個人來講真係唔值得殺

我也不否認小班教學也有差的地方
但那種差肯定不是來自小班 而是來自各學校如何處理小班的人
我有聽過某學校把精英班放到一大班4x人的 其餘小班 希望谷高入u率
同時老師知道發生咩事 唔會太有心機教差班 先會導致你有咁既遭遇

而且 唔通教育可以同投資經紀or清潔呢d工種比?
從商既出路較多 須求也多 可以全世界到處走 老闆又唔介意人肯低做起
最緊要既係佢地對既多數係物而唔係人 對人既 就好似醫生咁 唔可以醫死人
唔通一班年年換班主任 年年同科唔同人教 對學生又係好事??
差既老師係要換 但唔代表被換得既就一定係差老師
你出過來做野 經歷下老闆(即校長,雖然最大老闆應該是政府)唸野既模式 同辨學團體靠咩準則選校長 你就明

如果好老師實搵到工 即係一in即知龍與鳳既
咁呢個世界應該唔會發生請錯老師 你亦無可能會遇到差老師
你睇之前犯過2次風化案既老師都有學校請就知 in其實不過係做場戲



而且你講既研究 根本唔係證明緊小班教學有問題
而係證明緊 自我實現預言效應(self-fulfilling prophecy)
證明緊一旦你被人label做差班後會有問題

40人聽書係無問題 不過有多幾個人傾下計 又引埋其他人傾 就太問題
唔信你搵日試下對住10個人講野 同100個人講野 感受下個分別
要去到1對1當然好 但也要看老師與學生的質素 還有政府肯不肯放這種資源
如果係差既 唔通d家長都係傻既先搵上門補習?

"
'預計'你認為有幾多成可信?
你又知一定要開過新學校先可以容納到班學生?
依家殺校果 D基本上係連一班小一都唔夠數先殺喎,仲未計D收到2,3班新生就過到骨果 D
五個課室用得一個唔叫浪費?
政府唔用DATA做理由係因為呢個政府太無力,加上一話殺校就間間學校借媒體做勢,到最後因群眾壓力搞到不了了之
扣除呢次所講既特殊學校啦(我無睇到原來呢間係特殊學校SOSAD=.=,我想講既係一般殺校)

而且而家個個講緊殺校 d老師好多都係除左教書就咩經驗都無----有好多人都係做死一行幾十年被人炒,咁你又叫佢地點算好?
40歲中男中女 唔通搵緊5皮 突然去見份1皮既工? 老師肯 老闆都末必請------你又認為教師以外既人唔想揾返份五皮既工咩?

如果真係講教學 好多無heart 得個名既band 1
同d做左幾廿年 食古不化 連中文輸入同電腦都唔識用既老師 係o米就更應該殺?-----問題係呢D得果名既學校收夠學生


如果人係可以資源化既------人力資源你聽過未?
我唸唔知又亂講既人先係第一個可以被人收返d資源既人-----咁好明顯你浪費緊地球資源
枉佢地父母供書教學咁多年-----快D同你父母道歉啦

p.s: 你係咪想打[諗]字? 倉頡碼係:卜口人戈心 啊....

[ 本帖最後由 nok031059 於 2010-3-28 11:19 AM 編輯 ]

小班教學唔係因學生人數少而產生,
而係想把一d良莠不齊o既學生用專案方法將佢地理順返去標準,
再而把佢地放返入正常教育架構.

美國比任何國家都早用小班教學,
但十年前以証明係"失敗",
小班只可作為某功能上o既用途.

e.g.一間工廠外購原材料有一定format,
而原料商亦跟format送貨,
就相安無事,
但如果貪平/降低成本而放棄所定o既format,
就要自行QC,
可是不但要請多d QC,
仲要開一個專屬部門去把原料做formating.

以上e.g.個專屬部們就係小班教學o既功能,
每個時代出生o既人都有唔同o既特質,
e.g.戰後,嬰兒潮同80,90後都有好大分別,
大部分的小孩因待遇不同而產生不同性格.

君可見有幾多國家係中學以上用小班教學,
(除了少人報讀科目或地區人口分佈稀少之外,e.g.段片),
因在小學時已format好d人去函接中學,
(e.g.自學同個人判斷能力等)

香港d填鴨式教學後遺症以在大學出現了n年,
大部分學生都無也個人判決能力,
莫說自學能力,
小弟有一名下屬(HKU)每當他有技術上有不懂/不清時,
他第一時間唔係去搵manual同上網找答案,
而係搵人教佢,
無人得閒教佢就停晒手唔做野(上網hard post+聽電台+MP3+youtube)等人教佢.

唔好講到老師講野就學生要專心晒咁,老師佢地都有責任引起學生興趣同注意,
如果做唔到已經係教學方法出現問題,事實就算成搞事ga學生如果知道老師係有誠意教ga話佢地頂多訓覺都唔會嘈,唔會影響人~
至少我果間學校咁多年d同學都係對唔同老師唔同態度~

有人話填鴨唔好,但我個人認為效率上應該係最快學習方式,用國家做例ga話英國教育唔通就差過美國?
美國最出名大學應該係哈佛大學,但佢d創辦人係黎自英國劍橋大學,所以我覺得話美國教育好d感到奇怪,
本人認為只係因為世界流行美式教育而已~
至於critical thinking 好講個人學習取向,如果故意叫學生去做ga話,其實可以係公開考試討論同作文佔分增加
高中ga哩兩份野少d critical thinking 都好難c以上~

另外咩係填鴨式教學後遺症?
我反而擔心係社會俾人ga工作價值觀,好似曾曾唐唐咁.....
多做多錯,少做少錯,唔做唔錯.....
你敢唔敢否定你個下屬驚做錯俾人小先?再者上網睇d資料都唔知邊d真邊d假
如果佢冇搵人教就話佢連學習態度都冇ja~
宜家做錯又鬧,唔做又鬧ga上司見唔少la,叫先做,唔叫唔做,哩個都係一種處世態度~

SORR嚕唔係預計 請自己去統計處個網搵資料唔該
而我講既浪費 就正正係放住個5個課室係度都好過拆左佢

而且唔係單單考慮資源問題如唔好? 唔好用商業既角度來睇人
我相信有日你俾人咁睇 你既人格同你有既野相等 你都唔好受

而且我無話唔同意殺校好唔好? 我係話唔like d人
見到人地殺d咁有心既學校仲落井下石 係度話"俾人殺就殺 嘈咩嘈"果 D


仲有 我最討厭d斷章取義式既抽水 勁無聊

而且而家個個講緊殺校 d老師好多都係除左教書就咩經驗都無----有好多人都係做死一行幾十年被人炒,咁你又叫佢地點算好?
所以我既意思係 政府應該要為失業者整個安全網 或者搵d解決方法等佢地轉營
佢地唔多唔少都對過社會有貢獻 唔通話殺就殺唔理佢地死咩?
佢地果代唔同我地 有咁多出路 可以學咁多野 比較易轉型
我想帶出既 係一種同理心 唔單止對老師 對其他職業都係


40歲中男中女 唔通搵緊5皮 突然去見份1皮既工? 老師肯 老闆都末必請------你又認為教師以外既人唔想揾返份五皮既工咩?
呢段唔太明你想插咩 不過我想講既係 去到中年失業既苦況
人生過左一大半 又無咩理由重新讀過書 唔同我地後生既 仲有時間搵自己條路
當然 而家人地講緊既後生仔難上位 上面d位俾人block左 我地亦唔好過
所以我都係想話各有難處 但就不爽我們某些年輕人把他人的難處說的一文不值 自己的難處就值得同情


好多無heart 得個名既band 1 同d做左幾廿年 食古不化 連中文輸入同電腦都唔識用既老師 係o米就更應該殺?-----問題係呢D得果名既學校收夠學生
收得夠學生就係好野? 多人衝粒燈就correct? 多人叫雞係o米又要合法化?
就如同你所講 殺校如果係想搞好教育 咁收得夠學生既就一定搞得好教育?
搞好教育係前提 但收生只不過係其中一個好教育既指標 而唔係全部
就好似今次就正正因為收生是單一指標 就殺錯了良民了


如果人係可以資源化既------人力資源你聽過未?
人力係一種資源 但我想表達既係人性 人既內涵 修養

我唸唔知又亂講既人先係第一個可以被人收返d資源既人-----咁好明顯你浪費緊地球資源
我係o米浪費緊地球資源我唔敢講 亦唔想回應你呢種人身攻擊既言論
但最少我有出席反高鐵的遊行 64晚會 71遊行 地球一小時...etc.
生活亦有做垃圾分類 盡量省的就省 切完模型剩下的膠也有放去回收 減少食牛肉
同以身作則去叫我身邊既人同學生都學下我咁關心社會多d

枉佢地父母供書教學咁多年-----快D同你父母道歉啦
我唯一要同父母道歉既 就係有時我為左社會活動同學生而少左陪佢地既時間


p.s: 你係咪想打[諗]字? 倉頡碼係:卜口人戈心 啊....
錯字人人有 謝謝你的教導~

殺校其實政府忍無可忍先要做.......唔通真係貪俾人小咩
應否殺收生不足學校根本冇得嘈,係一面倒 ga問題~
根本冇人上堂ga話俾你仲開間學校做咩先?咁都叫殺錯了良民了?
開間公司冇咩人買野都算,宜家係d人連入都唔入黎睇下,如同虛設....肯俾錢倒貼有咩用先?
班人上街嘈殺校不該,佢地大多數都係教師,原因只係佢地驚殺到埋身ja
關心教育質素咩?
咩放住個5個課室係度都好過拆左佢......邊個話拆?事實有間樂富被殺學校政府俾左hkuspace做教學大樓
政府邊會咁on居拆呢?學校大多係屋村....賣又賣唔到俾地產,大方向都用黎做d康樂大樓咁....
我相信有日你俾人咁睇 你既人格同你有既野相等 你都唔好受
唔明你想講咩..........
人生過左一大半 又無咩理由重新讀過書 唔同我地後生既 仲有時間搵自己條路
哩個諗法已經唔正確,自由主義係人人有平等機會或平等限制,加上學無止境,後生就要進修?中年就唔駛?
個教育市場如果飽和,咁俾人淘汰好正常,正如IT界咁
冇經驗唔請係成個香港都係咁ga la,得教育先係咁咩?
有人語氣係唔岩,但係你只因為不爽就反駁再加人身攻擊.....你講野直頭係撩交打tim la~
我唸唔知又亂講既人先係第一個可以被人收返d資源既人
枉佢地父母供書教學咁多年

你宜家最好道個歉先再講la~
整體唔明你諗咩.....衰d果句就係扮偉大.....=_="

[ 本帖最後由 helios1988 於 2010-3-28 05:51 PM 編輯 ]

我再講多次(第3次了) 我無話過殺校錯灑
但殺左間為左學障既學生都有平等既機會學習既學校 仲要俾人話佢地抵死
你係一個人有咩感受?

終身學習係個個都要 我無話中年既唔使 然後坐度等人幫
而係對d根本無能力進修既人 係o米連少少同情都唔使??
或者你末到有家庭 唔明一個家要點維持 小弟不才亦末明得灑
但你叫個有仔女要養 有樓要供既 身體亦無年輕果陣咁好既人
仲晚晚讀咩讀咩咁進修 要錢要時間 唔打工又分分錢俾銀行收樓
係咁進修又無左同家人仔女相處既時間
如果連出到社會都俾人因為佢失業 仲怪佢年輕唔進修 唔識轉型 而睇死佢 話佢地"抵死 人人都係咁架啦"
呢種就係我講既 "你既人格同你有既野相等"既其中一個意思

如果我俾你feel到我係扮偉大既
我唯有認同黃子華講果句 "邊個講道德 邊個就最唔道德"

事急馬行田,馬死落地行,年年都有好多中年失業ga la...
係個市場淘汰問題,政府可以做ga係提供培訓,失業人士只好去培訓
所以冇人要負責,同時不能怪邊個~
有仔女要養 有樓要供既 身體亦無年輕果陣咁好既人,佢地只係冇左份工唔等於冇晒所有,
佢地仲有學歷同家人...如果做左10幾年都冇儲蓄應付突然失業,哩個係理財問題~
其實佢地都要教院或大學畢業先教到書,出到黎都有一定ga市場~
同時好多畢業生出黎做野都唔同佢讀ga相關 la~
如果出發點定左佢地好慘ga話,我講咩都冇用~