有十年未拼過手辦, 因為 近年MG都出得好好, 所以拼MG都滿足到我 (加上我好量產係, 係少量, 一年都係兩隻多d)
好想拼NZ-666, hg身形唔多好睇, 又唔想大改, 但係等唔到bandai出MG, 所以忍唔到手, 要重投手辦界
等咗咁耐先有機會登記到聯盟, 初到貴境, 點都要出返d文以示誠意
不過好耐無拼過手辦, 技術粗糙, 如果拼得唔好, 請各位師兄見諒
爬了幾位師兄的作品, 正式開工...
這是目標
全部是手辦.. 唔係普通模型!! 功夫多好多, 但質素正好多
比起好多年前d 翻件手辦, 真係好好多, 無乜沙孔, 分件好細仔, 上油都方便d
全部用獨立膠袋封裝
實在太多部份... 開箱都做咗成晚... 仲要搞到成手開模粉, 下一步係清洗開模粉!!!
經過日 洗件, 剪件, 執沙孔 打磨工序,
總算完成,
先來試組合一下, 看看是否要啱位
上半身已好正, 比例好好, 有氣勢, 無HG係豬仔身形feel
30-5-2010 update
再拼埋腳部
下半身
全身
背面黃蜂肚真係好正, 不過那個自護標誌應該幾惡搞
完全體, 真係無嘢好講, 太正, 好想快D搞惦
加燈
因為佢隻眼直徑大約係2MM, 但係市面上, 最細最易買的 LED都係3MM, 再細果 D又唔係咁合用又找不到
之前有師兄用過3MM, 我個人覺得好似太大, 唔想咁大眼
所以我先將3MM LEM 磨細佢,
在眼部鑽洞後, 放入去, 剛剛好, 之後再去拋光
電池及電線走位, 這樣做比較易, 電池及電線全部收藏在頭部, 換電及活動性都比較好一點,
施工也很容易
再者, 我這樣做是打算再加外部電源, 例如大電池, 火牛, 或光動能電池, 所以結構簡單方面將來upgrade
只要用一粒LED, 再加電池, 無需焊接, 放入去立即可能
正面看鑽洞不夠圓影響效果, 再磨圓少少
得咗. 效果不錯, 在上油時遮一遮多餘的光就可以.
31/5/2010 update
呢幾日全日苦幹, 完成了底色, 主色噴油及 光陰位上色
個人口味比較喜歡上光暗位, 令整個模型更有立體感
1/6/2010
因上次做新安州用咗某店的自配金屬油, 效果很好, 念念不忘
所以之前問咗好多師兄那隻油究竟是什麼油
前幾日買咗支好嘢, 不過好貴, 只有大支裝.. 細支裝買完....不知用幾多年先用完
呢支係有一個師兄的blog裏面推介, 旺角都好難找, 我要去到深水埗先找到..
用後發現與某旺角店的自制金屬油效果相同, 氣味, 性質也很近,
我在估計可能是那店找了一大支, 再分拆一細支賣
先上光黑
薄薄一噴, 有鍍銀質感
但如果太厚就會失去光澤.. 但也有很不錯的金屬感,
最好用噴筆..
手油效果無咁好, 也很難上色,
因廠商已表明不用開稀, 直接用, 所以很稀的
加上我發現, 它的性質在琺瑯油與油性油之間..因為我用琺瑯thinner是比較難清洗到..
要小心用
效果很好, 好似用咗金屬補品, 慳唔少買補品錢
如你要黑鐡/ 金色 / 銅色, 就自行在上面噴上 透明色油
2/6/2010
最緊張的時刻, 看看呢個最重要的新自護標誌有冇噴出界.
哈哈, 幾好, 都可接受, 只要少量補油就好靚
噴引擎或要遮蓋凹入的部份零件, 就用用宝貼遮蓋法, 很快捷易用
相反, 只噴凹位部份, 外面不噴的話, 就用小孔噴法,
(在膠紙上開一個比凹位小一點的孔, 小心上好膠紙, 不要漏邊, 再慢慢輕噴上色, 由其邊位)
或用琺瑯油手油或噴, 最後將邊位多出的地方抺走即可
成績唔錯, 再執一執就ok
3/6/2010
今日處理埋餘的細部件, 之後就開始滲線
跟來有一些金屬件, 不噴色的都要做點處理, 否則會氧化.
我就直浸在Mr. Metal Primter, 再放乾
今天濕度高, 我同時試用光油, 很快就白化 , 相反這樣求其上metal primter都沒白化問題, 又易搞.
效果不错
今天再去買多隻115, 是 比較暗的鋼色
效果很令人滿意!!!
這樣放置零件, 夠壯觀, 一目了然, 不怕零件失跡.
發光LED眼幾有殺氣
其本上色已完成, 餘下就係執漏及滲線
7/6/2010
開始要噴消光油, 濕度一定要在六十以下, 否則會發白, 咁就浪費咗十幾
日的工夫.... 呢幾日都七十幾八十, 所以要開冷氣抽濕, 用個濕度計mon住
上埋水貼, 完成消光, 呢個係最後零件檢查步驟, 看看有冇唔見, 有冇上
色上得唔好要再搞
都係佢個新自護最有型
消光後很有質感,
跟盒D水貼係幾有實感, 只係某D微細部份唔夠清楚
上半身完成
拼完上半身已很有氣勢
呢D手袖位最煩... 要慢慢補油先會靚
佢個貝殼完成了, 有六支金屬浮游炮, 我都係覺得自己上色的噴射器好一
點, 如上色得宜,比起那些金屬噴射器補品更有實感, 有噴射感覺
加上用了alclad D金屬油, 都有九成金屬感
期待今晚裝組完成!!!!
9/6/2010 updated - 完成
最鍾意咁樣放... :P
夾倉真係幾detail, 呢下HG真係無得比...
NZ-666有四個夾倉, 係佢特色.
見到呢幾張真係好感動,
手部已完成... 自護的機械設計係幾有美感
留意, 手臂上的電線唔係補品, 係油出來, 但超有金屬感,
真係慳返好多補品錢, 而且咁先有挑戰性, 用上色的方法模仿實物先好玩
先來固定骨架, 呢下都做咗我成晚, 因為佢四個夾倉太重... 所有關節都係用AA膠痴死... 否則一定一字馬...
好明顯呢隻機係宇宙專用MS.. 如地球重力下.. 一定負重太大...
上埋裝甲.. 己經成型...
駕駛倉外部特寫
雷射眼加了燈, :P好正,
很有氣勢,
真係好巨...
我咁多隻作品, 呢隻最有氣勢
呢次用過的油.及其他工具.. 真係好多...
... 都係加了燈係殺氣大D... 無加錯, 而且LED真係要做細D好D, 呢個size剛剛好
遲些想想如可加外部電源..
低抄係唔同D...
見到呢張相, 代表完成了... 真係好感動.. 5月18日開始做, 做到6月7日, 用了21日....
要休息下, 遲下先幫佢影靚相..
[
本帖最後由 dogjumpjump 於 2010-6-9 06:47 PM 編輯 ]
分享
