再次砌NG既1／60系列首辦，本來想制作1／60 KOG AT，但買番後總係提唔起勁去砌，但啱啱出糧就見到呢隻沙剎比有得賣，本著新買既模型總比舊既好既心態，買番黎後立即開工。

同1／60 NU 高達一樣，呢隻沙剎比除左裝甲內部同一D細節要遮蓋之外，幾乎可以話係所有有顏色既地方都有分件，十分適合小弟又懶又無技術既人(但大量分件又大大增加制作所花既時間）

而外型亦只可以話中規中矩，更可以話輸GMG近期隻1／100沙剎比十幾條街，但因為小弟年紀大，唔夠眼，都係大大件零件啱自己砌





同1／144HG想比，好似並唔係大好多



胸口用上三組關節打開，去打開一個LED燈制，但頭部（或全身）卻連一組關節都無，頭部連上下活動都唔可以



修改好多地方後，頭部先可以向下望少少





暫時只砌好上半身，手腳慢慢再砌，遲D再更新

[ 本帖最後由 2000ming 於 2012-10-22 01:11 AM 編輯 ]

呢隻NG 沙煞比做型本人覺得唔錯，
第一眼見到時已經有小小中毒想入，
但之前已經入咗二隻唔同比例的手辦沙煞比還未動工，
都係考慮清楚好唔好入，
期待樓主完成，
密切留意中。

呢d相都好毒

8月9日更新

分別執好左下盤同背包
單係下盤已經有四十件零件，分件亦唔差，方便上色


前裙甲



噴射口獨立分件出黎，遮蓋少好多。





因為銅支愈來愈貴，小弟又愈來愈窮，所以近期都會用砌模型剩下既支架代替銅支，而且效果亦唔差
（1包銅支廿蚊四支，要完成呢隻沙剎比隨時要買幾百蚊銅支 ）





浮游炮夾艙門用上可動3D parts 來開啟，磁石固定，但效果一般。





浮游炮下都有唔同位，唔會砌錯





燃料筒分開四件件，但唔係空心，所以都幾重。


三個部份分別執好，但背包遠比想像重，裝上後立即斷腰，要再想辦法加固。



單係完成身體都好似唔夠大隻，同隻高達比都唔係大好多。





[ 本帖最後由 2000ming 於 2012-8-9 08:41 PM 編輯 ]

呢隻沙比的件好似好靚

好怏手啊

銅支如果你係去模型舖度買就更係貴啦，
去新填地街專賣銅支/銅片和鋼支的五金舖嗰度買啦，
平好多。

唔用銅支可以用萬字夾代替, 都可以平d!!

你整隻隻都咁大隻~! 勁~
話時話你隻積陀幻象咩情況??

男人老狗一個人去新填地街好易忘記左原本既目的 ，會蕩失路走左上樓梯

我記得新填地街好似有間鋪D銅支係一斤一斤咁賣，不過好多時放工出到去都關晒門

萬字夾都可以，但只可以用喺D細既件上，太大件會唔夠力。

小弟年紀大，唔夠眼，件太細既話，拿住打磨手又痛，眼又朦，好似買盒RG番因為件太細，砌到一半都項唔順。

隻積陀清況惡劣，都係擺吓先

之前見到有ching講過新填地街果度有銅支/銅片和鋼支,但搵極都搵唔到,可否pm告知位置/地址??

有一支支咁賣架，
一支好似成6呎長，
價錢視乎銅支粗幼而定，
我之前買過一支唔係太粗的，
都只係二十幾蚊。

我想入番隻玩下~! 唔知入1/220 定 1/144好, 因為驚太大無位放~
你個隻咩比例? 幾錢? 等我可以參考下~

我果隻係1／100，喺淘寶買，連運費約$1800，多色成形

不過可能因為D膠唔靚關係，綠色件縮膠縮得幾勁

因為打機停工左成個禮拜，呢兩日終於執完個盾牌同支鎗。

個盾牌實在大大隻，未計光劍同飛彈單單一個盾牌己由9件零件組合成，而且重量驚人，好彩有個架支撐住


同1／144盾牌相比，大隻太多。


背面細節





支鎗亦有強大既分件，一支鎗由12個零件組成，鎗咀亦有分件







同1／144支鎗比。





開始打磨雙腳既零件，忍唔住試組一吓，睇吓全身有幾高。

緊貼追蹤.........!!!!

正正正∼∼∼∼

期待ing