因為環球清貨買滿＄1000半價，原本只係諗住買盒F40加盒快意500，再事但買D野買夠＄1000就算，但係差不多唔係死貨就係D買唔落手既模型，一係就加埋遠超過＄1000，睇左成個鐘都未決定買咩好，諗住把心一橫咩都唔買時，比我喺堆死貨戰機後面搵到呢盒野，因為個盒明顯新過堆死貨好多，所以我覺得好似有人專登收埋呢盒野，打開睇D件又唔差，又有蝕刻片(因為無玩開軍事模型，一直意為有蝕刻片既模型高級D ）而且外型又夠獨特，雖然標價＄598，但加埋盒F40（＄489）都只係＄1100到，半價後應該都平過出面 。

＄550大元兩大盒模型




雖然買左番黎但其實兩盒模型我都唔識砌，汽車模型我買過唔少，但連點抛光都未識 ，而戰機我除左認得邊架係F14，F16，F15，F18之外一無所知，而模型更只係7，8年前砌過一架1／72 F16，所以點砌戰機真係唔識，請各位師兄多多指教
不過突然去接觸一D自己唔識砌既模型新鮮感真係好大，有好多新發現，單係渣住說明書去模型鋪買油就起碼十年無試過，買兩支膠水要成80蚊更係嚇死我 (屋企D膠水太耐無用乾晒），砌左幾日終於叫完成駕駛倉，蝕刻片又細又難痴，眼都花 ，滲線滲到D零件碎晒先醒起塑膠模型唔可以直接滲線



軚盤同張櫈都滲線滲到碎左，好彩痴得番


錶板原本有水貼，但小弟真係無能力痴












而家一日砌幾個鐘，希望24號前可以起到貨

呢架black widow好野黎 等睇成品

機頭駛唔駛加重

說明書有話要加重，但想問下機頭加重有咩用？

你唔想佢抬起頭，就一完要加，否則機尾著地。