注意、警告：
長氣老人家第一次出 Post 分享製作過程，如有悶親，請多多包涵。
小弟都係初次認真製作精細的木製模型，實屬無乜經驗，有些地方更可能是亂砌.....  如有錯誤地方，望各位兄弟多多指正。  


[背景]

「達文西」（又譯「達芬奇」，Leonardo di ser Piero da Vinci，1452-1519），義大利「文藝復興三傑」之一，舉世聞名的藝術家，最為人認識的畫作有《蒙娜麗莎》、《最後的晚餐》及《維特魯威人》。  達文西除了是藝術家外，其實也是解剖學者、數學家、建築師、工程師、發明家。他具有超越那個時代的廣泛思維，著名的概念性發明比如飛行器、直昇機、坦克車、太陽能聚焦使用、計算機、板塊構造論基本原理、雙層殼等許多構想。他的構思與設計都以手稿及草圖形式紀錄在他的筆記簿冊中，但要在他過世二百幾年後一直到十八世紀才被公諸於世。他的其中一項為後人津津樂道的設計，便是「撲翼飛行器」(Leonardo da Vinci's Flying Machine with Flapping Wings)。

後人在達文西的筆記簿冊中發現不少研究鳥類飛行的資料和撲翼飛行器的設計草圖，並配有建議如何製作和操作的示意分解圖。達文西研究人類與鳥類的解剖學而得知鳥類的肌腱遠較人類發達，但他認為只要藉由適當的輔助方式，例如機械飛行器，即可強化人類力量而達到飛行的目的。他曾說道：「鳥是依照著數學公式而飛的機具，是人類可以在自己能力範圍內複製的」。

達文西的撲翼飛行器設計手稿與草圖 (互聯網圖片)
[attach]271304[/attach]

達文西的撲翼飛行器設計，是模仿鳥類和蝙蝠的飛行，主要以木作材料，整體外形像一展翼的禽鳥，尾部如鳥，雙翼有關節而且比較像蝙蝠翅膀。雙翼和尾部的翼骨之間縛有網布，網孔將會披上羽毛，就像鳥類的翅膀一樣，雙翼主翼骨以繩索連到機身上的機械裝置。機身是一塊木板，裝有滑輪引導繩索通過機械裝置連到機身前方垂下的兩個把手。飛行員俯臥在機身木板上，以皮帶固定身體，雙手抓著前方兩個把手不停地上下拉動，通過巧妙的機械裝置，連著的繩索便會帶動雙翼上下拍動。

撲翼飛行器模型 (互聯網圖片)
[attach]271305[/attach]
[attach]271306[/attach]

雖然達文西曾經努力用心的研究鳥類，以企圖實現人類對飛行的夢想，可惜的是，仿傚鳥類飛行的複雜性遠超出他所能理解。事實上，如果按照達文西的設計把撲翼飛行器製造出來的話，它們不可能飛得起來。雖然如此，達文西是有史以來以科學方式致力飛行研究的第一人，這位當代博學天才的天馬行空的構思，對後世人在科學上的思維、研究和發明，起了影響性的啟發作用。


[模型介紹]

小弟呢盒「達文西的飛行器」(Leonardo da Vinci's Flying Machine) 木製模型，十多年前係美國 Las Vegas 購入，當時一眼見到就即時中毒，都無諗過砌唔砌得掂，就「迷迷糊糊」咁買左...... 售價約百幾接近二百 (美金)。  買返黎放左好多年都未開工，主要係驚砌唔掂......  但幾年前唔知做乜，突然有股衝勁動力，於是膽粗粗開工......  不過砌左一半都無，就因為屋企裝修而停工，一停又過左兩、三年......     之前都用左好多心機同時間去搞呢副模型，就咁難尾真係唔甘心，奈何一直都無乜動力...... 但自從上左 HKML 之後，見到各位師兄弟不懈的衝勁同熱誠，令小弟又有返動力喇！  最近就挖返呢盒模型出黎，的起心肝，繼續「飛翔的夢想」！       希望有日完成，夢想可以實現..... 如果真係爛尾，就所有都化為幻想 lu ......

模型生產商是 Canada 一間專門出品歷史文物模型的公司 Incunabula Museum Series Incorporate，是根據達文西手稿及草圖內的資料作參考設計，比例 1/6，完成後翼展達 102cm (超過三英呎).....  
根據比例，達文西設計的飛行器實物 (如曾經有過) 就有成二十英呎闊，都好大隻好重o者....  如果以人力驅動，唔怪之得飛唔起喇......

模型套件內容 (盒大小約 10" x 22")。由於幾年前開波時沒有影相，現時相中看到的已不是原貌，更可以看到有些部件是半完成狀態。
[attach]271307[/attach]

模型套件內材料絕大部份為木材，包括有幾種木：洋杉木 (Cedar)、樺木 (Birch)、圓形的竹枝；另有少量塑膠 (滑輪組裝)、皮帶、鐵釘、鐵線及鋼琴線等。套件的大部份材料是放在大盒中下方那個白色紙盒及那些雞皮紙袋裡 (有三、幾十包咁多)，每個雞皮紙袋上都用橡皮圖章印上不同編號以作識別。套件內另有說明書一本及一大幅結構圖。  好傳統的舊式歐美模型包裝方法，望落真係唔多醒神，但係就好有懷舊感覺，能與模型題材配合。而且用大量雞皮紙袋仔，膠袋都唔多個，環保意識十足，係今時今日確實難得。

飛行器模型的 1:1 結構圖解 (大小：21.5" x 34.5")，仿古文件風格繪畫。 部件間的組合、木材量度長度與定位...等等，都要靠此圖。
呢幅圖好緊要o架，如果套模型爛尾，惟一有「渣拿」剩低的就得返佢，可以用木架鑲起佢當掛畫....  
[attach]271308[/attach]

除了套件包裝夠「懷舊」和有點簡陋外，零件的原材料選料亦有「馬虎」感覺、和零件的製造亦不夠精確 (以後的製作過程會提及)。如果這套模型是由日本仔設計和生產的話，肯定會精細得多。不過砌這些「粗枝大葉」的歐美模型，特色就是夠晒挑戰性。

待續.....

[ 本帖最後由 patmb 於 2009-12-10 12:01 AM 編輯 ]

[說明書]

說明書外觀亦是充滿古典風味，就像古時歐洲的文件書信上的封印，不過就是以一張圓形金色貼紙封口。書內真正有關組裝的共十五頁，共分三個主要部份：1) 機身、2) 雙翼及尾部、3) 飛行器的整體組裝。

說明書封面上意大利文標題：「il volo instrumentale di Leonardo da Vinci」，英文意思就是「The Flying Machine of Leonardo da Vinci」。
[attach]271327[/attach]

三個主要組裝部份，由左至右：1) 機身、2) 雙翼及尾部、3) 飛行器的整體組裝。
[attach]271328[/attach]

說明書內頁對組裝的描述，就有如達文西筆記簿冊內的資料，插圖都是立體掃描繪圖、伴以大量的文字詳解 (英文)，與平時砌開的塑膠模型的說明書有極大分別。
這種形式的說明書，單看插圖是不足夠的，必須細讀文字描述，才能理解實際的組裝方法..... 如果睇唔明的話，就要估估下......  以下是其中幾頁。

機身組裝。
[attach]271329[/attach]

翼及尾部的組裝。
[attach]271330[/attach]

飛行器整體組裝。
[attach]271331[/attach]

待續.....

[ 本帖最後由 patmb 於 2009-3-25 01:07 PM 編輯 ]

終於出台啦. 一定會密切留意

這個好

超複雜.......................

WOW....請大大繼續完成達文西 - 飛翔的夢想啦

patmb 兄...

大開眼界...

一定密切留意

呢類木製模型似呼收藏價值比軽高WOR

二百 (美金) 成千幾港銀我就唔捨得買啦

[ 本帖最後由 frankie 於 2009-3-25 12:59 AM 編輯 ]

[模具的製作]

一開始，小弟就遇上第一個難題......

飛行器模型有些部件是彎的 (例如翼骨)，製作時需要使用模具弄彎木材。說明書內有一頁印有模具的原大圖形，需要另用厚木板根據形狀鋸出來。

要自己製作這樣的模具，一般只能用「線鋸」慢慢從木板上鋸出來；但鋸面要垂直、平滑、整齊，對小弟來講，頗有點難度..... 而且要鋸好耐，真係鋸到天光都未鋸完.....       最驚係自己鋸出黎鋸到不知所謂，辛苦完一輪又徒勞無功......

自己鋸唔掂，惟有「請槍」.......  於是小弟到旺角砵蘭街一帶買塊半吋厚的木夾板碎料，將原圖影印出來貼到木板上，然後去油麻地新填地街一帶搵間專造塑膠招牌的舖頭，搵師傅幫我鋸，因為佢地有「金界」床、又熟手，確保鋸得整齊.....  去過幾間格價，搵左一間只收人工 $50，而且好快手，我放低比佢就去食晏，食完晏返黎已經搞掂，都唔駛一粒鐘.....   

說明書附錄的模具圖。
[attach]271351[/attach]

鋸出來的模具。
[attach]271352[/attach]

使用這些模具弄彎木材的方法，稍後會講到。

待續.....

[ 本帖最後由 patmb 於 2009-5-5 03:04 PM 編輯 ]

如果是我就一定唔舍得砌 加油！！！期待大作

木夾板唔使買 係街可以執倒

模板可以用蛇尺

多謝各位收看！  小弟盡可能完成呢個「飛行的夢想」。

多謝收看！  叫「大作」小弟認真唔敢當，但求唔好變「爛作」便是。  


小弟覺得買左唔砌，就失去模型的意義.....  而且小弟較享受「砌模型的樂趣」多過「收藏物件」的樂趣.....  唔o岩聽唔好打頭喎...    
不過小弟都買買埋埋一大堆模型未砌，其實都係變相收藏，慚愧......

買盒 Studio27 或者 Tameo 的車仔隨時都千幾、兩千銀起碼，千幾蚊買呢盒咁罕見、題材咁特別的木模型，計下條數其實都可以接受 (雖然唔係平)......

[ 本帖最後由 patmb 於 2009-3-25 04:02 AM 編輯 ]

有諗過係街免費執塊木板，但o岩用的可遇不可求，有ｄ好大塊或太細塊、有ｄ過厚或過薄 (會變得難用)、有ｄ就發霉或好污漕、有ｄ變左形......  我去買塊碎料都係十幾、廿蚊，今次豪比佢....

用蛇尺驚畫錯位，而且覺得用「影印 + 白膠漿貼上」呢個方法應該更省時方便。  不過好多謝兄弟的意見，大家分享下心得、見解，確係好事。

[ 本帖最後由 patmb 於 2009-8-8 11:33 AM 編輯 ]

好似好難攪咁wo=_=

嘩, 好正

俾我見到都一定會買   

加油呀 慢慢完成你"飛翔的夢想"








.

[ 本帖最後由 小龍 於 2009-3-25 02:02 PM 編輯 ]

哇 ~ 大 project，好複習，重好有藝術 feel，期待 !! ~

多謝各位收睇！  


小弟都係第一次砌精細的木製模型，開頭確係唔易，不過搞搞下又幾好玩....  


我第一眼就比果張結構圖吸引住，忍唔住就買左..... 買後初初有ｄ後悔自己沖動，但而家砌落又覺得幾過癮.....  


架野真係幾複雜，而且跟盒黎有ｄ物料唔多掂、有ｄ木材又爛左，要出去周圍搵代用品及補木料......

[ 本帖最後由 patmb 於 2009-8-8 11:34 AM 編輯 ]

哇  留名先

做得好呀！聞西